”Ninebe mondogat ninogogwi kaindek ninom lambukhogo logolik Allah enu hombuk palogo mel ogo: Allah nen komotninafikhe wene, at amingmingengge Musa yagatikhemo aren yaganisasikhe wene andi hologo higithogo hilingiti logogun. ”Yi'nogo hilingiti logogun,” iluk Allah enu hombuk palogo ogo andi hilingiti'lek halok, Allah nen homan ninobagauwago. Nineisena Allah nen, yi'nogo hilingi'no ti'nogo hilingi'no, iluk komotninafikhe wene andi mondogat hologo higithogo hilingiti logogun, iluk at enu hombuk palogo ogo andi,” iluk isukwa.
NEHEMIA 8:3 - Allah Wene Fano Wene Hupla Inane3 A'nogo waluk wagaikhesik, o huberen hundik linggene nen hundik buku a'nogo enu salhu kwelek, afuni mondogat omanogo inesanggo fanorogo hologo welagaukwa. Faic an caibideil |
NEHEMIA 8:3
25 Iomraidhean Croise
It afuni Israel mene inawi kota welagaukwa kwe lombok kwi wagaukwasik were'ma tugi iren wenati lagaukwa higithogo 7 mene folelhikhemo re, tanggal 1 ba inebe mondogat o Yerusalem leget pak leget ambe palek mene enu Pintu Gerbang Air salhukwaba andoma elonggoma o silimo andogotukwa. A'nogo andogotukwasik he buku Allah awene melalek afuni Israel mene faget Musa ba fesikhe mene a'nogo ap imam Ezra wene TUHAN nen, ”Yi'nogo hilingiti logoino, ti'nogo hilingiti logoino,” iluk komorinafikhe wene andi mondok elu agun a'nogo nen wanuageluk yagatukwa.
A'nogo wutukwasik, pesta hilingitu inenggi 7 nen welagaukwa. A'nogo hilingiti logolik, wene Allah nen komorinafikhe mene lisu palek mene a'nogo at Ezra nen hundik-handik enggi ekhe sambul wene ero ekhe mene enu salogo yagaisigik, inenggi ekhe sambul wene ero ekhe mene enu salogo yagaisigik, o ebe lombogat a'nogo nek yagaisikhi lagaikhe. A'nogo yagaisikhi lagaikhesik, inenggi ekhe 8 meneba re, wene palek a'nogo higithogo elugun warogo hilingitukwa.
A'nogo hologo werek kwelek, at Ezra ebe e talek afuni inebe andogorek werek kwelek wenenggak agarek oba hilingisogo fesukwaba mendek logolik enu salhikhe. At Ezra buku andi enu salhu kwelek ap at enggi ebekwe fikhit mendek welagaukwa mene inenu re, yi: Matica inom, Sema inom, Anaya inom, Uria inom, Hilkia inom, Maaseya inom, inenu andem mendek welagaukwa, nen enggi harekwe re: Pedaya inom, Misael inom, Malkia inom, Hasum inom, Hasbadana inom Zakharia inom, Mesulam inom, mendek welagaukwa.
It afuni andi inebe a'ma hak mendek werek kwelek, at Ezra nek he, e talek afuni inebe andogorek were'ma lagaluk wenenggak yagaisagarek oba andi mondok legeisogo talfesukwama a'luk he, it afuni andi inebe mondogat he ineilenggen at Ezra oba yerogo welagaukwa. A'nogo yerogo werek kwelek, at Ezra nen wene Allah nen Komotninafikhe wene a'nogo enu saligiluk funggulhunem inebe mondogat menlagaukwa.
Hu'lagaukwasik were'ma re, it afuni andoma mene nen, wene Allah nen komotninafikhe wene a'nogo enu salhik, wene it ap Allah ane yagaisikhi lagaukwa mene nen lisu palhukwa mene enu salhik, isukwasik he, inogogwi kaindegen Paulus lak yagaisikhi logolik: ”Nagaila'lak. Afuni yoma inendawinggen wurik asuagen he, hiren wene ekhe werek halok he, yaganisobagaigeluk hinayonggo fogo o,” iluk isukwama,
Wene lakfei waga mene andi, it afuni o Yerusalem mene inogogwi kaindek inom enat he, Yesus ebe futfesukwa lek. Futfigi'lek logolik, attagaren it ap Allah ane yagaisikhi lagaukwa mene omanogo nen wene lisu palogo fesukwa mene were'ma, samban hundik-handik ikhi logolik enu salhunem inesanggo holharek meneat he, wene ebe futfikhi lagaukwa lek. A'nogo futfigi'lek logolik, Yesus wene oba fuluk ebe watukwa andiba, wene attagat isukwa mene andi oba tibisikhe andi.
Hemi wene yagaisasugu mene andi, he ekhe aiba o Tiatira mene. Su kain elokhonggen e enggen warek hangge mene it ekhe inoba onggo hokhoat wanhi lagaikhe mene, enu Lidia andi nen Allah ane wanhikhesik Yahudi mene hangge were'ma, wene Paulus nen ugunem fano wanuageluk, Tuhan endawimo kagalhikhemo, wanhikhe.
A'nogo yagatukwasik, ”Nit ninenggi yiba nen hobuk hoba wesugun o,” iluk wene waretukwa. Wene waretukwasik he, inenggi andiba inebe hokhorogo o Paulus welagaikheba ambit wagaukwa. Wagaukwama, ohealegen pikhit hubanggo wene Allah awe a'ma fisikherek wene a'nogo yagaisikhoat welagaikhe. Yagaisikhi logolik, iren Yesus hilingitikhe wene andi eberogoat iluk futfouwageluk, wene Allah nen komotninafikhe wene Musa nen lisu palogo fesikhe a'nogoba inom, ap ekhe Allah ane yagaisikhi lagaukwa mene nen lisu palogo fesukwa a'nogoba inom, komorinafi lagaikhe.
At Musa nen a'nogo yagatikhesik, wene Allah nen, ”Yi'nogo hilingiti logoino, ti'nogo hilingiti logoino,” iluk komorinafikhe wene a'nogo lisu palogo fesikhe. A'nogo palogo fesikhesik he, it ap Allah eisewerek inunggulenu Lewi mene Peti Wene Warogo Allah nen wo'ninafikhe iluk hilingik mene a'nogo waluk nikhi logouwagaluk inayonggo fesukwa mene omanogo inom, afuni Israel mene inogogwi mondogat inom, wogisasikhe.
Niren wene Allah ane a'nogo yagahisasugumo, hiren he, ”Wene andi afuni inane mene lego. We, Allah ane aro,” iluk wanhigip andi re, eberogoat Allah aneat wanhigibo. Andi nen nit kamo igi'lek Allah hai wato mondok welago. At Allah nen hit hinendawinggen Kristus oba himbiret fesigip mene halok hinendawimo kagalhu mondok welagarego.
Sanasan