NEHEMIA 8:16 - Allah Wene Fano Wene Hupla Inane

¹⁶ A'nogo yagaisilik lagaukwama, it afuni omanogo e enggisok sombol higik wani lagaukwasik waluk wagaukwa. A'nogo waluk wagaukwasik, it inebe mondogaren o sabu andi it inawi wurik o tum oba inom, inawi silikwe inom, o TUHAN awi silimo elokhoma andoma inom, obalik kwe ambe palek enu Pintu Gerbang Air ikhi lagaukwaba horogat andoma inom, Obalik ekhe enu Pintu Gerbang Efrayim ikhi lagaukwaba andoma inom, wurik lagaukwa.

NEHEMIA 8:16 Iomraidhean Croise

2 SAMUEL 11:2

A'nogo logolik inenggi ekhe sambul he, at Daud linggene nogo isikhesik eluk agaikhesik he, awi wa'lengge awi wuri'mo obuluk liokse'ma andoma lagasikhesik yethasikhe re, he ekhe mondok fano mene kume watunem eilenggen yethasikhe.

2 RAJA-RAJA 14:13

A'nogo hilingitukwama re at Yoas nen he raja Amazia fakfesikhesik o Yerusalem kwi lagaukwasik leget pa'leget waganek mene a'nogo re kwe ambe o Efraim mene werekwe kwikhi lagaukwa mene a'nogoba nen he kwe unggutmo hilingik mene a'nogo huli 200 meter en uanhogo andoma meisak langkukhogo hilingfesukwa.

2 TAWARIKH 20:5

It a'nogo lagaukwasik he, o Tuhan Awi wuri'mo senggelek ket meneba omanogo afuni Yerusalem mene inom seberogo kabokse'ma re, at raja Yosafat a'nogo it inelokhoma menlagaikhesik he,

2 TAWARIKH 33:5

O Tuhan Awi wurik mene a'nogo elokhoma fena-fena aremnogo re hesagalenggen faget wam warogo noletuba iluk mezbah ekhe wutikhe.

NEHEMIA 12:37

A'nogo lagaukwasik it inebe Pintu Gerbang Air Mancur were'ma andem lagaukwasik he, it inebe kwanirogo re kwe pela enu Daud awi kota andi bene lagaukwasik he, at Daud awi silikwe nen he, nekhengge lagokhogore pa'leget wagane'ma o mo lagai wagarek fikhiren kwe ambe Pintu Gerbang Air ikhi lagaukwaba andem asi wagaukwa.

NEHEMIA 12:39

Andoma logalhugusik he, nit he Pintu Gerbang Efraim agarek kwe andi nen he kwe ekhe enu Pintu Gerbang Lama agarek oba a'nogo lagosik, kwe ekhe Pintu Gerbang Ikan agarek kwe andi nen Menara Hananeel oba andoma lagosik he Menara Seratus oba nen he pikhit Pintu Gerbang Domba ba andoma huli logali lagagu. A'nogo logalhugusik he esa niren mene a'nogo re Gerbang Penjagaan were'ma agarek oba nen o TUHAN Awi wuri'mo horokhogo andoma ninabolok lek asi lagagu.

NEHEMIA 8:1

It afuni Israel mene inawi kota welagaukwa kwe lombok kwi wagaukwasik were'ma tugi iren wenati lagaukwa higithogo 7 mene folelhikhemo re, tanggal 1 ba inebe mondogat o Yerusalem leget pak leget ambe palek mene enu Pintu Gerbang Air salhukwaba andoma elonggoma o silimo andogotukwa. A'nogo andogotukwasik he buku Allah awene melalek afuni Israel mene faget Musa ba fesikhe mene a'nogo ap imam Ezra wene TUHAN nen, ”Yi'nogo hilingiti logoino, ti'nogo hilingiti logoino,” iluk komorinafikhe wene andi mondok elu agun a'nogo nen wanuageluk yagatukwa.

NEHEMIA 8:3

A'nogo waluk wagaikhesik, o huberen hundik linggene nen hundik buku a'nogo enu salhu kwelek, afuni mondogat omanogo inesanggo fanorogo hologo welagaukwa.

YEREMIA 19:13

Yerusalem oba o wurik mene andoma mondogat inom, nen ap raja-raja Yehuda ba ferinarek werek inap inawi andoma mondogat inom he, o Tofet hakhogo mondok emerek mene asigin, andi re afuni nen it inawi tomkwe andoma kembu dewa pogoroba werek mene faget iluk amben fano mene dupa noletik, dewa amu mene faget anggur wogetik, hilingiri'lagwi andiba asigin o,” ikhe iluk yagaisano, isikhe.

YEREMIA 32:29

endu fasugun. Andi re afuni nen An na'mage kwelafi logolik o andoma tum oba nen he iren Baal faget amben fano mene dupa nolhik, nen tugwi kembu obaget anggur agai hilingitik, hilingiri'lagwi aiba andoma mondogat alkan kurogo leget fagain o.

ULANGAN 22:8

Hit hinawi ket wuti logolik halok, o tum he aleget waganogo nen wu'no. A'nogo wusumo nen ap ekhe o tum oba nen pile waga logolik wasigin halok he wene hit hinoba asigin lek.