NEHEMIA 8:12 - Allah Wene Fano Wene Hupla Inane

¹² A'nogo yagaisasukwama, it afuni omanogo pugulogo inailokwe lagaukwasik, inamburu ninggik, inagai ninggik, ikhi logolik, it ekhe sumburogo wogisigik, uogeluk inailokwe inam-botkwe lagaukwa. Lagaukwasik, Allah nen wene komorinafikhe wene enu salogo yagaisasukwama inesanggo holhukwasik futfesukwa andi nen he, inendawimo inagaiyek agaukwa.

NEHEMIA 8:12 Iomraidhean Croise

1 TAWARIKH 29:22

Andi sambul he it inamburu ninggik, inagai ninggik hilingiti logolik, Tuhan eilhanem inagaiyekhogo hilingitukwa. A'nogo hilingitukwasik he nekhengge inenggi pirenek meneba re at Salomo raja menlaga iluk inane menfesukwa. Tuhan enuba re at Salomo raja menfesukwasik Zadok he imam menfesukwa.

NEHEMIA 8:10

Nineisena TUHAN nen hinendawimo hai hakhoagaluk hilinghinafe mene andi nen hinendawinggen ago wasigin werego. Halok o yogondak he, nineisena onggwarek awi weikhemo welago andi nen he, hinailokwe hinambotkwe lambik, hinendawimo weak welagi'lek, hinagaiyek hikhi logolik, hinamburu ninggik, hinagai ninggik ino o. A'nogo hilingiti logolik, hit hinamburu inom, anggur amusu inom, it afuni ekhe inamburu inom, inagai inom, lek mene andi ekhe sumburogo wogisano aro,” iluk yagaisasukwa.

NEHEMIA 8:11

A'nogo yagaisikhi logolik, ap Lewi mene omanogo nen he, ”O ninenggi yogondak nineisena TUHAN onggwarek awi yiba re, hit hinendawimo a'nogo weak asugun mondok lego,” iluk inane agap sagalhigik yagaisasukwaat.

NEHEMIA 8:13

A'nogo pugulogo lagaukwasik, ohealekwe re, afuni inunggulenu lombok inogogwi kaindek mondogat inom, ap Allah eisewerek mene inom, Lewi mene inom, wene TUHAN nen komorinafikhe wene a'nogo ap Ezra nen yaganisoageluk oba wagaukwa.

ESTER 9:22

Andi re linggene andi sambul enek iren afuni inaselei mene omanogo mabenet fisasukwama it inendawi heiselogo ou hugu welagaukwa. A'nogo welagaukwa mene a'nogo obali'mo re inagaiyek hasukwa mene andi faget hilingiti logogun isukwa. Andiba linggene andem oba re iren seni isatik, i sumburu nouwogeluk misi'mo kabogetik, nunggungge sumbut-sumbut agik, afuni inenggi lek meneba inangge wogisigik, hilingiti logouwogeluk isukwa andi.

AYUB 23:12

Aren awene melalek ugu mene re an nen hologo nek hilingiti lagi, an nonggwarek nendawimo anggaluk hilingiti lagi lek, we At endawimo anggikherek mene nek hilingiti lagi.

MAZMUR 119:111

Haren yi'nogo hilingiti logoino-ti'nogo hilingiti logoino iluk isigin mene andi re an nangge mondok-mondok logogin mene hilingi'mo re, andi nen an nendawimo agaiyek mene hilingfikherek.

MAZMUR 119:127

Haren wene yi'nogo hilingiti logoino ti'nogo hilingiti logoino iluk werek mene andoma re, emas we sebelek hak hilingik kwelek mondok lego werek, nen emas mondok wurik mene ogore sebelek enek, andi nen he an nen nendawirogo welagi.

MAZMUR 119:130

Nen tindelhunem he, Haren yaganisegendek mene andi nen ninendawimo selegeraterek, afuni futfou elo'lek mene ogore elok futfagarek enek.

MAZMUR 119:14

Afuni nen inangge yi mene ti mene fetaluk welagaikharek higit he, Hat hawene melalek higithogo hilingitu mene andi faget nagaiyek welagi.

MAZMUR 119:16

Haren hawene melalek menfegen mene andomaba re an nagaiyek mene hilingnobagali'lago, nen Haren yaganeti lagen mene andoma an nen nonggot asigin lek.

MAZMUR 119:171

Haren wene menfesigin mene omanogo yanggulneti lagen andiba re, an nen Hat hundik-hundik fogethafi lagi.

MAZMUR 119:174

Haren inagap telinafi lagen mene a'nogoba nagap telnabilen iluk nendawimo anggikhi logolik welagi, Hat hawene melalek andi nen an nendawimo agaiyek mene hilingnobagali'lago.

MAZMUR 119:72

O kweangma yoma emas inom, perak inom werek oba nen, an nen he Hat Hawene melalek yi nek he mondok esin mene anggikhi lagi o.

MAZMUR 119:97

Hat hawene melalek faget he an mondogat nendawi hundik anggikhi lagi, linggene inukhogo kumuthikhi logolik ebetu welagi.

YEREMIA 15:16

Haren an noba hane ugunem he, hane ugu mene andoma ebe lombok hol fakhikhi lagi o. Tuhan Allah neisena Homame Mondok Hokho mene, An he Hat honggwarek mene welagi o. Andiba re Hat hane ikhi lagen mene andomaba re an nendawimo seleget nafik, nagaiyek mene hilingnobagagik ugunem welagi o.

LUKAS 24:32

A'nogo longgosikhemo it-it mel isukwa: ”Eige! Ebekwe waga logolik he, wene Allah ane lisu palek mene pilingisogo yaganisugu kwelek he, ninendawinggen agaiyek agasik ninendawimo kagauk ikhe a'nogo lek nogo?” iluk isukwa.

ROMA 7:18

Higithogo hilingisigeluk namolo anggigirek meneat he, ebe an nen hilingisigin he, elo'lego. Andi re, an nobabut he, fano mene ekhe hilingitirek fuk. We, nobabut afuni inobabut mene netogat logolik hilingiti lagi, iluk nelu o.

WAHYU 11:10

A'nogo werek kwelek, afuni kweangma mene inebe mondogaren ikhi logolik he, ”It ap pire wene yaganisikhi lagaikha mene yi nen, yi enggin ti enggin hokhorogo ninoba fikhi lagaikha mene a'nogo inebe fanoat inoata,” iluk inendawimo agaiyek hokhorogo anggikhi logolik, pesta hilingitik, yi mene ti mene onggo lek it ekhe nen ekhe wogisigik, wok-wok ikhi logogun.