A'nogo wagaukwama, it omanogo inom he o Tuhan awi wuri'mo lagaukwama, it ap Allah eisewerek mene inom, ane yagaisikhi lagaukwa mene inom, afuni inebe kembu inelagaik mene inom, kaindek ineilmo wulalhak mene inom, mondogat it inombo'ne lagaukwa. Lagaukwama re, at raja ebe faget e hangge telik welagaikheba horokhogo aremnogo menlagaikhesik, Allah nen afuni Israel mene wene warogo woginafikhe mene lisu palek Tuhan awi wuri'mo were'ma heratukwa mene a'nogo mondogat afuni inelokhoma nen ane hokhorogo enu salhikhe. A'nogo enu salhikhesik raja nen Tuhan oba wene warethi logolik, An he Tuhan nen ”Yi'nogo hilingiti logoino, ti'nogo hilingiti logoino,” iluk komotninafikhe mene lisu palek werek yi mondogat nendawinggen oba nen inom, nobabut oba nen inom misigat logolik hologo higithogo hilingiti logogin o, iluk isikhe. A'nogo isikhesik, Tuhan nen wene warogo woginafi logolik, ”Yi'nogo hilingi'no,” iluk isikhe mene faget, at Yosia nen, ”An inom, Hat hagainafuri ferinarek welagi mene yi nen inom, a'nogo hilingiti logogun aro,” iluk Tuhan wene waretikhe. Wene a'nogo waretikhemo, it afuni omanogo mondogaren he, ”Niren ogo re, Allah nen, wene warogo wo'ninafikhe wene andi higithogo hilingiti logogun aro,” iluk Allah wene waretukwaat.
NEHEMIA 8:1 - Allah Wene Fano Wene Hupla Inane1 It afuni Israel mene inawi kota welagaukwa kwe lombok kwi wagaukwasik were'ma tugi iren wenati lagaukwa higithogo 7 mene folelhikhemo re, tanggal 1 ba inebe mondogat o Yerusalem leget pak leget ambe palek mene enu Pintu Gerbang Air salhukwaba andoma elonggoma o silimo andogotukwa. A'nogo andogotukwasik he buku Allah awene melalek afuni Israel mene faget Musa ba fesikhe mene a'nogo ap imam Ezra wene TUHAN nen, ”Yi'nogo hilingiti logoino, ti'nogo hilingiti logoino,” iluk komorinafikhe wene andi mondok elu agun a'nogo nen wanuageluk yagatukwa. Faic an caibideil |
NEHEMIA 8:1
25 Iomraidhean Croise
at inom seberogo re o Tuhan Awi wuri'mo omanogo lagaukwa. It lagunem andi inom he it Lewi inap inom, imam inom, it afuni holhu mene mondogat inenggi werek mene inom, inenggi lek mene inom, mondogat lagaukwa. Lagaukwasik he it inera'lu at raja a'nogo onggwarek obali'mo omanogo nen at raja a'nogo menlagaikhesik he, Buku wene wat-wat agaukwa mene o Tuhan Awi wuri'mo nen heratukwa mene a'nogo mondogat ane hokhoba enu salhikhe. Enu a'nogo salhikhesik he, Allah nen he buku andiba wene wati logolik, hiren yi'nogo hilingitu halok An nen yi'nogo hilinghinobagakhi logogin, iluk Tuhan inom it againafuri inom wene watukwa mene a'nogo buku andiba mondogat palek werek mene omanogo tiphogo hilingitik, At Tuhan Awene melalek werek mene inom, wene yi'nogo hilingiti logoino ti'nogo hilingiti logoino iluk isikhe mene palek werek mene inom, omanogo ninendawinggen nen inom ninebe nen inom abirenggeba hilingiti logogun iluk igik, At Tuhan ebe ane hologo nek hilingiti logogun iluk inom, at raja nen Tuhan inom wene watukwa.
A'nogo hilingiti lagaukwasik oba nen, tahun ekhe hokhorogo welagaukwasik, afuni o Persia mene inoe raja ekhe enu Artahsasta kain logolik ferinarek welagaikhe andem oba, ap ekhe ebe Imam Agung Harun nen tagoma mene, enu Ezra andi welagaikhe. Ezra ta'lagaikheba nen wurep fikhiren ero fikhit wenarik wagaukwa mene re, yi'nogo: Ezra andi re, Seraya amlogo. Seraya re, Azarya amlogo. Azarya re, Hilkia amlogo. Hilkia re, Salum amlogo.
Ma re, ap Ezra andi sekolah mondok yanggulhikhesik eluatma re, wene at nineisena Allah Israel mene nen komotninafikhe wene a'nogo, at Musa yagatikhemo, lisu palhikhe mene omanogo mondogat elu mondok welagaikhe. A'nogo were'ma, at nineisena Tuhan nen Ezra ebe fanotfikhi lagaikhe andiba, at Ezra nen raja Artahsasta ba yi mene ti mene legen kino yagatunem ane hologoat wogoti lagaikhe. A'nogo wogeti lagaikhe andi re, at Artahsasta ebe raja menlagaikhesik logolik tahun 7 meneba were'ma, at Ezra inom, imam mene ekhe inom, afuni Lewi mene ekhe inom, wuni watu inelu mene inom, Allah awi wuri'mo kwe ambe palek oba kagelek logogun mene inom, nen yabu Allah awi wuri'mo hilingiti logogun mene inom, mondogat inagoromi inom inebe misik lambukhogo re, o Babel en Yerusalem wesuogeluk woginarek wagaikhe.
A'nogo lagaukwasik it inebe Pintu Gerbang Air Mancur were'ma andem lagaukwasik he, it inebe kwanirogo re kwe pela enu Daud awi kota andi bene lagaukwasik he, at Daud awi silikwe nen he, nekhengge lagokhogore pa'leget wagane'ma o mo lagai wagarek fikhiren kwe ambe Pintu Gerbang Air ikhi lagaukwaba andem asi wagaukwa.
A'nogo yagaisilik lagaukwama, it afuni omanogo e enggisok sombol higik wani lagaukwasik waluk wagaukwa. A'nogo waluk wagaukwasik, it inebe mondogaren o sabu andi it inawi wurik o tum oba inom, inawi silikwe inom, o TUHAN awi silimo elokhoma andoma inom, obalik kwe ambe palek enu Pintu Gerbang Air ikhi lagaukwaba horogat andoma inom, Obalik ekhe enu Pintu Gerbang Efrayim ikhi lagaukwaba andoma inom, wurik lagaukwa.
An namingmingengge Musa nen wene yagaisikhi lagaikhe mene omanogo wenggelhikhi logoino. Wene melalek inom, wene yi'nogo hilingi'no, ti'nogo hilingi'no iluk palek werek mene omanogo inom, it afuni An nagainafuri Israel mene inebe mondogaren hologo hilingiti logouwageluk attak tom Sinaiba nen wogetigi mene omanogo ebethikhi logoino.
A'nogo yagatukwama, at Yesus nen he, ”Halok he, it ap Allah ane lisu palek inelu mene omanogo nen, Allah nen awe a'ma fisikherek a'nogo wene yagaisugu halok he, andi mel hangge ugun. Ap kain mene agarek endawinggen hundik mene fakhikherek oba nen, ket mene wulabi wagik, attak wulabi wagik, hobugalep wulabi wagarek hagaro,” iluk yagaisasikhe.
A'nogo yagaisasikhesik, it Allah ane lisu palek eisewerek mene inom, Farisi mene inom, inom mel yagaisasikhe: ”Hit ap Allah ane lisu palek eisewerek mene yi inom, hit Farisi mene yi inom, hinagap oba nek fano hangge logolik hinendawinggen pire mene yi ri! Hit andi afuni Allah awe a'ma kwinogo iluk he, hirenat kwe yagati lagep yoma ri! Hit hinonggwarek kwigi'lek logolik he, it ekhe kuogeluk ugunem, hiren he, ”Kugun lego,” iluk wene palhi lagep yoma ri!
Halok hinesanggo fanorogo holini. An nen ap Allah ane yagaisagarek mene inom, inendawimo kagalek mene inom, Allah ane lisu palek eisewerek mene inom, lakfisa wesigin mene andi, hiren fena eba menfisaluk inoatik, fena o hit samban ikhi lagep kwe kuluk yei wiik-weakhogo inoatik, fena mugusogo-magaisogo o kota ekhema-ekhema lakfisigik, hilinginabugun o.