NEHEMIA 7:5 - Allah Wene Fano Wene Hupla Inane

⁵ Andiba Allah nen he an nen ap holhu mene inom, it melalinafu mene inom, inogogwi kaindek inom, kaboget fisigirik, it inebe inero ta'lagaukwa higithogo palek mene wenaginabuageluk ekhe weinamet nobagaikhemo re a'nogo hilingiti. Nen, andem oba re an nen it ap inebe hele warogo huginabi lagaukwama nen attak-attak inambotkwe sugulogo wagaukwa mene omanogo inenu palek a'nogo were'ma heratigi. Ambolkwe yi re lisu palek welaga mene andiba were'ma higi mene re yi'nogo:

NEHEMIA 7:5 Iomraidhean Croise

EZRA 7:27

Surat a'nogo palogo wogetikhemo re, at Ezra nen ikhi logolik mel isikhe: ”Tuhan Allah nit ninombawi nen fogerati lagaukwa mene a'nogo o Yerusalem At onggwarek awi a'nogo haluageluk raja endawimo kagalhemo, eil wo'ninafe andi nen At ebe fogerasuogo.

NEHEMIA 5:19

A'nogo hilingiti logolik he an nen samban ikhi logolik, ”Neisena Allah, an nen yi mene ti mene afuni inunggulenu ari faget hilinginafi lagi mene andi ebethaluk he, an noba fanoabet nobagakhi logoin o,” iluk kino yagati lagi.

NEHEMIA 6:14

A'nogo hilingitaba nen he an nen samban ikhi logolik he, ”Neisena Allah, it ap Tobia inom, Sanbalat inomen hilingiri'lagwi andi faget ebethan. It inoba unggum wogisan! Nen, athe nabi Noaja andi inom nen it nabi fenakwe inomen an nendawimo nailo asuageluk kwelabi'lagwi mene andoma inomat unggum wogisan,” iluk samban igi.

NEHEMIA 7:4

O Yerusalem andi re kota hokho meneba nen he afuni andoma werek mene re endebat welagaukwa, nen o wurik ogore endebenggeat wurik welagaikhe.

AMSAL 2:6

At Tuhan nenat inendawinggen kagalek mene wogisikherek, nen Arenat afuni inelu agarek mene inom, wenggelharek mene inom wogisikherek.

AMSAL 3:6

Haren yi aple ti aple hilingiti logolik Tuhan oba nek ebethikhi logoino, Arenat hat hoba ineluk fanorogo welagaikharek mene re yi'nogo iluk inukhesigin werego.

1 KORINTUS 15:10

A'nogo igin elo'lek meneat he, Allah obabut fano nen nayonggo fesikhemo yi'nogo agagisik welagi o. Nayonggo fesikhe andi we tulemat fesikhe lek andi nen he, it ekhe mondogat yabu endebat hangge wanhu kwelek, an enek he, hokho hangge wanhi lagi o. Mene re, a'nogo wanhi lagi andi re, an nen wanhi lagi fuk. Allah obabut fano nen nemberegat logolik wili'logo o.

2 KORINTUS 3:5

Nit ninonggwarek ninomameba yi'nogo ti'nogo hilingisugun elok, iluk ninendawimo anggikhi lago lego. We, at Allah nenat ninomamet ninafikhemo hilingisu elok welago.

2 KORINTUS 8:16

Niren hit faget ninghogo hilingisuogeluk hilingiti lago hak, at Titus a'nogoat hilingiti logouwageluk Allah nen endawimo kagalhunem hilingiri'logo andi nen he, Allah hai wati logouwogo.

KOLOSE 1:29

An wene andi faget katokhogo hilingisigeluk, at Kristus omame a'nogo an nendawimo logolik, nomamet nafu kwelek, ninghogo nomamerogoat hilingiti lagi andi.

YAKOBUS 1:16

Nerugwi nagaila'lak. Hinebe nendawi e. Hinonggwaregen hinebe lalegep hanogo iluk yagahisigi andi.