NEHEMIA 7:2 - Allah Wene Fano Wene Hupla Inane

² Nen, o Yerusalem oba andoma afuni melalinafi logouwageluk he an nagailak Hanani a'nogo inom, Hananya ap sikhe fisogo inap inoe endawinggen mondok hambuk lele warek agun a'nogo inom inoba wogisigi. Andi re at he ap amu mene horok maben hak kwelek at enek he mondok alongsek logolik ebe ogo Allah ba ailorogo hilingitu nen yabu elok hilingisu hagenegen at inom wogisigi.

NEHEMIA 7:2 Iomraidhean Croise

KEJADIAN 42:18

Inenggi henaganek oba at Yusuf en it omanogo yagaisikhi logolik, ”An he Allah oba nailorogo logolik higithogo hilingiti laginggere, hiren wene misik yi higithogo hilingisugun halok enek he hinagap telogo hinobagagin o.

2 SAMUEL 23:3

Yakub eisena Allah a'nogo nen ikhi logolik he, nit afuni Israel mene, fetninarek welagarek mene nen, an wene yaganeti logolik, yi'nogo yaganetikhe, ”Raja nen he yi'nogo hilingiterek, at ebe tulem logolik he afuni holhu mene katokhogo melalinafik, Tuhan oba ailorogo hilingitik, hilingitu halok he,

1RAJA-RAJA 18:12

An nebe yoma nen lagu kwelek he, nineisena Tuhan Areagun nen hat hebe o an nonggotma wokharek lamo werek kwelek, an nen he, Elia ebe o a'lima werek, iluk yagasumo, aren hat herakhabik wesigin mene re, hebe legen, aren an eberogoat nebe noasigin aro. Mene at he, helurogo, an he nebe yenggerek oba nenat ibi-eberogo nen neisena Tuhan faget fogeratirek mene o, noe.

1RAJA-RAJA 18:3

A'nogo welagaikhe andi nen he, at Ahab en ap Obaja at oba wesuageluk woletikhe. (Ap Obaja andi ebe re, afuni raja Ahab aiba welagaukwa mene andoma inoe kepala welagaikhe. A'nogo logolik he, Tuhan oba ninghogo mondok fogerati lagaikhe.

NEHEMIA 1:2

Andem sambul, an nagailak Hanani re o Yehuda nen ap ekhe inebe pire, henagan mene inom lagaukwa. A'nogo lagaukwama, an nen heinok wokhikhi logolik he, ”Afuni Yahudi mene o Babel huginabi lagaukwama inambotkwe wagaukwa mene omanogo o Yerusalem logolik he ninggi'nogo hilingiri'lagwi?” iluk heinok wogisasigi.

NEHEMIA 13:13

A'nogo waluk wagunem an nen he it o senggelek yi mene ti mene fuguba andoma halhi logouwageluk he, hun imam Selemya inom, hun Zadok Wene melalek elu agun a'nogo inom, ap Lewi mene Penaya a'nogo inom, fisasigi. Nen, at Hanan Zakur amlogo hun Matanya omba a'nogo re it leberinafi logouwageluk yagatigi. It ap andem he yabu misik seberogo hilingiti logolik higithogo hilingitarek mene inom, inagaila'lak yi mene ti mene andoma higithogo sumburogo wogisugu mene inom, andi re higit iluk andi an nelure'ma re it andi yagaisasigi.

NEHEMIA 2:8

Andi nen ekhe re, e ogoi at raja mene hun Asaf en kagalek welagaikhe mene o Allah awi wurik era'lukwe leget pa'leget ambe palugun mene faget inom, o kota leget pa'leget wusugun mene faget inom, o an nebe logogin oba wusugun mene faget inom, tegelogo nobagauwageluk at faget surat ekhe wo'nesuagaluk kino yagatigimo, Allah nen an lebetneasikhemo, an nen kino isigi mene andi at raja nen mondogat hilingnobagasikhe andi.

NEHEMIA 5:15

It ap gubernur an menlagi'lek were'ma, welagaukwa mene andoma nen he afuni holhu mene nen, linggene misik meneba at gubernur nunggu mene faget inom, nen anggur inom faget he uang perak mene 40 nen wo'nisani iluk kino yagaisugunem he afuni inoba enggin welagaikhe. Oba nen, an he neisena Allahba nailorogo logolik he, a'nogo hilingiti lagagi lek.

NEHEMIA 7:3

A'nogo wogisaluk an nen it inoba ikhi logolik he, ”O Yerusalem kwi laguba kwe andi re o weirogo linggene agu halok enek huthi logogun, nen, it ap kagalek logogun mene arat hu'mo agu halok kwe yagat fuluk kelok watfikhi logogun. Andi nen ekhere it afuni Yerusalem mene inanggele'ma andoma nen ap o obalik lombok-lombok kagalek werek mene faget inom, nen it inawi lukwe omanogo men-menengge laga logolik kagalek werek mene inom, faget men fisagain,” iluk yagaisigi.

AYUB 1:1

O Us andoma ap ekhe enu Ayub welagaikhe. Ap andi ebe Allah ailorogo logolik, oba lombokhogo mondok welagaikhe. A'nogo logolik, wene oba mondok legengge, weak endebat iluk ogo ekhe hilingiti'lek, obabut higit mondok welagaikhe.

MAZMUR 101:6

Afuni Allah ba tiphogo hilingitarek mene nek he an nen nendawirinafirek, it ariginik mene nek he An naiba ninom logogun fano. It afuni inebe weak hilingiti lek werek mene nek he, An nobaget hilingiti logogun fano.

KELUARAN 18:21

Oba nen he, andi hilingiti logolik he haren ap inebe hebelek mene enogo fisambik iren ap inebe 1.000 nen mene faget inom, 100 nen mene faget inom, 50 nen mene faget inom, 10 nen mene faget inom, inobaget menla'luk lenggalinafi logouwakhogo yagaisano. It inebe re Allahba inailorogo logolik, ane hologo nek hilingitu mene, nen afuni nen at andi elok hilingisu hak iluk anggagarek mene, nen uang inendawimo fanorogo iluk wogisugun helagarek lek mene halok menfisano.

DANIEL 6:4

A'nogo menfisasikhemo, it ap gubernur omanogo inom, ap it gubernur lak ineabu wokfuluk inoe raja yagasi waga lagaukwa mene aremnogo inom, inomen he inobabut endebat elo'lek hangge meneat he, at Daniel enek he obabut higit logolik fano mondok hilingiti lagaikhe andi nen he, at raja nen afuni o ekhema-ekhema ferinarek welagaikhe kwe omanogo mondogat faget, ”Inoe kain he Daniel logouwagaluk menfagain,” iluk endawimo anggasikhe.

BILANGAN 12:7

A'nogo meneat he, An namingmingengge Musa nek he, An nagainafuri mondogat inanggele'ma logolik obabut mondok hombunsek andi nen he, a'nogo yagatirek lek.

MATIUS 24:45

At Yesus nen a'nogo yagaisasikhesik he, hobuk ekhe mel yagaisasikhe: ”Ap kain mene ekhe againafuri kwelaginarek logolik inamburu wogisogoin higithogoat wogisikhi logouwageluk, at amingmingengge mene ayonggo fugunem, at endawimo kagalek logolik obabut oe ane igin mene higithogo hilingiterek andi sa anggegep. At andi oe andi nen menfuluk lagarego.

MATIUS 25:21

at oe a'nogo nen he, ”Nagot wa! Hat he, fano mondok. Hobabut humbun andi nen he, higithogo mondok hilingiti lagenma higi o. Endebat meneat he, wokheti mene humbunhogo fisogo welagen andi nen he, hobuk mondok hokhorogo fisogo logoinogeluk, menhobagambik wokhesigin o. An hoe nendawimo nagaiyek hikhi lagi andi hak, nemberegat ninendawimo ninagaiyek houwogeluk, kwi me o,” iluk yagatikhe.

1 KORINTUS 4:2

It ap kaindek inagarek yi mene ti mene it inamingmingengge mene inenggiba logouwageluk inobabut palogo nen, inobabut lenurek mene halogat fisagarek.

2 TIMOTIUS 2:2

An nen wene afuni hokhorogoat ineilhanem yagahetigimo wanhigin mene a'nogo, haren it afuni ekhe inobabut humbunsek mene nen it ekhe yagaisikhi logouwageluk, inoba feino.