NEHEMIA 6:2 - Allah Wene Fano Wene Hupla Inane

² A'nogo holhukwasik he it hun Sanbalat inom, Gesyem inomen he, o sili ekhe Lembah Ono ba andoma werek mene inoba wene misi'mo kabogesuogen eme o, iluk ap yonggongge an were'ma lakfei wagaukwa. Oba nen iren aga mene andi re an nebe weaget nobagauwogeluk aga higi iluk an nelu aga.

NEHEMIA 6:2 Iomraidhean Croise

2 SAMUEL 20:9

Ariginhikhemo re, at Yoab en Amasa ba ikhi logolik, ”Nagailak, hat ninggi'nogo welagen?” iluk at Amasa a'nogo ambe tobesigiluk hakhogo enggi pikhit kwe nen omboro pilingiti lagaikhe.

2 SAMUEL 3:27

At Abner a'nogo hondo'luk wagaukwasik o Hebron asi wagaukwama re, at Yoab en hondok haluk he, o kota kwe ambe pale'ma kwi wagaikharek oba nen esanggoma andoma, wene linglong yagasigeluk hakhogo hondo'luk lagaikhe. Hondo'luk lagaikhesik aremnogo nenat ferekhogo at Yoab a'nogo nen Abner alabut talogo watfesikhemo, Abner ebe wa'lagaikhe. Wa'lagaikhemo at Yoab en he, agot Asael Abner en watikhe mene a'nogo faget endawimo sebelek welagaikhe mene a'nogo unggulmo re, Abner ebe watikhe andi.

1 TAWARIKH 8:12

Hun Elpaal andi amlogomi re inebe henagan welagaukwa, inenu re: Eber inom, Misam inom, Semed inom. Nen at Semed andi nen he o kota Ono inom, Lod inom, o sili endep mene era'lukwe andoma inom wutikhe.

NEHEMIA 11:35

Lod, Ono, andi nen o Lembah Tukang kwe andoma inom welagaukwa.

NEHEMIA 3:22

It ap imam andi nen leget andi palek higithogo ombo'ne wilik lagaukwa mene, higit-higit he yi'nogo: it imam inebe o Yerusalem andoma horokhogo welagaukwa mene inom, Benyamin mene inom Hasub mene inom, en he: Pa'leget it inonggwarek kwe kwili' lagikwe higithogo omanogo wanhukwa. Azarya hun Maaseya amlogo hun Ananya omba a'nogo nen he: Pa'leget o onggwarek awi era'lukwe omanogo wanhikhe. Binui hun Henadad amlogo Andi nen he: Pa'leget hun Azariah awi wuri'mo nen he, pa'leget waganek mene a'nogo unggutmo andoma huli wanhikhe. Hun Uzai amlogo Palal a'nogo nen he: Leget pa'leget waganek mene a'nogo unggutmo aremnogo nen he hun raja awi silimo higithogo ap lagaluk kagalek welagaikharek oba nen abel ambolkwe fikhit andoma wanhikhe. Hun Paros amlogo Pedaya a'nogo nen he: pa'leget kwe ambe enu Pintu Gerbang Air en mo liabi wagarek fikhit en he o TUHAN Awi wuri'mo a'nogo faget lagaluk kagalek werekwe andoma huli wanhikhe. (Andem en horokhogo andem he o sili ekhe enu Ofel, it ap TUHAN Awi a'nogo faget yabu hilingitu inap andi were'ma werek.)

NEHEMIA 6:3

Andiba re an nen it inoba wene onggo yi'nogo lakfigi, ”An he yabu mondok lego mene hilingiti lagi hilingi'mo re wesigin lek. Nen, an nebe hit ninom ambi asuwogen iluk wesumo nen he yabu yi hesanggema linet fou hak oma,” iluk nane lakfigi.

MAZMUR 12:2

Ap hat hoba tiphogo hilingitarek mene mondogat lek agaikhama re, ap fano hilingitarek mene ekhe werek lek enggere, Tuhan nineisena Haren lebetninabin o.

MAZMUR 37:12

Afuni inobabut weak hilingitarek mene andi nen, wene weak mene afuni fano hilingitarek mene inoba fuluk, ineilenggen inabit oba kumurisagarek.

MAZMUR 37:32

Afuni inobabut weak hilingitarek mene andi nen it afuni higithogo hilingitarek mene andi inoasuogoluk ineil woginabik nikharek.

PENGKHOTBAH 4:4

An nen ekhe nelu mene re yi: It afuni nen yabu inomamerogo wanharek andi re it inom siok erarek mene andoma ineabu ambisangma weregen ina'ma weagen hilingitarek. Andi re we sogoi murok lagaikharek hak alomarogo hilingitarek.

YEREMIA 41:2

at Ismael inom ap inebe nomolo nen aremnogo inomen he it inenggarok lilisa re hun Gedalya at gubernur logouwageluk ap Babel mene nen menfesukwa mene a'nogo watfesukwa.

YEHEZKIEL 33:31

It inebe felelenghogo andogosi we'luk, it An nagainafuri mene hakhogo haren hane yagaisugu mene omanogo holi'lagwi. Oba nen he, haren yi'nogo ti'nogo hilingi'ni iluk miminginafendek mene omanogo re, iren hologo hilingiri'lagwi lek. It inambeba nen he inendawinggen hundik hilingitarek mene agarek oba nen he, it inendawinggenma nen he, inonggwarek ambisangma helogoin mene faget enek ebeti logoligen hilingiri'lagwi.