NEHEMIA 6:10 - Allah Wene Fano Wene Hupla Inane

¹⁰ Andem oba re an nebe at Semaya hun Delaya amlogo, nen at Mehetabeel omba a'nogo, at ebe an nambit wesu elok legen he oba lagi. Lagimo re aren an noba ikhi logolik he, ”Aben hat hoasuogeluk ili'lagwi andi nen he, o yogondak hup yiba hoasi nogo re nit ninebe pire net he o TUHAN Awi wuri'mo hina'lasi lambik he, kwe sou kelok mondogat warik lambik logouwogo,” iluk yaganete.

NEHEMIA 6:10 Iomraidhean Croise

1RAJA-RAJA 6:5

O andi ambotkwe walingisogo hobat endakwe andoma re ambe palogo pongge-mangge senggelhigik wutikhe. Senggelek andoma amu-amu liabek uanhogo re 2,2 meter en higik wutikhe.

2 RAJA-RAJA 11:3

At he Atalya ratu menlagaikhesik melalinafu werek kwelek he tahun falfalik enggeba re abo Yoas a'nogo o Tuhan awi wuri'mo andoma he Yoseba nen hinago logolik kulhi lagaikhe.

2 RAJA-RAJA 9:8

Nen, at Ahab eisok erokwe mene inebe mondogat inom nen Ahab againafuri, ombawi inom he mondogat wa'lasugun. Nen it ap mene inebe souge mene inom, yaman mene inom An nen mondogat leget fisagain o.

2 TAWARIKH 28:24

A'nogo hilingiti logolik he, aren he o Tuhan Awi wuri'mo a'nogo nen o elonggo lokwe weregengge omanogo wanhikhesik he wiik weakhogo hilingfesikhesik he kwe yagatikhe. Nen it afuni Yerusalem mene werekwe omanogo mondogat he aren wam kembu faget warogo nolhukwe iluk mezbah wurik lagaikhe.

2 TAWARIKH 29:3

At Hizkia raja menlagaikhesik melalinafi lagaikheba tahun fem attak-attak mene a'nogoba tugi misik werek kwelek he, at Hizkia nen Tuhan Awi wurik a'nogo kwe hutikhesik pugune'ni iluk afuni yagaisasikhe.

2 TAWARIKH 29:7

Iren he Tuhan Awi wuri'mo a'nogo amben fanongge nolhi legengge hilingitik, Allah it afuni Israel mene nen apne wanhi lagaukwa mene a'nogo obaget wam warogo noleti'legengge welagik, o elonggoma lampu a'nogo nagul isigik, o Tuhan Awi a'nogo kwe sou omanogo mondogat yagarik lagik, hilingitukwa.

EZRA 10:31

It Harim mene ineisok erokwe meneba nen he: Eliezer, Yisia, Malkia, Semaya, Simeon, Benyamin, Malukh, Semarya inom.

EZRA 8:16

A'nogo hilingik aple nen he, an nen it afuni inogogwi melalinafu inap omanogo inebe sogo nen woginafi mene inenu re yi: Eliezer, Ariel, Semaya, Elnatan, Yarib, Elnatan, Natan, Zakharia, Mesulam, inom andi nen it guru inebe pire mene, Yoyarib inom Elnatan inom woginafi.

NEHEMIA 6:12

A'nogo yagatirigen wene a'nogo faget ninggi'nogo hilingiti ha iluk wil-walhigirigen he, an nen anggikhi logolik he an miming nabi'lago mene yi re Allah nen ikhemo re fuk, athe at Tobia inom, Sanbalat inomen agama. Iren he at Semaya ariba wene a'nogo yagasi lan iluk onggo inenggi a'makwe wogotama higi iluk nelu aga.

MAZMUR 12:2

Ap hat hoba tiphogo hilingitarek mene mondogat lek agaikhama re, ap fano hilingitarek mene ekhe werek lek enggere, Tuhan nineisena Haren lebetninabin o.

MAZMUR 37:12

Afuni inobabut weak hilingitarek mene andi nen, wene weak mene afuni fano hilingitarek mene inoba fuluk, ineilenggen inabit oba kumurisagarek.

AMSAL 11:9

Afuni weak hilingitarek mene andi inane ugunem he inagaila'lak alomarogo fisagarek, oba nen afuni fano hilingitarek mene andi re inendawinggen kagalek andi nen telogo fisikherek.

YEREMIA 36:5

A'nogo palogo fikhemo an nen wene yi'nogo wareti, ”An he Tuhan nen At Awi wuri'mo kwigin lek ikhe o.

YEHEZKIEL 3:24

oba nen Allah Areagun an nendawimo peterogo kwikhesik nendawinggen hambuget nobagaikhesik he, Tuhan ane an noba mel ikhe, ”Sugulogo hambotkwe lambik he, hailoba kwe yagarogo kwimbik alokhogo logoino o.

MALEAKHI 1:10

Tuhan Omame Mondok Hokho mene a'nogo nen ikhi logolik, ”Hiren wam yi mene ti mene warogo nolneti lagep oba endu tulemat ibilogo kwelafi lagep andi nen he, a'nogo hilingitu welagep hanogoluk, hit ekhe nen An naiba andoma kwe yagatfoumo re! Hit hinebe nabirat, nen an nobaget fikhi lagep mene andi helugu aplere nabit nabi'lago.

MATIUS 7:15

A'nogo yagaisasikhesik, ekhe mel yagaisasikhe: ”It ekhe ineranen Allah ane yagaisagarek mene hak hinoba wesimbik hinendawimo kagalinogo iluk he, hinebe hebelogo logoino o. It andi inelokhonggen wam domba wam ena mene hangge hilingisogo nen wesugun meneat he, inendawinggen elonggoma re, mene olo mene aik anini weak mene hangge wesugun o.

YOHANES 3:20

Nen, it afuni weak hilingiri'lagwi mene inebe lombok inendawimo nen anggikhi logolik he, nit selek andiba logoin halok, nit weak hilingitorek mene faget lasimbik weinam asinogo, iluk anggagaresik, an selek mene yi inabiren he, noba wagi'lek kamo agarek.

KISAH PARA RASUL 21:30

Inane a'nogo hokhorogo pak silak ugunem, o kota andoma inane hokhorogoat sagalik lagaukwama re, afuni fungusegat andogosi wagaukwasik, Paulus ebe fakfesukwasik, Allah awi wuri'mo nen enggi lisogo enda'ma wulakfei wagaukwasik he, Allah awi wuri'mo kwe yagatukwa.