NEHEMIA 5:9 - Allah Wene Fano Wene Hupla Inane9 Andi nen he, an nen ekhe ikhi logolik he, ”Hit he Allahba hinendawinggen hinailo a'luk welagep oba re it afuni nit ninaselei mene ineisena TUHAN hak mene ogo ekhe werek lek mene andoma nen nit nonomame legetfugu aplere selek ekhe logou lek mene re hiren hilingiti lagep mene andiba re mondok weak mene hilingiti lagep andi. Faic an caibideil |
A'nogo ina'malolo kagalhukwama, an nen samban Allah ayonggo yi'nogo yagatigi: ”Allah neisena. Iren inendawimo seramet finagasik nina'malolo kwelabi'lagwi mene andi, it inonggwarek ina'malolo kwelakhoageluk hilinginabin o neisena. A'nogo hilinginabumo, ap ekhe weim o pin talik waga logolik, it inangge yi mene ti mene mondogat telambik, inebe hele warogo woginarek afuni ekhe hunogo mene inaiba andoma fisa loakhogo yagaheti o, neisena.
It ap gubernur an menlagi'lek were'ma, welagaukwa mene andoma nen he afuni holhu mene nen, linggene misik meneba at gubernur nunggu mene faget inom, nen anggur inom faget he uang perak mene 40 nen wo'nisani iluk kino yagaisugunem he afuni inoba enggin welagaikhe. Oba nen, an he neisena Allahba nailorogo logolik he, a'nogo hilingiti lagagi lek.
Ekhekwe-ekhekwe laga logolik, iren hundik-handik An nenu horek welagi mene a'nogo weaget filik mondok laga lagaikha. Andiba afuni nen he, yi'nogo ikhi lagaikha, ’It inunggulenu yi re, Allah againafuri werek ili'lagwiba nen he, it inanggweang Allah nen wogisasikheba a'nogo herakfisagasik hilingiri'lagwi,’ iluk ikhi lagaikha.
Hiren at oba hobuk helogoin en iluk wogoti logolik ekhe inom to'morogo iluk kino u fuk. Oba nen hiren hinendawinggen Allah oba hinailo anggikhi logolik ap andi hit hinanggele'ma eluk logouwageluk herak feino. Nen, nunggu mene at oba onggo huni'luk halok ogore, ekhe inom nit ninenggi werek asugun iluk at oba hunitu mene a'nogo kino u fuk.
A'nogo hilingitukwama hobugen he, it afuni Allah againafuri o propinsi Yudea mene inom, Galilea mene inom, Samaria mene inom, weagerinafi'lek fano liokhogo welagaukwa. Were'ma, Allah Areagun en leberisugunem inendawinggen wurik agik, Tuhan Allah oba inailorogo welagik, ikhi logolik he, inebe hokhorogo sik-pik ikhi lagaukwa.
It afuni endakwe mene Allah inonggot mene hinom logolik, iren he, hit weak hilingiti lagep mene halok, ”It weak hilingiri'lagwi o,” iluk hinabok weak ikhi logoligat he, hit hinobabut fano hilingitunem ineilenggen hisikhi logombik he, afuni nen at Allah ebe hobuk wagunem fogerasuageluk hit hinobabut higithogo hilingiti logoino o.