NEHEMIA 5:9 - Allah Wene Fano Wene Hupla Inane

⁹ Andi nen he, an nen ekhe ikhi logolik he, ”Hit he Allahba hinendawinggen hinailo a'luk welagep oba re it afuni nit ninaselei mene ineisena TUHAN hak mene ogo ekhe werek lek mene andoma nen nit nonomame legetfugu aplere selek ekhe logou lek mene re hiren hilingiti lagep mene andiba re mondok weak mene hilingiti lagep andi.

NEHEMIA 5:9 Iomraidhean Croise

KEJADIAN 20:11

iluk heinok wokhasikhe. At Abraham en onggo yagati logolik, ”An nen ebethikhi logolik he, o yoma afuni inendawinggen Allah oba inailo mene ekhe werek le'ma re, iren an nagwe yi inamolo asimbik an nebe pinggi noasinogo iluk anggirik hilingiti o.

KEJADIAN 42:18

Inenggi henaganek oba at Yusuf en it omanogo yagaisikhi logolik, ”An he Allah oba nailorogo logolik higithogo hilingiti laginggere, hiren wene misik yi higithogo hilingisugun halok enek he hinagap telogo hinobagagin o.

2 SAMUEL 12:14

A'nogo meneat he, hat weak hilingiten andi nen, nineisena Tuhan elokhoma weaget fegenma re, hat hamlogo ket ta'laga mene andi ebe wa'lasigin o,” iluk yagatikhe.

NEHEMIA 4:4

A'nogo ina'malolo kagalhukwama, an nen samban Allah ayonggo yi'nogo yagatigi: ”Allah neisena. Iren inendawimo seramet finagasik nina'malolo kwelabi'lagwi mene andi, it inonggwarek ina'malolo kwelakhoageluk hilinginabin o neisena. A'nogo hilinginabumo, ap ekhe weim o pin talik waga logolik, it inangge yi mene ti mene mondogat telambik, inebe hele warogo woginarek afuni ekhe hunogo mene inaiba andoma fisa loakhogo yagaheti o, neisena.

NEHEMIA 5:10

Nen, nit he an nebe nen inom, nen it nagaila'lagen inom, it an ninom hundik mene nen inomen he ninagengga uang inom, gandum inom it afuni inoba iren obali'mo hobuk wo'nisobagaigen iluk wogisasugu. Oba nen he niren nekhengge ninonggwarek obali'mo wo'nisani iluk hobuk kino ikhi lago lek.

NEHEMIA 5:15

It ap gubernur an menlagi'lek were'ma, welagaukwa mene andoma nen he afuni holhu mene nen, linggene misik meneba at gubernur nunggu mene faget inom, nen anggur inom faget he uang perak mene 40 nen wo'nisani iluk kino yagaisugunem he afuni inoba enggin welagaikhe. Oba nen, an he neisena Allahba nailorogo logolik he, a'nogo hilingiti lagagi lek.

MAZMUR 90:11

Hat ha'mage mondok het-pet egendek mene andi sa elu nogo? Athe ha'mage mondok weakhogo ninoba fugunem wurep oba hilinglagarek mene andi sa nen futfikherek nogo?

AMSAL 16:29

Ap obaharo mondok weak mene andi nen he, agaila'lak inoba eranen wene lalinaferek, a'nogo lalinafaresik woginarek inamelmel oba omanogo fisa lagaikharek.

AMSAL 17:26

Ap weak hilingiterek lek meneba onggo fein iluk yagaterek andi re elo'lek. Ap higithogo hilingiterek mene wene inoba fagarek andi re a'nogo hilingisu lek mene.

AMSAL 18:5

Ap weak hilingitu mene inebikhit a'luk, weak hilingiti'lek mene weagerinafarek mene andi re mondok weak.

AMSAL 19:2

Inebe inobabut fano werek oba nen hilingisugun mene inonggot logolik hilingitarek andi re mondok weak, nen ap lombuget higi'lek weak-weak hilingiterek mene andi weak hilingisogo fagarek.

AMSAL 24:23

Ap inendawi mondok wenggelek mene nen he yi'nogo agarek: ”Ap wene heirogo tegeterek agun nen he it ekhe inebikhit aga logolik, it ekhe mabenet fisikhi logogun lek,” iluk ikherek.

YEHEZKIEL 36:20

Ekhekwe-ekhekwe laga logolik, iren hundik-handik An nenu horek welagi mene a'nogo weaget filik mondok laga lagaikha. Andiba afuni nen he, yi'nogo ikhi lagaikha, ’It inunggulenu yi re, Allah againafuri werek ili'lagwiba nen he, it inanggweang Allah nen wogisasikheba a'nogo herakfisagasik hilingiri'lagwi,’ iluk ikhi lagaikha.

IMAMAT 25:36

Hiren at oba hobuk helogoin en iluk wogoti logolik ekhe inom to'morogo iluk kino u fuk. Oba nen hiren hinendawinggen Allah oba hinailo anggikhi logolik ap andi hit hinanggele'ma eluk logouwageluk herak feino. Nen, nunggu mene at oba onggo huni'luk halok ogore, ekhe inom nit ninenggi werek asugun iluk at oba hunitu mene a'nogo kino u fuk.

KISAH PARA RASUL 9:31

A'nogo hilingitukwama hobugen he, it afuni Allah againafuri o propinsi Yudea mene inom, Galilea mene inom, Samaria mene inom, weagerinafi'lek fano liokhogo welagaukwa. Were'ma, Allah Areagun en leberisugunem inendawinggen wurik agik, Tuhan Allah oba inailorogo welagik, ikhi logolik he, inebe hokhorogo sik-pik ikhi lagaukwa.

ROMA 2:24

Hit hilingiti lagep andi faget, Allah ane lisu yi'nogo palek werek: ”Hit hinobabut a'nogo hilingisugun oba it afuni endakwe mene nen, Allah enu ikhi logolik, abok weak ikhi logogun o,” iluk isikhemo wene lisu palogo fesukwa hagat hilingiti lagebo.

1 TIMOTIUS 5:14

Halok he, it hemi sogwe ekhe Iblis ombo'ne kwanirogo hela lagaikha andi nen, it ekhe nit Allah againafuri ninom weim palek hangge mene nen ninabok weak palinogo iluk, it hemi sogwe tugum mene andi, inaguni lombok woginapluk he, ineagwi tagaisogo fanorogo tegelogo ferinarek logouwageluk igi andi.

1 PETRUS 2:12

It afuni endakwe mene Allah inonggot mene hinom logolik, iren he, hit weak hilingiti lagep mene halok, ”It weak hilingiri'lagwi o,” iluk hinabok weak ikhi logoligat he, hit hinobabut fano hilingitunem ineilenggen hisikhi logombik he, afuni nen at Allah ebe hobuk wagunem fogerasuageluk hit hinobabut higithogo hilingiti logoino o.

1 SAMUEL 2:24

Nineisena Tuhan againafuri nen hit hilingiti lagep mene hinabok tindeli'lagwi andi re mondogat weago. Halok he, hit hinobabut mondok weak hilingiti lagep a'nogo hobuk ekhe hilingiti logogubo, nagainafuri.