NEHEMIA 5:8 - Allah Wene Fano Wene Hupla Inane

⁸ Kabogetugusik an nen yagaisikhi logolik he, ”Afuni Yahudi mene inebe it ap inunggulenu pok meneba onggo palinafi lagaukwa mene omanogo niren ninomamerogo lologo wulaginabik lagagu. Oba nen he yogondak he hirogo Yahudi hinap oba nen, he hiren he it inebe onggo huninabuogeluk hinane mondok ninghogo yagaisikhi lagep!” iluk yagaisasigi. A'nogo yagaisasigimo re inogogwi melalinafi lagaukwa mene omanogo re inane endephogo iluk ekhe isukwa lek.

NEHEMIA 5:8 Iomraidhean Croise

NEHEMIA 5:9

Andi nen he, an nen ekhe ikhi logolik he, ”Hit he Allahba hinendawinggen hinailo a'luk welagep oba re it afuni nit ninaselei mene ineisena TUHAN hak mene ogo ekhe werek lek mene andoma nen nit nonomame legetfugu aplere selek ekhe logou lek mene re hiren hilingiti lagep mene andiba re mondok weak mene hilingiti lagep andi.

AYUB 29:10

Nen ap mondok lego inap oba nen ogore inane endep ekhe ikhi lagaukwa legat.

AYUB 32:15

Ayub ahwi, it he inendawinggen suk-sak ikhemo re onggo yagahesu re elo'lek aga, iren inane u aplere mondok nong-hong ikhe.

KELUARAN 21:16

Ap ekhe nen onggo helagain iluk ap amu mene ekhe senfisambik onggo arat wanhe halok ogo, aiba werek halok ogo, ap andi pinggi wasugun.

MATIUS 22:12

Eige, nagot! Hat he, su hemi iginafi logolik seni nuogeluk itarek mene andi iti'lek kwi wagen yi, ninggi'nogo kwi wagen, iluk yagatikhe meneat he, ap a'nogo ane mondok igi'lek kamo isikhe.

MATIUS 25:15

It inobabut palogo inebe lombok wogisogoin higithogoat wogisilik lagaikhe. Uang hokho emas mene ap ekhe 5.000 nen wogetik, nen, ap ekhe 2.000 nen wogetik, nen, ap ekhe 1.000 nen wogetik, isikhe. A'nogo wogisaluk he, o ekhema yatma lagaikhe.

ROMA 14:15

Nen, hat nenggendek mene andi nen hagailak endawimo weak aga halok he, ebe hendawirogo hilingiti lagen lego. Hagailak andi faget Kristus wa'lagaikhemo re, hat nagain andiba at ebe weagetfugun o.

ROMA 3:19

Wene Allah nen komotninafikhe wene andi, it hologo logogun mene nek yagaisasikhe, iluk nit ninelu. Allah alegaren afuni o yi awi ti awi mondogat wene inoba figik, kotik, ugunem, at ekhe nen wene oba koragain elo'lek asuageluk komotninafikhe andi.

1 KORINTUS 8:11

Haren: ”An wene nelu o,” iluk a'nogo hilingisigin andiba, hagailak ekhe endawinggen oan mene faget Kristus wa'lagaikhe meneat he, haren weagetfagain andi.

2 KORINTUS 8:12

Hit hinangge lek mene fuk. Athe, werek mene hinendawinggen oba nen it andi fisogoin halok he, at Allah nen, ”Fano faga,” iluk anggagain.

GALATIA 6:10

Mene re, nit o yogondak fano mene hilingisu elok welago yaba re, afuni ekhe inebe mondogat leberisikhi logoligat he, esin hangge re, ninerugwi ninagaila'lak inendawinggen Kristus oba himbirik werek mene halok fanorogo leberisikhi logouwogo.

ULANGAN 24:7

Nen, hit afuni Israel mene ekhe nen afuni hit mene ekhe inebe hinagainapluk he, amingmingengge hilingisogo fikhe halok hea, athe, afuni ekhe inoba onggo palhe halok hea, ap andi ebe mondok wa'no o. A'nogo hilingisugun halok, hobuk weak andi hangge hilingiti logogun mondok lego.