NEHEMIA 5:11 - Allah Wene Fano Wene Hupla Inane

¹¹ Arigini'mo re hiren ogo it afuni inoba hinagengga uang halok ogo, gandum halok ogo, nen anggur halok ogo, at he zaitun, amusu halok ogo it inoba hinombalegengge werek mene andoma mondogat legaberik lani. It inanggweang inom, inagayo anggur yabu inom, inagayo zaitun yabu inom, inawi wurik inom, andoma hiren it inonggwarek inoba wogisano!” iluk yagaisasigi.

NEHEMIA 5:11 Iomraidhean Croise

NEHEMIA 5:10

Nen, nit he an nebe nen inom, nen it nagaila'lagen inom, it an ninom hundik mene nen inomen he ninagengga uang inom, gandum inom it afuni inoba iren obali'mo hobuk wo'nisobagaigen iluk wogisasugu. Oba nen he niren nekhengge ninonggwarek obali'mo wo'nisani iluk hobuk kino ikhi lago lek.

NEHEMIA 5:12

A'nogo yagaisasigimo inogogwi melalinafu mene omanogo nen ikhi logolik he, ”Haren komotninafen mene yi re niren higithogo nek hilingisugun. Niren he nit ninawi onggo ekhe wo'nisani iluk kino igi'legengge mondogat it inoba wogisogoino,” iluk yaganetukwa. A'nogo isukwama an nen it imam inom, afuni melalinafi lagaukwa mene inom, omanogo wolinafigisik he it ap inane a'nogo hilingisugun iluk isukwa mene omanogo nen he it imam omanogo ineilhanem andoma nen, ”Niren ogo mene andi re ibi-eberogo nenat hilingisuogeluk ogo o,” iluk hombuk paluageluk yagaisasigi.

YESAYA 58:6

Lego! Inambe heang fuluk welagaikharek andi ebe An namolo mene re yi o: Ap enggin-fenggin inoba fisugunem werek mene andoma lologo fisigik, higithogo hilingitu le'ma anggolo hurane hagarek mene andoma lologo fisigik, ap sebelogo ferinarek welagaikharek mene fikhalogo wulakfisigik, agarek mene andi nek he An namolo re andi o.

LUKAS 3:8

Halok he, hinendawimo ebet fuluk, weak hilingiti lagep mene herakfisaluk hinobabut eberogoat hebelaga iluk enegat asuagen higithogo hilingiti logoino o. Nen, hinendawimo nen he, Abraham andi nit nineisena, iluk anggagubo. At Allah nen Abraham againafuri hak hilinglasuageluk helep yoma mene elok hilingisu hagaro, iluk yagahisigi andi.

ULANGAN 6:11

O andoma kwimbik yi mene ti mene fano mene hiren figi'lek mene elonggoma mondok peterek mene wokhisagainat. Nen, i mogo hiren habulhi'lek mene wokhisagain aro. Yabu anggur yabu inom, zaitun yabu inom, awi hiren yati'lek mene wokhisagain aro. Nineisena Tuhan nen hit wokhinarek o andoma hinobagai lagunem, hiren yi mene ti mene nunggu mene eise asimbik hinalabut ninghogo ninggi logolik,

1 SAMUEL 12:3

Yogondak he, hit hinelokhoma mendek welagi yi! Enggere an nen weak ekhe hilingiti halok he, nineisena Tuhan eilhanem inom, ap hinoe raja Aren wenagaisogo wokhisikhe mene inom ineilhanem, yi'nogo hilingite iluk wene noba feni o. An nen hit hinanggo sapi inom, keledai inom, nenggi abisak wanhi mene ekhe werek nogo? Neranen wene ekhe lalhinafik, mep lagik-lagokhogo ekhe hilinghinafik, wene pilingiti logolik, an it werekwe asuagaluk, uang onggo wo'netunem ekhe wanhik, igirek mene ekhe werek nogo? Ekhe a'nogo hilingitimo halok, ambotkwe wogisagen he, yagane'ni o,” iluk yagaisasikhe.