NEHEMIA 4:5 - Allah Wene Fano Wene Hupla Inane

⁵ Iren he, nit leget pa'leget wuti lago yi faget inendawimo seramet ninobagagasik nina'malolo kwelafa andi nen he, iren weak aga mene andi haren sagalogo leget fisambik, oba honggoret fugun o, neisena,” iluk ayonggo fesigi.

NEHEMIA 4:5 Iomraidhean Croise

2 SAMUEL 17:2

A'nogo lambik, it seren inomame lek asimbik were'ma inoba wulifi logolik, youk la'lak laga logolik, agoromi inebe pugulogo wulakfisambik, it inoe raja Daud amunek he ebe pinggi wasigin o.

NEHEMIA 4:6

A'nogo yaganisugu kwelegat halolot fisaluk, nit leget pa'leget a'nogo wuti lagaguat. A'nogo wuti logolik, afuni nit mene mondogat ninomamerogoat wuti lagagu andi nen he, leget pa'leget andi mondogat weak-weagat wurogo obakheba fei lagasugu andi.

MAZMUR 109:14

At ombawi nen weak hilingiti lagaukwa mene andoma At Tuhan nen endawi eberek logouwak, nen at agaisa nen weak hilingite mene andoma leget fegep hanogo.

MAZMUR 51:1

It ekhe nen wuni wati logouwagaluk, at Daud en he Batsyeba pailak hilingitikhemo, at Natan Allah ane yagaisikhi lagaikhe mene a'nogo nen he, ”Hat weak hilingiten,” iluk yagatikhesik oba nen Daud en wuni felalogo watikhe mene.

MAZMUR 51:9

An hobuk nebe horek mene logouwagaluk, sobalnabin o. An o anggup mola andi hangge logouwagaluk, fanorogo horogo nobagain o.

YESAYA 2:9

Afuni mondogat he, inalapsiri watfisaluk he sebelfisogoin mene nek hilingiri'lagwi. Ariginik andi nen he Tuhan neisena, Haren it inaweak sagalogo leget fisagun o!

YESAYA 43:25

A'nogo hilingiti lagep meneat he, An Allah nobabut he, hiren weak hilingiti lagep mene andoma sagalogo leget hinobagambik, hobuk nendawimo ebethikhi logogin mondok lego.

YESAYA 44:22

Haren weak hilingiti lagen mene re An nen ohena hakhogo palogo lakfigik, Nen haweak hilingiti lagen mene re An nen ohena hikweak meneba nen hakhogo kwe palfigik igirek, An nen mondogat fikhalogo leget figi hilingi'mo re, hambotkwe sugulogo An noba eme o,” iluk ikhe isikhe.

YEREMIA 18:23

Oba nen he Tuhan neisena, iren an neiloak legabesuogeluk wene melali'lagwi mene andoma Hat mondogat helu welagen. Andiba re, Haren it inaweak sagalogo legetfisigik, honggoret fisigik, u fugo. It yei warogo hilingfisano o. Hat haniniba it inoba a'nogo hilingfisano,” iluk samban isigi.

RATAPAN 1:22

Iren inaniniba hilingiri'lagwi mene andoma futfisan o, An nen hat helokhoma weak hilingiti lagagimo re, Haren an noba hilingnobagegen mene ari higithogo it ogo a'nogoat hilingfisan o. An nendawimo heiselhunem elo'lekhogo logolik nendawinggen ou en limamit falhu welagi o,” iluk le agaikhe.

2 TIMOTIUS 4:14

Nen, at Aleksander tembaga mene posie hak hilingiterek mene a'nogo nen, an hokhorogoat weagetnafemo welagi. Mene re, at ninoe Enupogoren at hilingite andi higithogoat wene oba fagain werego.