NEHEMIA 4:14 - Allah Wene Fano Wene Hupla Inane

¹⁴ A'nogo fi sasigi meneat he, it ap omanogo inendawinggen inailo were'ma isasigisik he, it inom, inogogwi inom, kaindek ferinarek welagaukwa mene inom, inebe mondogat inoba mel yagaisasigi: ”Ap nit ninom selei mene andi inoba hinailo asu fugo. Nineisena Tuhan Omame Mondok Hokho logolik inailo mene hilingiterek a'nogo hinendawimo ebe'ni o. Eberek logolik, hiren hit hinagaila'lak inom, hinagainafuri inom, hinagagwi inom, hinawi wurik inom, mondogat telinabubagaigen hinomamerogo yabino o,” iluk yagaisasigi.

NEHEMIA 4:14 Iomraidhean Croise

2 SAMUEL 10:12

Hendawinggen hambuget hano! Nit he ninambong serogo nit ninunggulenu mene faget inom, o kota nineisena Allah aiba omanogo faget inom yabuogeluk welago hilingi'mo re. We At Tuhan nen enek At endawimo agaiyek anggikhe mene nek hilingisuago,” iluk yagatikhe.

2 TAWARIKH 32:7

”At raja Asyur mene andi ebikhit he omame we mabet hak oba nen he, nit ninebikhit enek he ninomame hokhorogo hilingik enggere, at raja Asyur mene andi inom, agoromi tentara esa logalek andi inoba inom hinailo su fuk. Hit he hinendawinggen hambuget haluk he, hinailo legengge lano.

NEHEMIA 1:5

mel ikhi lagagi: ”Neisena TUHAN Allah, Hebe Pogoroba Lego Mondok welagen mene. Hat Allah hebe mondok hokho hagun hilingi'mo re, nit hat hebe ninailo logoligat hawe a'ma kogorek andi neisena. Hat hebe ninendawirogo logolik wene komotninafigin mene omanogo hologo higithogo hilingiti lago mene nek he, haren, hit An nagainafuri, iluk wene warogo wo'ninafigin mene andi hendawit ninapluk ninoba lombokhogo mondok welagendek andi, neisena.

AYUB 37:22

Yogondak he o eil utara fikhiren he selek mondok ombak-bak mene weinam aga, nen At Allah ombak-bak were'ma re nit ninendawimo fogerasu mene hilingninabi'lago.

MAZMUR 143:5

An nen nenggi attak welagagi mene omanogo faget ebethigik, Haren hilingitigin mene omanogo faget ebethigik, Hat henggiba nen elalhigin mene omanogo faget menenei ebetik, hilingiti lagi.

MAZMUR 20:7

At Tuhan nen ap raja wenagaisogo fikhe mene a'nogoba alonget fili'lago mene andi re yogondak an arat nelu ari'lago. At Tuhan ebe pogoroba mondok fanoma omanogo logolik onggo yagaterek, nen At Tuhan nen at raja a'nogo omamet fugunem mondogat along ari'logo.

MAZMUR 27:1

At Tuhan andi re an liatnafik, telnafik ikherek mene hilingi'mo re. An nen nailotirek mene ekhe werek lego. Tuhan he an nalong palogo himbirengge higit fetnarek were'ma re, an he nendawimo youk igi'lek hampukhogo logogin.

MAZMUR 46:11

A'nogo hilingiti logolik Aren he mel ikherek, ”Weim yafi lagep mene ari re palfeni o. Yi afuni ti afuni o kweangma welagep mene hineisena Tuhan Allah esin mondok mene re, we An namuat welagirek andi nen he, tukhumhogo fut nobagani o,” iluk ikherek.

MAZMUR 65:5

Nit Hat haiba logouwagaluk, wenagaisogo ninayonggo fesigin mene, Hat honggwarek hawi wuri'mo, Hebe welagen oba andoma, yi mene ti mene wogisugunem, inalabut ninghogo nenggarek hak, Haren fano mene wo'nisugunem, oba heilarogo logolik, ninendawimo ninagaiyek hikhi logogun o.

MAZMUR 66:3

Hiren Allah ba ikhi logolik he, ”Haren hilingiti lagen mene andoma re mondok hanggiluk werek mene nek hilingiti lagen! Hat homame re mondok hokho mene welagenma re, it haselei mene re inailo nek agunem Hat ha'ma sebe agarek.

MAZMUR 66:5

Hit hinebe we'luk he At Allah nen hilingiterek mene andoma hineilenggen ha waga logoino, Aren afuni inanggelekwe yi mene ti mene elalogo fesikhe mene andoma re mondok wesa polanhogo elalogo fesikhe.

KELUARAN 14:14

Hiren ekhe hilingisugun mondok lego. We, nineisena Tuhan ebe ninebikhit asimbik inoasigiluk hilingisigin werek o,” iluk yagaisasikhe.

KELUARAN 14:25

Inangge kereta eisok nong-honget fesikhemo inoba wesu re, mondok elo'lek agaikhe. A'nogo hilingfesikhemo, it afuni Mesir mene nen he, mel isukwa: ”Afuni Israel mene ineisena Tuhan it werekwe agasik nit ninoasigiluk hilingiri'lago higi. Halok nit ya nenat heise louwogen we'ni o,” iluk isukwa.

PENGKHOTBAH 12:1

A'nogo isikhesik he hobuk ekhe mel isikhe: ”Hit hinebe logombigen hobuk arat yaman asimbik yi tahun ti tahun logolik, hinendawimo hinagaiyek higi'lek weak enek hikhi logogun andi nen he, hineisena Elalhinafikhe mene oba ebeti logoino o.

DANIEL 11:32

A'nogo hilingitunem he, raja a'nogo awenggelek oba re it ap Allah fogeratarek mene a'nogo herakfuluk wulibugun mene omanogo at lebethikhi logouwageluk inendawimo kagalhi logogin. Oba nen it Allah ane hologo hilingiti logogun mene re inailoti'lek at ane sagalogo fuluk hilingiti logogun.

ZAKHARIA 14:3

A'nogo hilingisumo nen Tuhan wesimbik o attak it ap inunggulenu inap andi inom hilingiti lagaikhe higithogo it inom weim yabi wesigin.

BILANGAN 14:9

Niren it afuni andoma mene elok mabenet fisogoin andi nen he, hiren nineisena Tuhan hinom weim palek welagik, Afuni o andoma welagaikharek mene ninailo, iluk igik, u fugo. It ferinarek welagaikharek mene it herakfisaluk wulifa meneat he, nit nineisena Tuhan enek he, fetninarek ninom mondok werek andi nen he, hinailo agubo,” iluk yagaisasukwa.

MATIUS 10:28

Afuni nen hinareagun inom hinoasugun elo'lek. We, hinebe nek hinoasugun andi nen he, hinailorogo logogubo. Meneat he, at Allah nek he, hinareagun inom, hinebe inom, elok mondok warogo endu ai'mo lakhinobagagin werek andi nen he, at Allah oba nek hinailorogo logoino.

ULANGAN 10:17

At nineisena Tuhan Allah re, afuni ekhe nen hunogoat mene faget, Nineisena ebe andi aro, iluk agarek mene mondogat inom, yi mene ti mene omame werek mene mondogat inom, elo'lek hangge werek kwelek, At enek he, Ebe Esin Lego Omame mondok Hokho welagarek. Andi nen he, At ane hologo higithogo hilingiti logogun o. At he, it ekhe inebikhit aga logolik, ekhe abit welagik, it inebikhit asuageluk onggo hinagaisogo wogetunem wanhik, ikherek mondok lego.

IBRANI 13:6

A'nogo anggikhi logolik, hinendawimo nen, Allah nen he, ”Henggi obokhogo herakhobagagin lego,” isikhe andi nen he, ninendawinggen hambukhogo logolik mel ikhi logogun, ”Neisena Enupogot he, an lebetniikherek mene o. Halok he, afuni nen an ninggi'nogo hilingnabugun nogo, An nailo lego,” iluk ikhi logogun andi.

YOSUA 1:9

An nen he, Hat hendawinggen hambukhogo hailo lekhogo logoino iluk komothafi mene andi hendawimo eberek mondok logoino. An heisena Tuhan Allah nen, hat hebe koma lagain halok, setharek mondok logogin andi nen he, hendawinggen firik logolik hailo-hailo hilingitik, haberali agik, hilingiti logogin lego,” iluk yagatikhe.

HAKIM–HAKIM 3:27

At a'nogo it Efraim mene inandom kwe nen omanogo asi lagaikhesik weak-weak he, ap Israel mene weim yabi wesuageluk trompet futhasikhe. It a'nogo wagaukwama re aren it hondoginapluk o tom oba omanogo nen pi wagaukwa.