NEHEMIA 3:1 - Allah Wene Fano Wene Hupla Inane

¹ Ap Imam Agung Elyasib inom at agaila'lak inomen o kota Yerusalem a'nogo leget pak leget kwe ambe enu ekhe Pintu Gerbang Domba ikhi lagaukwa mene a'nogo, kwe pakhot inom, nekhengge halogo wutukwasik TUHAN obaget enogo fesukwa. Nen, iren he leget pak leget a'nogoba nen he o eil yathogo wurik lagaukwa mene enu Menara Seratus a'nogoba nen he ekhe enu Menara Hananeel a'nogo huli andoma re mondogat pugunhogo wutukwasik TUHAN obagat enogo fesukwa mene re ebe yi'nogo yi:

NEHEMIA 3:1 Iomraidhean Croise

NEHEMIA 12:10

At Imam Agung Yesua a'nogo ambisangma nen ta'larik lagaukwa mene re yi: Yesua, Yoyakim, Elyasib, Yoyada,

NEHEMIA 12:30

A'nogo kabogesi wagaukwasik he, it ap Lewi inap inom, it imam andoma inomen he it inonggwarek inebe enogo logogun iluk horigik, afuni inobaget horinafik, kwe kugu kwe omanogo horatik nen leget pak leget a'nogo horatik, hilingitukwa.

NEHEMIA 12:39

Andoma logalhugusik he, nit he Pintu Gerbang Efraim agarek kwe andi nen he kwe ekhe enu Pintu Gerbang Lama agarek oba a'nogo lagosik, kwe ekhe Pintu Gerbang Ikan agarek kwe andi nen Menara Hananeel oba andoma lagosik he Menara Seratus oba nen he pikhit Pintu Gerbang Domba ba andoma huli logali lagagu. A'nogo logalhugusik he esa niren mene a'nogo re Gerbang Penjagaan were'ma agarek oba nen o TUHAN Awi wuri'mo horokhogo andoma ninabolok lek asi lagagu.

NEHEMIA 13:28

At Yoyada andi re hun Imam Agung Elyasib a'nogo amlogo, oba nen he at Yoyada andi amlogo misik ekhere at Sanbalat awi kota Bet-Horon mene a'nogo eyamal agaikhe. Andiba re at Yoyada a'nogo o Yerusalem logogin lek iluk mugusogo wilakfisasigi.

NEHEMIA 13:4

Nen, wene andi oan agi'lek kwelek he, at imam Elyasib o TUHAN Awi elonggoma senggele'ma andoma nunggungge kabogesi kugu mene omanogo halhi logouwageluk menfesukwangge a'nogo re, at Tobia inom hundik welagaukwa.

NEHEMIA 6:1

Ap nit ninaselei mene, hun Sanbalat inom, Tobia inom, Gesyem inom it ekhe amu mene inom inesanggo holhunemen he, ”It afuni Israel mene nen he leget pak leget a'nogo mondok legeisogo ambotkwe wurik laga logolik, folelek omanogo mondogat to'morik lili'lagwi ugunem holhukwa. A'nogo holhukwaba nen he andem oba re o kota andi bene kwe ambe palek mene omanogo faget kwe sou ebe oan wurogo kolhi'lek kwelek oba nen a'nogo isukwa.

NEHEMIA 7:1

Nen, pak leget a'nogo mondogat wanhukwama re an kwe sou ebe wusuageluk yagaisigi. A'nogo yagaisigirik he an nen it ap o kota kwi lagu mene ebekhalem kagalek werek mene inom, it ap wuni watu mene inom, it Lewi inap inom, ineabu lombok hilingisuageluk yagaisasigi.

MAZMUR 30:1

Allah Awi wurik horogo kwe huti logolik wuni watu mene.

MAZMUR 48:12

Haren afuni Sion mene inom, Yehuda mene inom inaselei mene omanogo inoba unggum wogisikhi lagen andi nen he, it inagaiyegen inanggilugeti logouwak.

AMSAL 3:6

Haren yi aple ti aple hilingiti logolik Tuhan oba nek ebethikhi logoino, Arenat hat hoba ineluk fanorogo welagaikharek mene re yi'nogo iluk inukhesigin werego.

AMSAL 3:9

Tuhan agaugwerati logolik he, hangge yi mene ti mene fano mene wogetik, nen hanggweang oba nen enggen ugu attak palhu mene wogetik ikhi logoino.

YEREMIA 31:38

Tuhan nen ikhi logolik, ”Inenggi ekhe asi wesigin oba re o Yerusalem elonggo mondogat helep oba wurogo liabek mene menara enu Hananeel oba nen he pikhit kwe ambe enu Pintu Gerbang Sudut ikhi lagaukwa huli andoma mondogat An nonggwarek nawi kota a'nogo ambotkwe wusugun.

DANIEL 9:25

Wene yagahesigin yi, helu asuageluk fanorogo futfeino o. O Yerusalem meisalek mene andi hobuk ambotkwe wusuageluk wene ero wulafikhe andi huli nen, ap enupogot misik ekhe Allah nen wenagaisogo menfagain mene andi wesigin huli, inenggi 7 kali 7 tahun logogun o. A'nogo logombik, hobuk inenggi 62 kali 7 tahun logolik, o kota andi hobuk ambotkwe wutik, o sili hilingitik, leget kat wanhik, ugun meneat he, andem oba re enggin-fenggin inoba hugu mondok logoligat wusugun.

ZAKHARIA 14:10

O kweang mondogat he, o Geba nen abel selatan fikhit o Rimon huli andomaba re, kweang utara fikhit meneba andoma re logogin. Oba nen Yerusalem enek he, mondok legoma logogin. Andi re, kweang era'lukwe werek mene mondok sebelek werek kwelek kota andi re lego logogin, Kota ebere Pintu Gerbang Benyamin meneba andoma nen wurilogo re Pintu Gerbang Sudut agarek oba andoma huli logoin, nen kwe sou pa'leget attak meneba nen menara Hananel wurogo liabe'ma andi huli nen he, hun raja anggur agai perelherek oba andoma huli hilingik logogin.

YOHANES 5:2

O Yerusalem andoma re, leget paleget ambe palek ekhe enu domba anggwe agarek mene era'lu i mogo ekhe it afuni Ibrani mene inaneba enu Betesda agarek mene yenggelek welagaikhe. I mogo andi era'lukwe yiling-waling andoma re, o sabu 5 nen fano wurik were'ma.

ULANGAN 20:5

A'nogo yagaisugunem, it sikhe fisogo mene inogogwi lego mene perwira andoma nen inane yi'nogo yagaisikhi logogun, ’Ap ekhe o ket wutepsik oan o eil warek lek engge welagep mene ekhe werega? Werek halok he at weim yabi lagunemen aben wasumo aiba ap amu mene kwimbik logogun enggere at aiba ambotkwe lagokhogo lagain fano.