NEHEMIA 2:13 - Allah Wene Fano Wene Hupla Inane

¹³ O wei igi'lek werek kwelegat, o kota herakfuluk kwe ambe palek oba enu Pintu Gerbang Lembah agarek kwe a'nogo nen wulifugusik, kota abel elikwe o mo ubuk ikherek higit i ambutmo kwe ambe ekhe yi mene ti mene weak mene wulak fisagarek kwe, i enu Kisu Naga elesikwe andi nen lagagu. A'nogo laga logolik, o kota leget pa'leget wurik weaget fesukwa mene inom, kwe ambe palek mene endu fatukwama felelenghogo nasikhe mene omanogo inom, neilenggen kogolik lagagi.

NEHEMIA 2:13 Iomraidhean Croise

2 TAWARIKH 26:9

Aren he o kota Yerusalem a'nogo ninghogo iluk he, ap kagalek werek oba faget menara kwe unggutmo arem nogo ekhe, nen Pintu Gerbang Lembah ba aremnogo ekhe, nen leget waganek unggutmo maserogo kuguba aremnogo ekhe wutikhe.

NEHEMIA 1:3

Heinok a'nogo wogisasigimo, iren he, mel yaganetukwa: ”Afuni Yahudi mene o Babel wo'ninarek wagaukwa mene hobuk inambotkwe inawi eroma lagaukwa mene omanogo re, yogondak ap pok mene inanggelekwe werek mene omanogo nen yi enggin ti enggin inoba figik, inendawimo wiik-weakhogo hilingfisigik, ugunem mondok weakhogo werego. Nen, endamat o kota Yerusalem leget pa'leget wurik welagaikhe mene meisak lambukhogo lakfisigik, kwe ebekwe leget pa'leget ambe palek mene endu nolhik, isukwa mene omanogo hobuk agauak hilingiti'lek mondok meisalegat werego, noe,” iluk yaganetukwa.

NEHEMIA 12:31

A'nogo hilingitukwama re an nen afuni Yehuda mene malalinafu mene omanogo inoba re it inebe leget fak waganek mene a'nogo esialeba lagaluk, inebe esa hokho mene pire logalfuluk he inebe erarogo lakfuluk wuni Allah fogeratu awuni ikhi logolik o kota andi mase lakfouwageluk yagaisasigi. A'nogo yagaisasigimo re esa attak mene re pa'leget a'nogo esialeba eratukwasik he, inebe inenggi hare fikhit kwe ambe ekhe enu Gerbang Sampah agarek fikhit andoma lagaukwa.

NEHEMIA 2:12

A'nogo logolik, an nen he,” Allah nen o kota Yerusalem meisalhukwa a'nogo hobuk ambotkwe legeisogo wusuagaluk yaganetemo nen wagarigo,” iluk afuni mondogat yagaisigi'lek welagagi. A'nogo welagagisik, nenggi ekhe sambul nogo iluk o hubanggoat neluk agagisik, nagaila'lak inebe pire, henagan, ekhe inayonggo fesigisik he, wam amboloba nikharek mene ekhe welagaikhe le'ma re, we, wam keledai an amboloba hurek lagain mene nek waluk, o kota abel endakwe wulifugu.

NEHEMIA 2:15

A'nogo hilinglagaikhemo, o Kidron tonggoma andoma pisugusigen o wei igi'lek werek kwelegat o kota leget pa'leget wurik welagaikhe mene kogolik kwanirogo re, kwe ambe palek ekhe enu Tonggoma a'nogo kwe nen ninambotkwe o kota kwi wagagu.

NEHEMIA 2:17

A'nogo meneat he, an nen hobuk it mel yagaisasigi: ”O kota Yerusalem mondok wolelenggen tagalogo fotfisigik, nen kwe ambe palek kwe mondogat endu fesukwama felelenghogo ninggik, isikhemo, wene nit ninoba were'ma, yi enggin ti enggin hugu mondok welagorek andi hikhi lageba? Afuni nen inendawimo seramet ninobagaluk weaget ninafarek andi lek asuagen he, o kota Yerusalem ebe inom, leget pa'leget wurik welagaikhe mene inom, meisalhukwa a'nogo hobuk ambotkwe legeisogo wusuogo,” iluk yagaisasigi.

NEHEMIA 2:3

mel isigi: ”Hat hebe henupogot mondok logoino, neisena. An nawi kota nombalak inebe salinafukwa kwe yogondak huli nen meisalek werek mene andoma inom, nen, kwe leget pa'leget ambe palek mene halik halokhogo endu nologo weaget fesukwa mene andoma inom, mondok weagat werek kwelek nendawimo fano logou re, elo'lego, neisena,” iluk yagatigi.

YEREMIA 5:10

An nen he ap selei mene nen it inangge anggur yabu weagerogo fouwageluk lakfisa wesigin o, oba nen mondogat leget fisoageluk he fuk. E anggur enggi andoma re An mene werek lek andi nen he, An nen ap it inom weim palek mene andoma nen lebegesuageluk inayonggo fagain.