NEHEMIA 13:7 - Allah Wene Fano Wene Hupla Inane

⁷ o Yerusalem lanogen iluk yaganetama nen wagagi. An nebe o yoma asi wagagisik hilingitunemen he at Elyasib en hun Tobia ba o TUHAN Awi wuri'mo omanogo senggelek ekhe wogete mene a'nogo hasigisik he youk lagagi.

NEHEMIA 13:7 Iomraidhean Croise

1 TAWARIKH 3:24

Elyoenai inom andi nen he againafuri ap inebe sabiren taginarek welagaikhe mene inenu re, Hodaya inom, Elyasib inom, Pelaya inom, Akub inom, Yohanan inom, Delaya inom, Anani inom andem.

EZRA 9:1

A'nogo mondogat hilingfuluk he, it afuni Israel mene inogogwi kaindek fena an nambit wagaikhasik he, an yaganeti logolik mel yaganeta, ”It afuni Israel mene inom, ap Lewi mene inom he, afuni inunggulenu amu mene nen nit welago kwe oma nen haningisogo werek mene, inunggulenu Amon inap, Moab inap, Mesir inap, Kanaan inap, Het inap, Feris inap, Yebus inap, Amori inap, oba nen enogo fakhigi legengge nek hilingiri'lagwi. It ap imam inom, it Lewi inap inom, en ogore a'nogo nek hilingiri'lagwi. It inebe mondogen he afuni inunggulenu andi mene nen inobabut mondok nong-honghogo hilingiri'lagwi mene omanogo hakhogo nek hilingiri'lagwi.

NEHEMIA 13:1

Wene melalek Musa nen yagaisasikhe mene a'nogo pilingitunemen he wene ekhe yi'nogo palek were'ma hasugu,” Afuni Israel mene o Mesir en wulibi wagaukwasik ebekhalem lagunem it ap inunggulenu pire andem en sumburu inom i inom noageluk wogisasukwa lek.

NEHEMIA 13:5

Inom hundik were'ma re at Elyasib en he o a'nogo senggelek hokho mene misik ekhe yi mene ti mene gandum inom, kemenyan inom o TUHAN Awi wuri'mo andoma nen hilingitarek engge inom, it imam wogisugu mene inobaget fuguba iluk inom, gandum inom, anggur amusu inom, zaitun amusu inom, nomolongge mene fuguba iluk inom, nen it ap Lewi mene inom, musik watu mene inom, o TUHAN Awi wuri'mo kwe kwi laguba a'nogo kagalek werek inap inobaget fuguba faget iluk inom, foukhogo fesugumo nen he at Tobia a'nogoba wogete.

RATAPAN 1:10

At mene angge yi mene ti mene hokhorogo omanogo re at aselei mene nen telaga. A'nogo telagasik iren he o Allah Awi wuri'mo, it afuni Tuhan againafuri lek mene re o andi elonggoma kugun mondok lek, iluk ili werek aiba a'nogo kugunem aren eilenggen isikhe.

1 KORINTUS 1:11

Nerugwi, nagaila'lak. Wene a'nogo igi andi re, afuni he Kloe were'ma nen wagaikhasik he, yi'nogo agama: ”It-irat wene pali'lagwi o,” iluk fakhogoat yaganesi wagaikhama nen yagahisigi o.