NEHEMIA 13:23 - Allah Wene Fano Wene Hupla Inane

²³ Inenggi welagagu andem huli an nen ekhe isasigi re afuni Yehudi mene inebe hokhorogo inagagwi inunggulenu Asdod mene inom, Amon mene inom, Moab mene inom, woginafukwama isasigi.

NEHEMIA 13:23 Iomraidhean Croise

1RAJA-RAJA 11:1

Raja Salomo nen he hemi pok mene endawinggen nasikhesik, hun ekhe Mesir mene a'logo a'nogo waganek logoligen he, at Salomo nen afuni inawi Het mene inom, Moab mene inom Amon mene inom Edom mene inom Sidom mene inom ina'logomi woginabik lagaikhe.

EZRA 10:10

A'nogo were'ma re at Ezra a'nogo menlagaikhesik he it inoba ane ikhi logolik he mel isikhe, ”Hiren hemi inunggulenu enda'ma mene woginafigip andiba re, weak mondok hilingitepma afuni Israel mene inoba weak ekhe inomat hilingfegep andi.

EZRA 10:44

It ap inebe mondogat andi nen he hemi inunggulenu endakwe mene woginafukwa ma re, hemi omanogo mondogat herak fisilik lagaukwasik he, inagainafuri inom mondogat mugusogo wulaginafukwa.

NEHEMIA 10:30

Andi nen niren hombuk palhi logolik, ”it afuni pok mene nit ninaiba ninanggelekwe werek mene andoma ninom wok-wok aga logogun mondok lek.

NEHEMIA 10:31

Nen it ap pok mene andoma nen it inangge gandum inom athe, inangge ekhe mene inom, ninenggi sabat oba ogo inenggi wesa ekhe hokho meneba ogo, onggo wilik wagu halok he niren it inangge andoma onggo wanhi logogun mondok lek. Tahun falfaligen wela'luk sabit meneba re niren yabu wanhi logogun mondok lek, nen ninombalegengge werek mene ogore obali'mo feni iluk yagaisikhi logogun mondok lek.

NEHEMIA 13:1

Wene melalek Musa nen yagaisasikhe mene a'nogo pilingitunemen he wene ekhe yi'nogo palek were'ma hasugu,” Afuni Israel mene o Mesir en wulibi wagaukwasik ebekhalem lagunem it ap inunggulenu pire andem en sumburu inom i inom noageluk wogisasukwa lek.

NEHEMIA 13:24

A'nogo hilingitukwa ma re it inagainafuri mene fena re Yahudi mene inane fut figi'legenggere inunggulenu Asdod mene inane inom, afuni amu mene inane inom ikhi lagaikha.

NEHEMIA 13:27

Hit he hinailo lekhogo Allah ane sagalhigipsik hemi inunggulenu amu mene woginafigip. Andi re mondok weak hokho mene hilingitep andi!” iluk yagaisigi.

NEHEMIA 4:7

A'nogo wurogo fei lagasugumo, it afuni ekhe nen he, ”Afuni Israel mene omanogo re, o Yerusalem leget pa'leget a'nogo weak-weagat mondok wanhi logolik, folelek to'mosuogeluk fakfaga aro,” iluk ugunem at Sanbalat inom, Tobia inom, ap Amon mene inom, Asdod mene inom, Arab mene inom, inebe mondogat inesanggo holhukwasik he, ina'mage hokhorogo het-perisukwa.

KELUARAN 34:11

Hit hilingiti logogun mene faget, yi'nogo hilingiti logoino, ti'nogo hilingiti logoino, iluk yogondak yagahisigi mene andi, hologo higithogo hilingiti logoino o. An nen hit lagunem he, afuni inunggulenu Amori mene inom, Kanaan mene inom, Het mene inom, Feris mene inom, Hewi mene inom, Yebus mene inom, mugusogo wulakfisagain o.

2 KORINTUS 6:14

Hit afuni inendawinggen Allah oba himbiret figi'lek mene andi, hinom hunetubo. Afuni higithogo hilingiri'lagwi mene inom, komore'lek hilingiri'lagwi mene inom, inom hundik logogun nogo? O selek andi inom, o mum andi inom, inom misi'mo logogun nogo? Mondok elo'lego.

ULANGAN 7:1

A'nogo yagaisasikhesik, ekhe mel yagaisasikhe: ”Nineisena Tuhan Allah nen o hit hobuk logogun oba andoma wokhinarek lambik, afuni inunggulenu hokho mene pugulogo wulakfisagain. Wulakfisambik logolik inunggulenu 7 nen hit hangge lek. We, it inunggulenu hokhoat, inomame hokho mene, mugusogo wulakfisagain o. It andi re, inunggulenu Het mene inom, Girgasi mene inom, Amori mene inom, Kanaan mene inom, Feris mene inom, Hewi mene inom, Yebus mene inom, mugusogo wulakfisagain o.

RUT 1:4

A'nogo logolik, it ap pire aremnogo hemi o Moab mene inenu Orpa inom, Rut inom, woginafukwasik, 10 tahun were'ma nen,

1 SAMUEL 5:1

Afuni Filistin mene nen Peti Wene Warogo Allah nen wo'ninafikhe, iluk hilingik a'nogo telogo waluk o Eben-Haezer en he, it inawi kota enu Asdod andoma fei lagaukwa.