NEHEMIA 11:4 - Allah Wene Fano Wene Hupla Inane

^4-6 Nen it afuni inunggulenu Benyamin mene inom, Yehuda mene inom, en wenagaisogo fenakwe re o Yerusalem welagaukwa. Nen, it andem mene o andoma welagaukwa mene inenu lisu palek he yi: It inunggulenu Yehuda mene inebe welagaukwa mene re yi: Hun Ataya Uzia amlogo hun Zakharia omba andi welagaikhe. Nen, it at andi ombawi mene fena inom welagaukwa mene inenu re yi: Hun Amarya, Sefaca, Mahalaleel, Peres, Yehuda. Nen, it inunggulenu mene andi nen inebe mondok lambulogo re 468 nen welagaukwa, nen ap inebe re mondok inalong-pinalong inap enek logolik hibilik hebelek inap enek welagaukwa. Maaseya hun Barukh amlogo hun Kolhoze omba andi welagaikhe. Nen, at andi ombawi nen fenakwe re yi: Hazaya, Adaya, Yoyarib, Zakharia, Syela, Yehuda inom welagaukwa.

NEHEMIA 11:4 Iomraidhean Croise

KEJADIAN 38:29

A'nogo isikhemo nen he, omalik enggi hele kelfesikhe mene a'nogo enggi ambotkwe lisogo wanhikhemo, omalik ekhe a'nogo tak ta'lagaikhemo re, at hele omalik taginafi lagaikhe mene a'nogo nen ikhi logolik, ”Hat wulibi waga lagen he, a'nogo ari a!” iluk isikhe. Omalik attak ta'lagaikhe mene a'nogo enu Peres salhukwa, enu andi it Ibrani inaneba, ”Weak-weak wulibime,” iluk u hak salhukwa.

NEHEMIA 11:3

Nen o kota amu-amukwe andomaba re it afuni Israel mene inom, imam inap inom, Lewi inap inom, it ap TUHAN Aiba yabu hilingiti lagaukwa inap omanogo inom, nen it hun Salomo obaget yabu hilingiti lagaukwa mene omanogo inambisangma mene inom, it inawi kota lombok he inanggweang inonggwaregen meneba nek welagaukwa.

MATIUS 1:3

Yehuda nen he, he Tamar wanhikhesik he, ap Peres inom, Zerah inom, emberek taginafik, Peres nen Hezron tatik, Hezron en Ram tatik,

LUKAS 3:33

Nahason andi re, Aminadab amlogo. Aminadab andi re, Admin amlogo. Admin andi re, Arni amlogo. Arni andi re, Hezron amlogo. Hezron andi re, Peres amlogo.

RUT 4:18

Daud ambu-ombalak at Peres huli nen ta'larik wagaukwa re, inebe yi'nogo: Peres nen he, Hezron tatik, Hezron nen he, Ram tatik, Ram en he, Aminadab tatik, Aminadab en he, Nahason tatik, Nahason nen he, Salmon tatik, Salmon nen he, Boas tatik, Boas nen he, Obed tatik, Obed en he, Isai tatik, Isai nen he, Daud tatik, a'nogo ta'larik wagaukwa andi.