NEHEMIA 11:1 - Allah Wene Fano Wene Hupla Inane

¹ A'nogo isukwasik he, it afuni inogogwi melalinafu mene omanogo re o Yerusalem femhogo werek kwelek he, it afuni omanogo nen it ineisok erokwe lombok inebe wenagaisogo 10 nen oba hilingik mene omanogo nen oak engge walhugunemen higit agu mene re inebe misikdek higik o kota Yerusalem horek meneba a'nogo logogun nen iluk eninafukwa. Nen, it oak engge walhugunemen higit agu lek mene re o kota amukwe andoma logogun mene eninafukwa.

NEHEMIA 11:1 Iomraidhean Croise

1 TAWARIKH 26:13

It andi inebe ineisok erokwe hokhorogo werek mene inom, endephogo werek mene inom he, kwe ambe palek ki meneba kagalek logogun iluk ninelu asuageluk he inenggi halhikhi lagaukwa.

1 TAWARIKH 8:28

It ap andi re afuni it ineisok erokwe mene andoma faget inogogwi kaindek mendek logolik ferinarek welagaukwa inap, it inebe ta'larik wagaukwa higithogo lisu palek welagaikhe menere andoma. It inebere o Yerusalem welagaukwa.

1 TAWARIKH 9:1

It afuni Isreal mene mondogat he inebe ineisok erokwe lombok ta'larik wagaukwa mene higit-higit inenu lisu palogo welagaikhe. Inenu lisu palogo welagaikhe mene andi re buku it Israel mene inogogwi raja mene a'nogoba palek welagaikhe. It Yehuda mene weak hilingiti lagaukwa mene omanogo ambisangma unggum he it inebe woginarek afuni huginabi lagaikharek oba o Babel omanogo fisa lagaikhe.

1 TAWARIKH 9:2

It inanggele'ma andoma fem attak-attak it inonggwarek inanggweang oba inawi kota omanogoba inambotkwe wagaukwa mene re. It afuni holhu mene yugunat inom, imam inom, it Lewi mene inom, Tuhan Awi wuri'mo yabu hilingiti lagaukwa mene inom, omanogo tak wagaukwa.

1 TAWARIKH 9:3

It inunggulenu Yehuda mene fena inom, Benyamin mene fena inom, Efraim mene fena inom Manasye mene fena inom he, nekhengge wagaukwasik o Yerusalem andoma welagaukwa.

NEHEMIA 10:34

Nit afuni holhu mene inom, ap imam inom, it Lewi inap inom, en he wene melalek werek mene higithogo re, nit nineisena TUHAN Allah Awi wuri'mo andoma nen wam yi mene ti mene warogo nolhu mene faget it inunggulenu ki mene nen e wurogo fikhi logogun iluk tahun hundik-hundik andomaba enek asuageluk he helep enggen waleti logogun.

NEHEMIA 4:22

Leget pa'leget andi wuti logolik he, ap wuti lagaukwa mene inebe inom, leberisikhi lagaukwa mene inom, inebe mondogat he, o Yerusalem mondok nogo ikhi logogun, iluk yagaisasigimo yoma mondok nogo ikhi lagagu. A'nogo nogo ikhi logolik, hubanggo o kota Yerusalem kagalek welagagu, nen linggene re leget pa'leget a'nogo legeisogo wanhi lagagu andi.

MAZMUR 122:5

O yomaat At Daud en tagomangge mene inebe inenupogot menla'luk, afuni it mene ferinarek logolik, wene inoba figik, kotik ikhi logogun.

MAZMUR 122:6

Afuni Yerusalem mene, fano liokhogo logouwagaluk, niren Allah ayonggo fikhi logouwok, ”It afuni o yiba inendawinggen hundik werek mene halok he, inawene legengge fano mondok logouwago.

AMSAL 16:33

Furogo inelu asuageluk he afuni nen helebenggen oba walhugunem inelu agarek, oba nen he onggo furogo yagaisagarek mene re we Tuhan amu nenat yagaisikherek.

YESAYA 48:2

A'nogo hilingiti logolik meneat he, hiren he nit he o kota horek awi a'nogoba welago mene o, nen afuni Israel mene ineisena Allah a'nogoba tipsek logolik, Tuhan Horek Mondok welagarek iluk agarek mene a'nogoba himbirik welago mene o, iluk wonoget fakhikhi lagep.

YESAYA 52:1

Hat Yerusalem yi, heluk asimbik he menlame o! Hendawinggen hambuget fakhan! Hasu re halong werek mene laberan! Yerusalem kota tegelek mondok welagen mene yi re, hat hanggwe ambe palekwe andi nen afuni emerek mene ekhe kwi waga logogun mondok lego.

MATIUS 27:53

At Yesus ebe eluk agaikhemo re, it ineluk agaukwa mene andi, o kota Yerusalem Allah onggwarek aiba a'nogo kwisukwama re, afuni inebe hokhorogo nenat ineilenggen isasukwa.

MATIUS 4:5

Yagatikhemo re, hobuk at Iblis nen Yesus waluk, o Allah onggwarek awi sili hokhoma lagaikhesik he, o Allah awi o tum uan-awan wuri'mo waluk lagasikhesik,

KISAH PARA RASUL 1:24

Inenu isukwasik, Allah ayonggo fikhi logolik he, ”Nineisena. Yudas hat hane yagaisilik nikhi logouwageluk ayonggo fesigin meneat he, aren herakfisaluk wa'lasigin higithogoat wa'lagama, obali'mo ap inebe pire yi, haren ap ki hak ayonggo fegen. Hat afuni inebe mondogat inendawinggen helu andi. Halok, ap ebe yi ayonggo figi, iluk, haren yaganisan o,” iluk yagatukwa.

KISAH PARA RASUL 1:26

A'nogo isukwasik he, ”Ap yi menfouwoga? yi menfouwoga,” iluk oagengge sa oba asigin, sa oba asigin inenu salogo walhasukwama, Matias oba higit agaikhe. Higit agaikhemo, it ap Yesus nen inebe wenagaisogo inayonggo fesikhesik lakfisasikhe mene omanogo inebe 12 mene 11 agaikhemo nen, 12 asuageluk Matias inom logouwageluk menfesukwa andi.

YOSUA 18:10

A'nogo hilingitukwama re, at Yosua nen he Tuhan nen it faget ninggi'nogo enekhogo fikhe iluk helebenggen walhasikhesik kweang it afuni inunggulenu Israel mene helasukwa lek mene omanogo kuthigik sumburisasikhe.