NEHEMIA 1:9 - Allah Wene Fano Wene Hupla Inane

⁹ A'nogo meneat he, hobuk hinafe hebelasimbik hinambotkwe noba wesimbik noba lomborogo logolik, nane hologo hilingisugun halok he, hit hinebe pugulogo o pogot ero-ero lakhinobagambik hobuk andogorogo an nobaget hilingiti logogun oba nonggwaregen wenagaisogo fakhasigiba andoma logobagaik iluk hinobagai wesigin o, iluk isigin mene andi hendawimo ebesin o, neisena.

NEHEMIA 1:9 Iomraidhean Croise

1RAJA-RAJA 8:48

It andi o andoma logolik, weak hilingita mene andi inendawinggen oba nenat herakfisaluk inafe hebelegat logolik, o nit ninombalak wogisasigin oba kota haren wenagaisogo fakhasigin oba, o an nen Hat faget hilingiti logogin oba wuthobagagiba yoma fikhit inelokhe lakfei we'luk kino yagahetu halok,

1RAJA-RAJA 9:3

mel yagatikhe: ”Haren samban noba yaganeten mene andi, hane An mondogat nesanggo holhiri'mo re, o haren an nawi wuten oba yi re An nonggwarek nobaget hilingitu mondok logogun oba hilingisogo figi o. Andi nen he, An nen o yi serogo logolik, tegelhu mondok logogin o.

1 TAWARIKH 16:35

Hiren ikhi logolik he, ”Allah nineisena, ninagap telninafi lagen mene, it afuni inunggulenu amu mene inomameba sebelninarek werek mene inoba nen telninabimbik misi'mo andogorogo ninobagai me o, A'nogo hilingninafunem niren Hat hai wathafi logolik, Henu horek welagendek mene a'nogo foget hafi logogun o!” Iluk yagaisasikhe.

EZRA 6:12

It afuni inogogwi inenupogot inebe lombogen inom, afuni inunggulenu lombogen inom, an Darius nen, Yi'nogo hilingisugun, iluk yagahisigi mene andi hologo hilingiti'lek, sagalogo herakfisaluk, Allah awi andi meisalogo weaget fouwogeluk ugu halok, Allah o Yerusalem at fogerati logouwageluk wenagaisogo fakhasikhe mene andi nen inebe mondok legetfisoago. An Darius nen wene yagahisigi andi an nane hologo fanorogoat hilingi'no o,” iluk wene onggo inoba lakfei wagaikhe.

MAZMUR 106:47

Tuhan Allah neisena, Haren nit ninagap telninabin, niren Hat hai wathafik, nen Hat henu mondok fano horek mene andi fogethafik, hilingiti logogun nen he, nit afuni amu mene inaggelekwe andoma were'ma Haren andogorogo ninobagakhi logoin o.

MAZMUR 107:3

Hit hinebe ap pok higit afuni inaiba polikwe malikwe elikwe yikwe, were'ma andogorogo hinobagasikhemo welagep andi.

MAZMUR 147:2

At Tuhan nenat o Yerusalem andi ambotkwe wusigin, afuni hele warogo huginabi lagaikha mene omanogo Arenat woginarek inambotkwe fisa wesigin.

YESAYA 11:12

Tuhan nen he bendera misik ekhe yi afuni ti afuni faget liak fagain. A'nogo Aren inunggulenu Israel mene inom, Yehuda mene inom, o kweang wurep-wurep hesangge-pesangge werek mene omanogo woginarek weri'logo iluk enegengge re poksu a'nogo kelogo fagain o.

YESAYA 27:12

Andem sambul he Aren no gandum ebe inom afuful inom enetarek andi higit Tuhan nen Againafuri i Efrat oba nen o Mesir huli ba welagaikharek mene tegelhigik misik-misik andogerinabigin.

YESAYA 56:8

Tuhan Lego Mondok logolik, Israel mene huginabi lagaukwama nen sugulogo woginarek wagaikhe mene a'nogo nen ikhi logolik, ”An nen afuni amu mene woginarek wesimbik, it mondogat andogorek werek mene ninom seberogo kabogeti logogun nen fisa wesigin o,” iluk ikhe.

YEREMIA 12:15

Oba nen mondogat lologo fisambik enek he An nen nekhengge it inoba inendawirinabigin, it inunggulenu lombok he An nen woginarek inonggwarek inanggweang oba fisa wesigin.

YEREMIA 3:14

Tuhan nen ikhi logolik, ”Yago hit An nagainafuri tiphogo hilingiti lagep lek mene andoma re, An nambit hinambotkwe sugulogo we'ni o! Hit hinebe re An nonggwarek mene. An nen he ap hit mene o kota misik oba nen he ap inebe misik higik, nen inunggulenu misik oba nen he inebe lombok pirendek higik woginarek nekhengge Punu Sion oba lagain o.

YEREMIA 31:10

Tuhan nen ikhi logolik, ”Yago, hit yi afuni ti afuni hinunggulenu lombok andoma nen holini o! I laut fena fikhit andoma An nane ikhi lagi mene andi yagaisa lani. An nagainafuri An nen telfol isasigi mene omanogo re, An nen andogorogo fisa wesimbik afuni nen domba halharek hak, An nen halinafi logogin.

YEREMIA 32:37

It inunggulenu yi re An nen it inoba na'mage lagaluk nanini inoba fikhi lagi mene andi re, it inebe telfol isasigikwe andoma nen andogorogo inambotkwe fisa wesigin. An nen o kweang yiba woginarek wesimbik he it inendawinggen yamukhogo logouwageluk hilingisogo fisagain.

YEREMIA 6:22

Nineisena Tuhan nen wene a'nogo ikhesik, ekhe mel ikhe: ”Afuni inunggulenu ekhe inomame mondok hokho mene abel utara fikhit yatma andoma nen wesuogeluk hilingiri'lagwi. It wesugun andi re weim yabuogeluk wesugun.

YEHEZKIEL 14:6

Nen ekhe re An Tuhan Lego Mondok welagirek mene a'nogo nen ap Israel mene inoba ikhi lagi mene andoma yagaisano, ’Hit hinaweak hilingiti lagep mene andomaba nen hinobabut hebelini o, nen hinandugwi kembu mondok ina'meilo mene andoma mondogat herakfisani,’ iluk yagaisano, ikhe.

YEHEZKIEL 36:24

It yi afuni ti afuni inunggulenu hokhorogo werekwe andoma nen inom, o kweang ekhema-ekhema hokhorogo andoma bene nen inom, nen hit An nen kaboget hinobagaluk hinambotkwe sugulogo hinonggwarek hinanggweang oba lakhinobagai wesigin.

IMAMAT 26:3

Nen, hiren ambi An nen Nawene melalek yagahisikhi lagi mene furogo hilingitik, An nen yi'nogo hilingi'no ti'nogo hilingi'no iluk yagahisikhi lagi mene andi tiphogo hilingitik ikhi logogun halok,

ZAKHARIA 8:7

An nen he, nagainafuri o ekhema-ekhema it felelenghogo woginarek lagaukwakwe omanogo nen inagap telinabimbik,

MATIUS 24:31

A'nogo waga logolik he, an nen it malaikat Allah pogoroba nen yonggo lakfisa wagarek mene omanogo yonggo lakfisikhi logolik he, nambinggong ane hokho mene pak ugunem he, iren afuni an nen wenaginafigi mene omanogo, o unggut elikwe, yikwe, po'likwe, ma'likwe, yi awi ti awi o pogot ero-ero a'lima nen mondok andogerinabugun o,” iluk yagaisasikhe.

ULANGAN 12:21

Yi mene ti mene nineisena Tuhan Allah faget fisikhi logogun oba obalik aren wenagaisogo fagain oba andi hit hinaiba horokhogo lek. We, yatmaat halok, hinanggo sapi, domba, kambing Aren wokhisagain mene andi hinaiba andomaat watfakhaluk palogo an nen yagahisigi hagat, hit hinendawinggen nen, an ti mene namolo, iluk anggogoin higithogoat ninggi logogun aro.

ULANGAN 12:5

O nit afuni Israel mene hinunggulenu lombok logogun oba andoma nen, nineisena Tuhan Allah fogerati logouwogeluk, At eilhanem andogosi laga logogun oba, Aren obalik ekhe wenagaisogo fagain werego.

ULANGAN 30:1

At Musa nen a'nogo yagaisasikhesik, wene ekhe mel yagaisasikhe: ”Yogondak he hineisena Allah nen fanothinabuagaluk wenakhogoin a? At he, homan hinobagauwagaluk wenakhogoin a. Hirenat wenakhobagaigen iluk yagahisigi o. An nen, weak yi'nogo hogoin, ti'nogo hogoin, iluk yagahisigi andi, At Tuhan nen hit hinebe pugulogo afuni inunggulenu hunogoat mene inoba lakhinobagaikhemo it inanggele'ma andoma logolik, weak a'nogo mondogat hikhi logolik he, an nen, Ekhe mene wenakhogoin a, athe ekhe mene wenakhogoin a, iluk yagahisigi mene andi hinendawimo ebesugun o.