NEHEMIA 1:4 - Allah Wene Fano Wene Hupla Inane

⁴ Wene a'nogo yaganetukwama nesanggo holhigisik he, nebe hu'lagagisik, le agagi. A'nogo le agagisik, o nenggi pire henagan hangge nendawimo mondok weagat logolik, sumburu ninggi'lek samban at Allah ayonggo fugu mondok logolik,

NEHEMIA 1:4 Iomraidhean Croise

2 SAMUEL 12:16

A'nogo oba agaikhemo, at Daud en amlogo andi se asuagaluk, hundik-handik ebe oloba kuluk sumburu ninggi'lek hup inukhogo ebe kweangma wengik logolik samban Allah kino yagati lagaikhe.

2 RAJA-RAJA 22:19

an neilhanem he, nit weak hilingitoma o, iluk hendawinggen sebelfakhegen mene andi An mondogat higi o. Nen An nen o kota Yerusalem inom, afuni inebe mondogat inom weagerinabigiluk arat tekhogo igimo o. A'nogo igimo andi nen he wene andi afuni ineilenggen hambik inailo agik, o kota Yerusalem homan ikfigimo andi nen he enu homan ugu igik, ikhi logogun o. Oba nen he, haren An nen wene hinoba fagain igi mene andi hesanggo holhendik hendawimo weakhogo hasu laberek mene tiliphogo lakfisigik, le agik egendik, samban oba yaganeten andi An arat holhi o.

EZRA 1:2

”An he, hit afuni o Persia mene hinoe raja nenu Kores nen wene mel yagahisak: Tuhan Allah ebe pogoroba logolik, yi mene ti mene enggiba welagarek mene nen, an arat kweangma yoma yi awi ti awi mondogat faget inoe raja logouwagaluk menagaisogo nobagaikhesik, At ebe awi wuri'mo nen fogerati logogun oba, o Yerusalem afuni Yehuda mene inaiba andoma wusuageluk nayonggo fikhemo welagi o.

EZRA 10:1

Andi iluk at Ezra a'nogo Tuhan Awiba elokhoma aremnogo nen inaweak fakhogo le aga logolik samban ugu kwelek he, it afuni Israel mene a'nogo inebe hokhorogo, ap inom, hemi inom yenggerugwi magendek mene inom, kabogesi wagaukwasik at ebe tulem haningisogo kwelakfesukwasik he inane kwi-kwerogo le agaukwa.

EZRA 9:3

A'nogo yaganetu mene a'nogo nesanggo holhirik he nendawimo mondok weak agama re, nasu tilip-talaphogo herak figirik, nesi inom nomboro inom felelenghogo herak figirik, nendawinggen warugu hurek welagi.

EZRA 9:5

An a'nogo it afuni wam hu'mokwe warogo nolhu mene a'nogo noluogeluk hilingitu kwelek aremnogo re, nendawi heiselhu nen hurek welagiba aremnogo nen nasu tilip segengge aremnogo laberogo menlagarik he, an neindep awi yagaisogo nenggi langhogo neisena Tuhan Allahba liak figi.

NEHEMIA 2:20

A'nogo yaganisasukwama, an nen he, mel yagaisasigi: ”Allah pogoroba lego mondok welagarek mene nen yabu andi eil hondologo katokhogo wusuageluk hilingninobagagin werego. Nit ninebe At Allah amingmingengge mene welago yi nen he, nit arat wusuogeluk ero fakhogoin aro. A'nogo meneat he, o Yerusalem yi hit eise fuk, hit mene legaro. Andi nen he, afuni nen o Yerusalem yi faget abok ikhi logolik, hit hinenu ikhi logogun mondok lego,” iluk yagaisasigi.

NEHEMIA 2:4

A'nogo yagatigimo, at raja nen he, ”Halok he, hat hendawimo nen ninggi'nogo hilingisigin hamolo anggegen?” iluk heinok wo'neasikhe. Heinok a'nogo wo'neasikhemo re, an nendawimo nen nineisena Allah pogoroba mene ayonggo fikhi logolik,

MAZMUR 102:15

O andi mondogat afuni nen molulukhogo lakfaga oba nen he, nit Hat hamingmingengge mene nen he o andi faget ninendawi hundik hilingik welago. Nen, o andi mondogat wul age palogo taik ekheba nen he, iren inendawirati logolik werek.

MAZMUR 136:26

At Allah pogoroba along werek mene andi nek hai wati logoni, Endawi hundik hilingninaferek mene andi re mondok-mondok logogin mene,” iluk hai warogo wuni watikhe.

MAZMUR 137:1

O Babel oba andoma i lagarek mene esanggokwe nit ninebe andoma hu'lasi laluk, ninawi Sion oba ebethaluk he li le aga lagagu.

DANIEL 10:2

Andem sambul he an Daniel minggu henagan inukhogo fong warogo welagi.

DANIEL 2:18

A'nogo yagaisikhi logolik, ”It ap ekhe inendawinggen kagalek logolik yi wene ti wene inelu mene o Babel ekhema-ekhema welagaikharek mene andi, inoati logolik, hit nagaila'lak ninomat ninoasinogo iluk, Allah pogoroba mene nen ninebe endawit ninabimbik, at raja abi hinago mene hikhe andi ebe furogo yaganisoageluk hinane hinelagaik hinane ayonggo feino o,” iluk yagaisasikhe.

DANIEL 9:3

A'nogo ebetirik, neisena Tuhan Allah nen endawit nabuagaluk su karung mene laberogo, sumburu ninggi'lek heang nebe wul oba hurek logolik, samban nane nelagaik nane Allah ayonggo figi.

YUNUS 1:9

A'nogo yagatukwama aren he, ”An nebe Ibrani mene o. Neisena Tuhan Allah pogoroba mene i laut yenggelek inom, kweang inom, elalhikhe mene andi fogeratirek mene o,” iluk yagaisasikhe.

ZEFANYA 3:18

Hit hinobaget Aren he, afuni seni isati logolik hilingitarek hak, wuni agaiyegoba wari'lago. Tuhan nen ikhi logolik, ”Enggin fenggin hit hinoba asi weri'lago mene andoma An nen waganogo herakfisagain o. Nen, it ekhe nen at andi re yiginik-tiginik iluk weaget hinobagali'lagwi mene andoma re An nen horogo herakfisagain.

ROMA 12:15

It afuni ekhe inendawimo inagaiyegetu halok he, hit hinomat hinendawimo hinagaiyegetik, it ekhe le agu halok he, hit hinomat le agik, ikhi logoino o.