NEHEMIA 1:11 - Allah Wene Fano Wene Hupla Inane

¹¹ An nen ogo, hamlogomi fenakwe inebe mondogaren ogo, ninebe mondogen hat agaukhogo fogethafi logouwogeluk samban hayonggo fikhi lago mene andi, ninane hesanggo holin o, neisena. O yogondak he, an hamingmingengge nebe ninoe raja oba lagain enggere, aren endawit nabuageluk endawimo kagalin o, neisena,” iluk samban oba Allah ayonggo fikhi lagagi. Andem oba re, an nebe raja agai nunggu mene faget yi'nogo hilingisugun ti'nogo hilingisugun, iluk lenggalhu logolik, Allah ayonggo a'nogo fikhi lagagi andi.

NEHEMIA 1:11 Iomraidhean Croise

KEJADIAN 24:42

A'nogo yaganetemo, hombuk a'nogoat palhi. Palhirik waga lagarik, i mogo habuli'mo hinagaisogo nenggarek oba wagarik, samban nendawimo nen ugu welagi: Noe Abraham eisena Tuhan Allah neisena. Haren he, an he herarik wagi a'nogo wo'nom o.

KEJADIAN 32:11

An noe Esau waga logolik, nit ap mondogat ninoati logolik, hemi yenggerugwi ninomat ninoasugun andi nen, an nailo hokho ari'logo andi nen, Haren telninabinogeluk nelagaik naneba kino yagaheti o, neisena.

KEJADIAN 32:28

A'nogo yagatikhemo at ap a'nogo nen he, ”Haren An Allah nemberek ninobakhe felik pugagik, afuni mene hinom yei hinobakhe felik pugagik ogo mene re, hat homame agen andi nen, henu re, Yakub ikhi logogun lego, Israel ikhi logogun,” iluk salhikhe.

KEJADIAN 40:1

Inenggi ekhe welagaukwasigen, ap inebe pire at raja Firaun o Mesir mene amingmingengge mene. At ekhe inoe kain agai nunggu mene faget yi'nogo hilingisogo wogisagarek, iluk wene lenggalhi lagaikhe mene, nen at ekhe amburu roti werati logogun mene faget yi'nogo weratarek, iluk wene lenggalhi lagaikhe mene emberegen, inoe enupogot a'nogo weak hilingisogo fesukwa.

KEJADIAN 40:2

Weak a'nogo hilingiti lagaukwama, at kain a'nogo a'mage hokhorogo inoba fesikhe.

KEJADIAN 40:21

A'nogo yagaisasikhemo woginabi lagaukwasik woginarek wagaukwama re, at raja Firaun agai nunggu mene faget wene lenggalhi lagaikhe mene a'nogo eabu attak hilingiti lagaikhe mene ambotkwe wogoti logolik he,

KEJADIAN 40:23

A'nogo meneat he, at ap kain agai nunggu mene faget wene lenggalhi lagaikhe mene a'nogo Yusuf oba ebeti'lek, we, mondok onggoret fisasikhesik welagaikhe.

KEJADIAN 41:9

A'nogo yagasu elo'lek agaikhemo, ap ekhe raja agai nunggu mene faget wene lenggalhi lagaikhe mene a'nogo nen at raja Firaun mel yagatikhe: ”Noe, an hamingmingengge attak yagaheti'lek weak hilingiti mene ekhe yogondak fakhogo yagahesik.

KEJADIAN 43:14

An nebe yi re, namlogomi hinebe longgo nek ugun halok he, ninggi'nogo hilingisu hak. Allah Omame Hokho mene a'nogo nen enek hun gubernur andi nen endawit hinabimbik at Simeon inom, Benyamin inom hit hinenggiba ambotkwe wokhisoak,” iluk yagaisasikhe.

2 TAWARIKH 6:40

Neisena Allah o, yogondak o ya nen niren samban Hat hoba kino yagaheti lago mene andi hesanggo holiluk, fut ninobagain o.

EZRA 1:1

Afuni o Persia mene inoe raja enu Kores andi menlagaikhesik oba, tahun attak welagaikhe andiba, At Tuhan nen wene ap at ane yagaisikhi lagaikhe agun Yeremia a'nogo yagatikhemo isikhe mene ebe asuageluk, ap Kores andi endawimo kagalhikhe. Endawimo kagalhikhemo, aren o yi awi ti awi ferinarek welagaikhe kwe lombok, enu salik loageluk wene yi'nogo wulafikhe:

EZRA 7:6

Ma re, ap Ezra andi sekolah mondok yanggulhikhesik eluatma re, wene at nineisena Allah Israel mene nen komotninafikhe wene a'nogo, at Musa yagatikhemo, lisu palhikhe mene omanogo mondogat elu mondok welagaikhe. A'nogo were'ma, at nineisena Tuhan nen Ezra ebe fanotfikhi lagaikhe andiba, at Ezra nen raja Artahsasta ba yi mene ti mene legen kino yagatunem ane hologoat wogoti lagaikhe. A'nogo wogeti lagaikhe andi re, at Artahsasta ebe raja menlagaikhesik logolik tahun 7 meneba were'ma, at Ezra inom, imam mene ekhe inom, afuni Lewi mene ekhe inom, wuni watu inelu mene inom, Allah awi wuri'mo kwe ambe palek oba kagelek logogun mene inom, nen yabu Allah awi wuri'mo hilingiti logogun mene inom, mondogat inagoromi inom inebe misik lambukhogo re, o Babel en Yerusalem wesuogeluk woginarek wagaikhe.

NEHEMIA 1:6

An nen hagainafuri Israel mene faget o hup hundik, lingge hundik, nane hoba liakfei waga lagi andi, heilenggen neambik he, nane hesanggo holino o, neisena. Nit afuni Israel mene weak hilingitugu andi. Nen an nebe inom, nombalak inom, weak hilingituguat andi o, neisena.

NEHEMIA 2:1

Allah ayonggo a'nogo fikhi lagagisik, tugi nit wenatorek higithogo 4 oba welagagisigen, tugi ekhe enu Nisan agarek andiba, nenggi ekhe sambul at raja Artahsasta amburu nuggu were'ma, an noba sinurogo logolik, at agai anggur amusu mene hinagaisogo wogotigi. An at elokhoma a'nogo hilingiti lagagi lek mene, andi sambul enek he, a'nogo hilingiti andi.

NEHEMIA 2:8

Andi nen ekhe re, e ogoi at raja mene hun Asaf en kagalek welagaikhe mene o Allah awi wurik era'lukwe leget pa'leget ambe palugun mene faget inom, o kota leget pa'leget wusugun mene faget inom, o an nebe logogin oba wusugun mene faget inom, tegelogo nobagauwageluk at faget surat ekhe wo'nesuagaluk kino yagatigimo, Allah nen an lebetneasikhemo, an nen kino isigi mene andi at raja nen mondogat hilingnobagasikhe andi.

MAZMUR 106:46

It afuni amu mene it inebe hele warogo fisa lagu mene omanogo nen inendawi hundik hilinginafi logouwageluk Aren afuni andoma inoba hilingfisikhi lagaikhe.

MAZMUR 130:2

Tuhan neisena, an nane hesanggo hol nabimbik he an nen kino yagaheti mene andi futnobagain o.

MAZMUR 61:5

Hat hogolabi a'ma an nebe sebelnarek were'ma re, an nailo legengge nabolok lek logogin nen he, an nebe neluk logolik oba Hat hawi sabu sale'ma andoma kuluk logogin iluk anggikhi lagi o.

MAZMUR 86:6

Tuhan neisena, an nen samban ikhi lagi mene yi fut nobagain o, lebetnabinogen iluk Henu hombuk palhi lagi mene yi hesanggo holin o.

AMSAL 1:29

Hit he, wene hinelu logou mondok hinabit logolik, Tuhan hinailorogo ane hologo logou hinabit mondok welagep andi.

AMSAL 21:1

I lagarek mene Tuhan endawimo anggikherek higithogo laga logouwageluk halogo fikherek hak, at raja endawimo wenggelherek mene hilingisuageluk ogo Tuhan nenat halogo fikherek.

YEREMIA 42:12

An nen hit hinoba nendawit hinafi lagimo re An nen he raja Babel mene andi nen hit hinelagaik hisaluk endawit hinabimbik, hinaiba lani o, iluk yagahisoageluk hilingisigin o. Iluk An Tuhan nen nane mondogat igi o ikhe,” iluk yagaisigi.

MALEAKHI 3:16

Andi nen it afuni Tuhan oba inailorogo logolik it ekhe nen ekhe inoba yagaisugu welagaikharek. At Tuhan nen he iren ugu mene andoma inane esanggo holherek. Afuni At oba inailorogo logolik agaugweratarek mene re buku At enggi nen palherek mene At elokhoma werek mene a'nogoba inenu palek werek.

IBRANI 13:18

Niren yi wene ti wene fanorogo nek hilingiti logouwogeluk anggikhi logolik ninendawimo nen he, ”Nit wene ninoba lek. Ninendawimo selek,” iluk anggikhi lago andi nen he, nit faget samban ikhi logoino o.