MIKHA 7:3 - Allah Wene Fano Wene Hupla Inane

³ It inebe mondogaren he weak hilingitu mene faget enek inobabut mondok hibil-hebelhogo hilingitu welagaikharek. It ap ineabu legoma welaikharek mene nen inom, nen it hakim wene tegetarek mene nen inom ogore, wene tegesuogeluk he onggo tak wo'nisani iluk kinotarek. Nen, it ap inogogwi kaindegen ogore, it inendawimo anggagarek mene nek hilingisuageluk miminginafarek. A'nogo nek hilingiti logolik it inebe mondogarenat hilingirik lagaikharek andi.

MIKHA 7:3 Iomraidhean Croise

AMSAL 16:30

It ap ineil hombut watik, inoba heanerogo endo mumungutik agarek mene andi inoba re hinafe hebelogo logoino. It andi re wene weak mene inendawimo kagalogo fisogo logolik hilingisugun enggere.

AMSAL 17:23

Unggum pilingiterek agun andi re uang inenggi a'makwe hinagaisogo helikhe halok he, unggum higithogo pilingiri'lago lek.

YESAYA 1:23

Hit hinogogwi kaindek fethinarek welagaikharek mene omanogo re wene oak sagalogo hilingiti logolik he, afuni yogot wanharek mene inom sebe'luk weak hilingiri'lagwi andi. A'nogo hilingiti logolik he yi mene ti mene weat wogisugunem heligik, inenggi a'makwe nen heligik hilingiri'lagwi. A'nogo hilingiti logolik he, yenggerugwi suarek mene afuni unggum pilingitarek oba omanogo nen unggum inoba fisugunem it inebikhit agi'lek, hemi sogwe mene inane agarek mene omanogo inane holhi'lek, hilingitarek andi.

YESAYA 26:21

Afuni kweangma mondogat weak hilingitu werek andiba Tuhan ebe pogoroba nen pi wesimbik unggum wogisagain o. Ap hinagaisogo inoari'lagwi mene andoma re mondogat weinam asigin. Ap warogo hinakfisagarek mene andoma re kweang en hinakfisagain mene ekhe werek mondok lego.

YESAYA 3:5

Iren he inenggi omameba ekhe sebelfisigik, nen ekhe weagetfisigik hilinginafi logogun. Ap souge mene nen he inaluendek mene sebelogo fisigik, nen ap sebelek mene nen he ap lego mene sebelogo fisigik hilinginafi logogun.

YESAYA 32:7

Nen, ap eranen wene ikherek mene andi re wenggelherek mene inom, hilingiterek mene inom he kwanirek mene nek hilingiterek. Aren he afuni inenggi lek mene omanogo eranen weneba lalogo it inangge mene omanogo helanogoluk lalinaferek.

YESAYA 5:23

Oba nen he hit hinenggi a'makwe saburogo helogoin iluk ap weak hilingitu mene omanogo fikhalogo fisigik, nen ap weak hilingitu lek mene omanogo re it inawene higithogo palinafi'lek hilingiti lagep.

YEREMIA 3:5

Ekhe haren ikhi logolik, ”Hat a'mage nit ninoba fugu mondok logogin nogo a, iluk ikhi lagen andi. Ariginik oba nen he Israel ao, haren hilingisigin iluk anggegendek mene omanogo obogisaluk he ha'mage lagaikherek mene a'nogo hilingiti lagenat andi,” iluk ikhe isikhe.

YEREMIA 4:22

Tuhan nen ikhi logolik, ”An nagainafuri andoma re mondogat kemburego, iren An fut nobagali'lagwi lek. It he omalik kembu mene hak hilingik logolik, wenggelhu mene endebat iluk ogo werek lek, inaniniba hilingisugun mene a'nogo faget enek he hibil-hebelhogo hilingiti logolik, fanorogo hilingisu mene omanogore mondogat nonghong sego,” iluk ikhe o, isikhe.

YEREMIA 8:10

A'nogo hilingiri'lagwi andiba re An nen it ineabu andoma re ap weagerinafarek mene inoba wogisigik, it inagagwi re ap amu mene inoba wogisigik, igin o. It inebe mondogat yenggerugwi inom inaluendek inom inonggwarek inenggi werek agu mene faget ineranhogo weneba lalhigik saburili'lagwi andi. Nen, it imam inom nabi inom oba nen ogore afuni ineranhogo wene yagaisili'lagwiat.

YEHEZKIEL 22:12

It fena ekhe re ap wasuageluk onggo palinafunem inoatu mene agik, muli inamep nunggu mene agik, nen afuni it inunggulenu mene inoba sebelogo fisikhi logolik welagik, hilingitu mene werek. It inebe mondogaren An inonggot agaikha. An Tuhan Lego Mondok welagirek mene a'nogo nane mondogat igi.

YEHEZKIEL 22:27

It inogogwi kaindek pemerintah ba yabu hilingiri'lagwi inap andoma re mene olomene serigala nen paik hangge senfuluk tilip talap isikherek andi higit werek. Iren he inangge hokhorogo helogoin iluk ap wasugun mene nek hilingiri'lagwi.

YEHEZKIEL 22:6

Nen it afuni Israel mene inogogwi kaindek ferinarek welagaikharek mene inebe mondogaren he it inonggwarek inomameba nek tibet fak hikhi logolik, ap hokhorogo inoati lagaukwa.

YEHEZKIEL 34:21

Hiren he domba ou mene omanogo tamakhogo lakfisigik, hinandimugen taung isigik, ikhi lagepma re it omanogo domba esa logalek oba andoma nen wulibi lili'lagwi.

YEHEZKIEL 9:9

A'nogo igimo nen Allah nen onggo yaganeti logolik, ”Afuni Israel mene inom, Yehuda mene inom he, weak mondok hokho mene hilingiti lagaikha. Iren o ekhema-ekhekma afuni inoati logolik o Yerusalem yi mondogat weaget faga. Iren ikhi logolik An Tuhan nen o kweang yi re mondogat herakfisigimo re, niren hilingiti lago mene omanogo re eilenggen nisili'lago lego, ili'lagwi.

HOSEA 4:18

It inebe anggur hokhorogo nili'lagwingge nen he lugulugwi paliluk it inendawimo inagaiyek anggagarek higithogo yugunat pailak mondok hilingiri'lagwinggere herakfisano. It he legeisogo fisugu mene andi re elo'lek hak nen afuni sebelfisagarek mene andi nek he fano anggaluk hilingiri'lagwi.

HOSEA 7:3

Tuhan ane ikhi logolik he, ”Afuni holhu mene nen ineranhogo wene lalhigik raja inom at agoromi at a'ma yabu hilingiri'lagwi mene inom inendawimo inagaiyeget fisogoin iluk hilingiti logolik inobabut hafeba hilingiri'lagwi andi.

AMOS 5:12

Hit hinobabut he, ninghogo weak inoba figik, afuni ekhe inobabut fano mene yi enggin ti enggin inoba figik, it afuni ekhe werekwe asuageluk onggo wokhisugunem heligik, afuni ekhe inangge inelagaik mene it ekhe nen o wene pilinget fuluk wene inoba figik, kotik, agarek oba andoma nen weak hilinginabuagaluk herakfisigik, weak mondok hokhorogo hilingiti lagep andi re hinobabut An mondogat nelu o.

MIKHA 2:8

A'nogo ugunem Tuhan nen ikhi logolik, ”Hirenat An nagainafuri inebe hinaselei mene hangge hilingfisaluk inoasugun iluk hilingiti lagep. An nagainafuri mene hit hinagaila'lak mene weim yabi laluk, inaiba waga logolik, inawilokwe fanorogo were'ma, logoin iluk wagunem en he, omanogo hiren telogoin iluk nenangorinafunem weri'lagwi.

MIKHA 3:11

Hit ap o kota ba hinebe kaindek logolik hinalonghogo welagep mene nen ogore, wene yaganisani iluk onggo palogo ugu halok enek he Tuhan nen awene melalek a'nogo yagaisigik, hilingiti lagep andi. Nen, hit ap nabi nen ogore, Allah nen yi'nogo hilingisugun iluk ikherek mene yagaisouwogeluk he uang wokhisugu halok enek he inawene palhik, nen hit ap imam en ogore, wene yaganisani iluk onggo palogo ugu halok enek he Tuhan nen awene melalek a'nogo yagaisigik, ikhi lagep andi. A'nogo hilingiti logolik, hit mondogaren he, ”Nit nineisena Tuhan ninom hundik welago, nen At ebe nit ninanggele'ma were'ma re, nit ninoba wene weak mene ekhe aga logogin lego,” iluk anggikhi lagep andi.

MIKHA 3:2

wene higithogo hilingisu mene hinabit logolik weak hilingisugun mene nek hinamolorogo hilingiti lagep andi. Hiren he afuni an nunggulenu mene omanogo ineluk werek kwelek inagap nonggolinapluk, inoak oba nen ineino sabelhigik fisikhi lagep.

MATIUS 26:15

”An nen Yesus andi wokhisigi halok he, hiren onggo nena mene wo'nesugun anggegep,” iluk yagaisasikhemo, it ap omanogo nen he, ”Onggo uang perak mene 30 nen wokhesugun o,” iluk yagatukwasik he, wogetukwa.

1 KORINTUS 4:5

Andi nen he, aren wene afuni inoba figik, kotik, igin andi sambul oan asi wagi'lek werek kwelek, hiren it ekhe wene inoba figik, kotik, ugun mondok lego. We, at ninoe Enupogot ebe wesimbigen he, afuni nen hubanggo hinagaisogo hilingiri'lagwi mene sele'mat figik, yi'nogo hilingisugun, iluk anggaluk inendawimo sebelek werek mene andi fakhogo figik, i wesigin andi nenangorogo logogun o. A'nogo fakhogo fugunem, Allah nen he, fano hilingita mene inebe lombok fogerinabu meneat fogerinabigin o.