MIKHA 7:2 - Allah Wene Fano Wene Hupla Inane

² Afuni inobabut higithogo nek hilingitarek mene re o kweangma yoma nen lek agaikha. Nen, ap Allahba tiphogo hilingitarek mene re ekhe were'ma isikhi lagi lek. Afuni inebe lombogen he it ekhe mene inoasugun iluk nenangorinafu mondok werek. A'nogo hilingiti logolik it inebe seberogo re inagaila'lak ekhe ke'nok uageluk yebet fisili'lagwi.

MIKHA 7:2 Iomraidhean Croise

MAZMUR 12:1

Afuni nen wuni wulak fuluk inebe seberogo agarek mene yanggulinafu mene faget, wuni asiok siregen felalek mene, at Daud awuni a'nogo.

MAZMUR 12:2

Ap hat hoba tiphogo hilingitarek mene mondogat lek agaikhama re, ap fano hilingitarek mene ekhe werek lek enggere, Tuhan nineisena Haren lebetninabin o.

MAZMUR 57:6

Neisena Allah Hat handungdang mondok welagen mene andi re pogoroba mondogat weinamet figik, Nen Hat hanggiluk welagen mene andi re o kweangma yi awi ti awi mondogat weinamet figik in o.

AMSAL 1:11

It andi nen ambi, yi'nogo yagahisogoinat: ”Nit ap ekhe murok lambik he ebe libi'labakhogo wasi louwogen we'ni. Nen niren we men-menengge lambik he, it ap weak hilingiri'lagwi lek mene inoasi louwogen we'ni.

AMSAL 12:6

Ap weak hilingitarek mene inane ugunem he mondok sebelogo nek fagarek, nen, ap higithogo hilingiri'lagwi mene inane ugunem he inagap telagarek.

YESAYA 3:5

Iren he inenggi omameba ekhe sebelfisigik, nen ekhe weagetfisigik hilinginafi logogun. Ap souge mene nen he inaluendek mene sebelogo fisigik, nen ap sebelek mene nen he ap lego mene sebelogo fisigik hilinginafi logogun.

YESAYA 57:1

Ap fanorogo hilingitarek mene inom higithogo hilingitarek mene wa'lagunem he, ap ekhe nen futfisigik halfisigik agarek lek. It mondogat wa'la'luk he enggin-fenggin meneba nen ogal fakhaluk inoba fanorogo set walikhi logolik werek.

YESAYA 59:7

Hiren hundik-hundik kwanirogo hilingitarek mene nek wenggelhi logolik he hilingisugun iluk weak-weak hilingiti lagep. Hinendawinggen misik a'luk hiren ap weak hilingitu lek mene inoati lagep. Hiren laga lagep kwe omanogo re weaget figik, meisalogo figik, hilingisugun mene a'nogo nek eilem-eilem hilingiti lagep.

YESAYA 9:19

O kweang andiba mondogat andoma re afuni nen yi mene ti mene helaluk, nenggarek mene omanogo re iren nili'lagwiba nen he inoba homot fisili'lago lek. Ariginhi logolik he it inonggwarek inagaila'lak mene oba nen ogore nili'lagwiat.

YEREMIA 16:16

Tuhan nen ikhi logolik, ”An nen he afuni hokhorogo ikan wanharek inaben afuni yoma hele warinabi wesuageluk inayonggo fisagain o. Andi nen he An nen ap sue, paik, watarek mene nen he it oma tomkwe inom, punukwe inom helep oumokwe inom andoma nen inoasi wesuageluk wolinabigin.

YEREMIA 5:16

nen ap iren mene sikhe anini inap andoma re inambong mondok si-serogo inelouk pinelouk inap logolik, iren he inendawi isigi'legengge inoatarek inap.

YEREMIA 5:26

Yago nagainafuri, hinanggelekwe re ap inobaharo weak mene werek. Aben sue yebetfuluk, kwigin a, lega iluk nenangot hikhi logolik welagaikharek hak, iren ogo hit faget a'nogo hele yebet hinobagaluk nenangot hinafi logolik werego.

YEREMIA 8:6

An nen hinane fanorogo holhi lagiba nen he, hiren weinamhogo ikhi lagep lek. Hit mene ap misigen iluk ogore hinaniniba hilingiti lagep mene andoma faget ninambigen iluk mel hinendawinggen warikhi lagep legat. Athe An nen hilingiti lagi mene yi re ningginik mene hilingiti lagi nogo, iluk aga mene ekhe werek legat. Hit he wam kuda nen weim yafuba kwikhi logolik monhaluk kwikherek hak, hiren ogo ebekwe hinamu nen yakhikhi lagep andi.

RATAPAN 4:18

Nit he wulibugun iluk lagunem it ninaselei mene nen ineil wo'ninafu nen he niren wilipluk ebekhe kwe laga lago lek. Linggene nit nineluk logou mene re wurep oba arat asi waga, nit ninebe wa'lasugun oba tip iwaga.

YEHEZKIEL 22:12

It fena ekhe re ap wasuageluk onggo palinafunem inoatu mene agik, muli inamep nunggu mene agik, nen afuni it inunggulenu mene inoba sebelogo fisikhi logolik welagik, hilingitu mene werek. It inebe mondogaren An inonggot agaikha. An Tuhan Lego Mondok welagirek mene a'nogo nane mondogat igi.

YEHEZKIEL 24:6

Tuhan Lego Mondok welagarek mene a'nogo nen ikhi logolik, ”Kota ap inoa'ni nek hoporek awiba andi re alomat lakhoak! Kota andi re waruk ibetu mene sobalharek lek mene hangge hilingik. Einongge elonggoma werek mene andoma re kurik misiktek higik amu-amu lisogo wulakfei wagunem, palek misik iluk ogo ekhe elonggoma logogin lek.

HOSEA 5:1

Tuhan nen ikhi logolik, ”Hit ap an eisewerek welagep mene yi inom, hit afuni Israel mene mondogat inom, hit afuni ap inenupogoren tagomangge mene yi inom, hinesanggo fanorogo holini o, hiren he it ekhe wene inoba figik, kotik, higithogo u werek kwelegat he, o Mizpa nen paik ke'noguageluk hele figik, o tom Tabor oba nen ikan kwalasuageluk su webet figik, o Sitim kweang uanhogo habuli'mo puageluk fougetik, egepma werek andi hak, it ekhe weak asuageluk hilingiti lagep andi nen he, An nen wene hit mondogat hinoba fagain o.

HOSEA 6:9

It ap imam-imam o kota andiba werek mene re afuni ebekhalem lagunem kagalfisaluk inangge telugu mene esa logalhigik werek andi higit werek. O Sikhem ebekhalem obalik hore'ma lagaikharek oba andoma nen ogore iren kwe palfuluk ap inoari'lagwiat. Iren inoari'lagwi mene andoma mondogat he yi'nogo hilingisugun iluk wenggelogo fuluk inelu logoligat hilingiri'lagwi.

MIKHA 2:8

A'nogo ugunem Tuhan nen ikhi logolik, ”Hirenat An nagainafuri inebe hinaselei mene hangge hilingfisaluk inoasugun iluk hilingiti lagep. An nagainafuri mene hit hinagaila'lak mene weim yabi laluk, inaiba waga logolik, inawilokwe fanorogo were'ma, logoin iluk wagunem en he, omanogo hiren telogoin iluk nenangorinafunem weri'lagwi.

MIKHA 3:10

Hiren he, o kota Yerusalem Allah onggwarek aiba a'nogo wuti logolik he, afuni inoatik, wene higithogo hilingitu aweneba hilingiti'legengge logolik wuti lagep.

MIKHA 3:2

wene higithogo hilingisu mene hinabit logolik weak hilingisugun mene nek hinamolorogo hilingiti lagep andi. Hiren he afuni an nunggulenu mene omanogo ineluk werek kwelek inagap nonggolinapluk, inoak oba nen ineino sabelhigik fisikhi lagep.

ZAKHARIA 11:6

An nen he afuni o kweang yiba werek mene oma re ap misik iluk ogo nendawi hundik hilinginabigin lego. An nen afuni kweang yiba werek mene andoma mondogat he it inogogwi inenu werek mene oma inenggiba fagain. A'nogo inenggiba foumo re iren o kweang ari mondogat weagerogo fugunem he, it enggimo nen An nen nekhengge telogo wanigin mondok lego,” iluk ikhe.

KISAH PARA RASUL 24:9

A'nogo yagatikhemo, it ap Yahudi mene fena omanogo nen ogo re, wene at oba fikhi logolik he, ”At Tertulus nen ikhe andi, eberogoat ikhe o,” iluk yagatukwa.

1 SAMUEL 24:11

Yogondak he oumo andi nen hat honggwaregen enegat hegen andi. Tuhan nen he noe hat hebe an hamingmingengge nenggiba arat wo'nete o. Nen an hamingmingengge nagoromi ekhe nen he, Wasin, iluk nendawimo kagalha mene re, Wasugun lego, iluk mel yagaisigi: An nen he noe raja Tuhan nenat wenagaisogo menfikhemo re, an nen at ebe wasigin mondok lego, iluk yagaisigi andi.

1 SAMUEL 26:20

An hamingmingengge kweang amu mene nonggot meneba Tuhan elokhoma nen wa'lasuageluk nobagau fuk. Afuni Israel mene inoe raja kain mene nenat an hamingmingengge nebe misik no pisang hangge yi faget wasigin iluk waga lagen andi re nenahalok nogo? An hamingmingengge yi aben sue pelaik enggama murok lagaikharek hakhogo mu'narek nikhi lagen andi re, we alomarogo hilingiti lagen o,” iluk isikhe.