MIKHA 5:3 - Allah Wene Fano Wene Hupla Inane

³ Ap enupogot omame hokho mene andi hobuk arat waga halok he Aren nineisena Tuhan Allah a'nogo omameba At againafuri ferinarek logogin. A'nogo ferinarek were'ma afuni yi awi ti awi welagaikharek mene re At omame mondok hokho mene werek iluk fok tiarogo liafunem he, Aren againafuri mondok fano liokhogo were'ma ferinarek logogin.

MIKHA 5:3 Iomraidhean Croise

1RAJA-RAJA 14:16

At Yerobeam weak hilingiteba afuni Israel mene inom weak hilingita iluk hilingfisikhemo re, Tuhan en afuni Israel mene herakfisagain o, ikhe,” iluk yagatikhe.

2 TAWARIKH 30:7

Hit he it hinamulik Israel mene fena nen it hineisena Tuhan Allah a'nogo ba tiphogo hilingiti'legengge hilingitu nen Tuhan nen wene enggin hokho mene inoba fesikhe mene a'nogo re hiren hineilenggen tomok hasigibat.

MAZMUR 67:3

Allah nit nineisena, hendawimo hamolo anggegendek mene andi yi afuni ti afuni o kweangma welagaikharek mene inelu mondok aga logouwak, nen telninafendek wene andi re afuni inunggulenu lombok yagaisilik laga logouwak.

YESAYA 11:11

Linggene andi sambul he Tuhan en at omameba againafuri alinlan logogun mene o Asyur inom Mesir inom, o Patros kweang oba inom, Sudan inom, Elam inom, Babel inom, Hamat inom, i alonggen kwe yathogo werek mene omanogo mondogat woginarek inambotkwe sugulogo wesugun.

YESAYA 49:6

At Tuhan nen yaganeti logolik, ”Namingmingengge yi sa, hat he yabu hokho mene ekhe haren hilingisigin mene nenangot habi'lago o, haren he Yakub ombawi mene fena andem enek inambotkwe woginarek inaiba fisa wesigin he fuk, athe Israel mene inunggulenu lombok lego welagaikhe mene a'nogo obali'mo halfisagain mene andi nek he fugat, oba nen he afuni o kweangma mondogat inagap telinabuageluk, An nen hat hoba inunggulenu ekhe mene-ekhe mene omanogo selegerinafu mene hobagagin o,” iluk yaganete.

YEREMIA 23:5

Tuhan nen ikhi logolik, ”Inenggi ekhe asi wesigin meneba re An nen ap raja misik ekhe mondok katokhogo hilingiterek mene hun Daud ambisangmangge mene menfagain o. Menfoumo re raja andi nen endawinggen kagalek logolik melalinafik, o kweang mondogat andomaba katokhogo mene nek hilingitik, eberogo mene nek hilingitik ikhi logogin.

YEREMIA 31:1

Tuhan ane ikhi logolik, ”Inenggi ekhe wesigin meneba re An he afuni Israel mene inunggulenu mondogat faget ineisena asigin, nen it he An nagainafuri asugun.

YEHEZKIEL 34:16

Longgo aga mene re An nen heraginafik, nonghong agasik werek mene re An nen heragaisogo woginarek wagik, inoumo werek mene re An nen fanorinafik, inoba ou mene re An nen higirinafik igin, oba nen he asei hokho mene inom, omame werek mene inom he An nebe gembala fano mene logolik halinafu mene welagimo re ariginik mene andoma re leget fisagain o.

HOSEA 11:8

A'nogo isikhesik, Tuhan nen mel yagaisasikhe: ”Hit afuni Israel mene yi. An nen hit hinebe mondok-mondok herak hinobagaluk lagik igin nogo? Mondok elo'lego. An nen afuni Adma mene inebe mondok legetfisasigi andi hak, legethinafik, afuni Zeboim mene hilinginafigi andi hak hilinghinafik, igin nogo? Mondok lego. An nen hit hinebe nendawi hundik mondok hokho meneba hilinghinarek welagi andi nen he a'nogo hilinghinabigin lego!

HOSEA 2:14

Tuhan nen afuni Israel mene faget a'nogo ikhesik he, ekhe mel ikhe: ”Andi nen he, An nen at he andi o leimo andoma waluk lambik he, nane amusuba endawinggen paligin o.

HOSEA 2:9

A'nogo hilingiri'lago andi nen he, gandum enggen inom, anggur enggen inom, palhu sambul he, An nen wogotunem palikherek mene andi, nambotkwe oak heligik, kain esi wol mene inom, esi puselekweak linen mene inom, alfulukwa kogouk weregen labesuageluk wogotirek mene andi, nambotkwe oak heligik, igin o.

AMOS 5:15

Inobabut weak hilingitarek mene andi hinabit logolik, fano hilingitarek mene andiat hinendawirogo logoino. A'nogo hilingiti logolik, wene higithogo hilingitarek mene andiat omamerati logoino. A'nogo hilingisugun andiba re, Tuhan nen, afuni Israel mene fena ineluk logogun mene omanogo endawi hundik hilinginafi logogin logou hak.

MIKHA 4:4

Afuni inebe lombok he, it inangge anggur yabumo inom, inagayo ara erokwe inom fano liole'ma logogun. A'nogo logolik he afuni ekhe nen inailot fisogoin iluk hilingiti logogun lek, iluk At Tuhan Omame Mondok Hokho mene a'nogo nen wene wate andi.

MIKHA 4:7

It afuni andoma re, ineisok endenek mene hakhogo hilingfisaluk it inawi eroma nen he, yatma woginarek fisa lagagi mene andomaba nen, it fena ineluk werek mene andoma re An nen inunggulenu ket mene salogo fisamo, inunggulenu hokho mene hilinglagik, inomame hokho agik, ugun o. A'nogo hilingfisambik An nebe Tuhan At logolik Tom Sion oba andoma melalinafu mondok logogin,” iluk ikhe.

MIKHA 5:7

Afuni Israel mene fena ineluk werek mene andoma, afuni inunggulenu lombok inanggelekwe andoma werek mene re enggama mene singa nen paik watik, nen oloba nen he wam domba senggelhik ikherek hak hilingiti logogun. Mene singa nen he wam domba omanogo eisogen tandamerisaluk he, aigen libik-labakhogo ninggik, ugunem afuni nen ambemangge telu elo'lek andi hak hilingik logogin.

MIKHA 5:8

Hobuk it Israel mene nen he it inaselei mene mabenet fisaluk inebe mondogat legetfisogoin.

MIKHA 6:14

Hit he, hinamburu ninggi logogun oba nen, hinoba homot hinobagagi'lek nelerogo nek logogun. Nen, hiren hinangge yi mene ti mene helaluk waga logogun oba nen he, obalik foukse'ma fikhi logogun lek. Hiren hinangge yi mene ti mene foukse'ma fikhi logogun oba nen he, An nen weim oba nen mondok wolelenggen tagalogo fikhi logogin.

MIKHA 7:13

Oba nen he, afuni nen weak kwanirek mene nek hilingiti logogun andiba re, kweang he amusu le'ma ungguloak enek hilingi'mo asigin.

ZAKHARIA 10:6

Tuhan nen ane ekhe inom ikhi logolik, ”It afuni o Yehuda mene re An nen inomamet fisagain o, Afuni Israel mene re An nen inagap telinabigin. An nen it inoba nendawirinafi lagimo re, woginarek nekhengge it inawi eroma fisa wesigin. An nen it ekhe inunggulenu mene inoba herakfisigi'lek wene warisasigi hakhogo, it inoba ogo mondok fanorogo hilinginabigin o. It ineisena Tuhan Allah re we An namu nek welagi hilingi'mo re, iren samban ugu mene An nen inane nesanggo holhi logogin.

MATIUS 1:21

Omalik andi ebe abat tasigin o. Tasumo re, aren oe agot weak hilingiri'lagwi mene korogo wokhambik telinabigin o, iluk enu Yesus salin o,” iluk yagatikhe.

MATIUS 12:50

Sa nen an Neisena pogoroba mene endawimo anggikherek mene higithogo hilingiterek halok, at andi an nagot, nerei, nagaisa werego,” iluk yagatikhe.

MATIUS 25:40

an ap kain nenupogot andi nen he, it afuni omanogo mel yagaisagain: Hiren an nagoromi inenu lek mene ekhe were'ma a'nogo hilinginafi lagagip andi, anat hilingnafi lagagibo, iluk, eberogoat yagahisigi, iluk yagaisagain.

ROMA 8:29

Attagat, at Allah nen nit ninebe elu logolik, at amlogo higit asuageluk wenagaisogo ninobagasikhe. At Yesus ebe manggusa mene, agoromi hokhorogoat at inom logouwageluk wena'ninafikhe andi.