MIKHA 5:2 - Allah Wene Fano Wene Hupla Inane

² Tuhan nen hobuk a'nogo hilinginabigin iluk, yogondak we elama ya it ninaselei mene nen fetninarek logolik yaganisikhi logouwageluk ninobagaikhemo logogun andi. A'nogo fetninarek logolik werek kwelek at raja andi agaisa nen tasigin iluk Allah nen anggasikhe higithogo ta'lagu halok, afuni at unggulenu mene hele warogo woginarek lagaukwa mene andoma re hobuk it inunggulenu Israel mene inom sebesi wesugun.

MIKHA 5:2 Iomraidhean Croise

KEJADIAN 35:16

A'nogo hilingitukwasik at Yakub inom, agoromi inom o Betel omanogo herakfisaluk wagaukwa. Wagaukwasik it o Efrata nen oan yatmaat hilingi'mo wagaukwasik hilingitunemen he, at he Rahel a'nogo omalik arat tasu horok agaikheba nen he, tasu elo'lek agaikhe.

KEJADIAN 35:19

He Rahel a'nogo wa'lagaikhemo kwe o Efrata lagaikharek oba yogondak he, enu Betlehem agarek oba kwe esanggoma andoma salfesukwa.

KEJADIAN 48:7

An nen a'nogo hilingisigin andi re, hat hagaisa Rahel fageraro. An o Mesopotamia nen nambotkwe wagunem, hagaisa o Kanaan kota enu Efrata andoma horogat wa'lagaikhemo, an nendawimo mondok weak agaikhe. Nendawimo a'nogo weak agaikhesik, hagaisa ebe warek o Efrata lagaikharekoba era'lu andoma kweangma salhigi o,” iluk yagatikhe. (O attak enu Efrata ikhi lagaukwa mene yogondagen he, enu Betlehem agarek andi.)

KEJADIAN 49:10

At kain enupogot iluk inendawi wenggelogo sige tomuk inenggimo fisogo welagaikharek mene hat eiseat logogin. Were'ma haren tagongge mene nen afuni ekhe inawe a'ma fisaluk, ferinarek mondok logogun o. A'nogo ferinarek were'ma, afuni inunggulenu lombogen inauang hat faget wokhesuogeluk waga logolik, Ineindep awi yagaisogo hawe a'ma mondok kwi waga logogun.

1 TAWARIKH 2:54

Hun Salma o kota Betlehem wutikhe agun andi re it afuni Netofa inap Atarot-Bet-Yoab inap Zori inap, andi re it inenu Manathi welagaukwa mene andi nen misik ekhe mene, andoma inomba welagaikhe.

MAZMUR 132:6

Nit ninebe Betlehem logolik, Peti Wene Warogo wo'ninafigin iluk hilingik mene andi abok ugunem ninesanggo holhugu. Hobuk o Yaar leimo andoma were'ma niren wanhugu andi.

MAZMUR 90:2

Haren o tom-tom inom kweang inom, yi mene ti mene kweangma welagarek mene inom, oan elalhi'lek logolik andoma re, Hat hebe hero weinam agu aple inom, herembulmo wa'lagu aple inom he legengge welagagin.

KELUARAN 18:21

Oba nen he, andi hilingiti logolik he haren ap inebe hebelek mene enogo fisambik iren ap inebe 1.000 nen mene faget inom, 100 nen mene faget inom, 50 nen mene faget inom, 10 nen mene faget inom, inobaget menla'luk lenggalinafi logouwakhogo yagaisano. It inebe re Allahba inailorogo logolik, ane hologo nek hilingitu mene, nen afuni nen at andi elok hilingisu hak iluk anggagarek mene, nen uang inendawimo fanorogo iluk wogisugun helagarek lek mene halok menfisano.

KELUARAN 18:25

it afuni Israel mene inanggelekwe omanogo nen ap inobabut hebelek mene nek heragaisogo fisilik lagaikhe. A'nogo hilingitikhesik he afuni inebe 1.000 mene faget inom, 100 mene faget inom, 50 mene faget inom, 10 mene faget inom, lenggalinafi logouwageluk yagaisilik lagaikhe.

YESAYA 11:1

Raja Daud ambisangmangge mene re e mukfugu mene hak. Oba nen he, e ebe mukfugunem andimiba nen asimit suphogo lagaikherek andi higit hobuk Daud ambisangmangge mene nen raja ekhe weinam asigin o.

YESAYA 53:2

Tuhan endawimo anggikhi logolik At amingmingengge andi re e kweang amusu le'ma nen fulelogo lagaikherek hak lagauwak anggikherek. Niren at he fano pugun se'ma hogoin oba ekhe werek lek, nen nit ninamolo a'luk ninendawinggen wanu mene ogo ekhe werek legat.

YESAYA 55:4

Ebe eberogo mene re, at andi An nen melalinafu mene inom sikhe fisogo inap inoe panglima inom logouwageluk hilingfigi, An nomame welagi mene a'nogo it inunggulenu amu mene werekwe andoma fakhogo yagaisikhi logouwageluk hilingiti.

YESAYA 7:14

Haren a'nogo egen oba nen he yogondak Tuhan amu nen hiren futfouwageluk enegengge ekhe hilingisigin werego. Hele silerik mene ekhe omalik a'ma lasimbik omalik abengge takhagain o. Takhamo re enu Imanuel salugun.

YEREMIA 30:21

Raja hit fethinarek logogin mene re hit hinunggulenu mene logogin. An nen at ebe nambit wesuageluk woletunem he selekhogo An noba horokhogo waga logogin. Ap sa nen ekhe amu endawinggen wenggel fuluk ambong serogo An nelokhoma asi wesu hak anggegep? Hit he An nagainafuri mene asugun. Nen An he hit hineisena Allah asigin, iluk An Tuhan nen nane mondogat igi o,” ikhe.

HOSEA 6:3

Andi nen he, niren At ebe tukhumhogo ninelu asuogen he, eberogoat ninomamerogo hilingiti logouwogo. O hil lakfei wagarek andi hak, At ebe ninoba wagik, meiso pi waga la'luk, kweang sakhot fikherek andi hak, ninebe fanotninafik, i wesigin o,” iluk li'lagwi.

AMOS 9:11

Nineisena Tuhan nen a'nogo isikhesik ekhe mel ikhe: ”Nenggi ekhe horok asi wesigin meneba re, An nen Daud lego welagaikheba obali'mo kerajaan a'nogo legeisogo fagain. Yogondak kerajaan andi re o meisalogo pikherek hakhogo hilinglagama werek. Oba nen he, o hobat andoma An nen obalikwe pugunesimbik nekhengge wusumo re, o andi obabut he attak welagaikhe hagat hilingik logogin.

MIKHA 4:10

Hit hinebe hinawi kota herakfisaluk o leimo laluk logogun enggere, hemi inomalik taginafi logolik heinet watharek hak hirogo heinet wati logoni o. Hit he hinebe o Babel logoin oba nen o andoma nen he hineisena Tuhan nen it hinaselei mene inenggimo nen fikhalogo wulak hinobagagin o.

ZAKHARIA 13:7

Tuhan Omame Mondok Hokho mene a'nogo nen ikhi logolik, ”Hat karok yi menlasimbik he, gembala An nobaget yabu hilingiri'lago mene ari wasin o! Wat foumo re domba omanogo mondogat tel-fol uak. Oba nen he An pi wesimbik wam domba eagwi andoma koninafu logolik, ferinarek logogin.

ZAKHARIA 9:9

Hit afuni Sion mene yi sani, hinagaiyege'ni o! Hit afuni Yerusalem mene re hinanggiluge'ni! Hit hinoe raja re mondok along- palonghogo weri'lago a'li yethani! At ebe re raja mondok higithogo nek hilingiti logolik inagap telinaferek mene. Oba nen he, at endawinggen sebel fakhikhesik keledai eak oan mene amboroba hurek weri'lago a'li.

MATIUS 2:1

At Yesus a'nogo, o Propinsi Yudea o Betlehem ta'lagaikhe. Ta'lagaikhe andem sambul he, o andoma kain enupogot he, ap enu Herodes andi welagaikhe. Were'ma re, it ap inendawimo kagalek mene hesagal futfikhi lagaukwa mene ekhe o mo eroma nen yegelogo lagai wagarek andoma higiren o Yerusalem wagaukwa.

MATIUS 2:6

’Hit afuni o Yudea tonggwe o sili hokho mene enu Betlehem welagep mene yi sani! O sili fenakwe yoma enu werek, hilingik kwelegat he, o Betlehem yi nek he, enu lek, esanggoma hak, iluk ugun lego. An nagainafuri Israel mene ap kain mene awe a'ma logogun andi, o sili hit were'ma yoma hinanggele'ma nenat ta'lasigin o,’ iluk lisu palogo fesikhemo werego,” isukwa.

MATIUS 28:18

A'nogo anggugu kwelek, at Yesus ebe inera'lu wagaikhesik he, mel yagaisasikhe: ”Allah nen he, pogoroba mene inom, kweangma mene inom mondogat he, an eisewerek nobagaikhemo o.

LUKAS 23:2

Wagaukwasik wene oba fikhi logolik he, mel yagatukwa: ”Ap yi nen afuni nit mene lalinafik, uang pemerintah mene faget ap kain Kaisar a'nogo wogosugun lego, igik, hinoe Nenupogot Kristus a'nogo an aro, igik, iluk nit nineilhanem ikhi laga andi nen waluk wago o,” iluk yagatukwa.

LUKAS 23:38

Nen, iren he: ”Afuni Yahudi mene inoe enupogot he, ebe yi aro,” iluk lisu palogo e Yesus menfesukwa mene a'nogoba fesukwa.

YOHANES 7:42

At Mesias Allah nen lakfei wesigin isikhe mene andi re, ap Daud en tagongge mene, at Daud onggwarek awi eroma welagaikheba o Betlehem andoma ta'lasigin, iluk Allah aneba lisu palogo fesukwama a'nogo lek nogo?”

ULANGAN 1:15

Andi oba nen hiren hinogogwi yagahisikhi logouwageluk ap inebe miren mene hakhogo inobabut hebelek mene inom, inendawinggen wenggelogo hilingisu hak mene inom, aremnogo re, it inebe 1.000 nen mene inom, it ekhe 100 nen mene inom, it ekhe 50 nen mene inom, ekhe 10 nen mene inomat inunggulenu lombok faget inogogwi logolik ferinarek logouwageluk menfisasigi. Nen, an nen ogo re, it fena inogogwi kaindek ferinarek logogun mene hinunggulenu mondogat faget menfisasigiat.

KOLOSE 1:17

At Allah nen yi mene ti mene oan elalhi'lek werek kwelek at Kristus ebe welagaikhesik he, yogondak yi mene ti mene obali'mo lombok werek andi. Arenat fisogo were'ma fano werego.

IBRANI 13:8

At Yesus Kristus ebe re, o attagen, yogondagen, etok mondok welagarek andi hak, hobuk a'nogoat etok mondok logogin o.

1 YOHANES 1:1

Wene lisu palogo hinoba lakfei wago andi ebe re, ebe wene ninelugetninaferek mene o attak eroba nen welaikhe a'nogo mene. Wene andi ebere nit arat ninesanggo holhik, nineilenggen tomok higik, yerogo welagik, ninenggi fakhigik, isugu mene a'nogo aro.

WAHYU 19:16

Nen, at enu salek ekhe yi'nogo: ”Ap kaindek inenupogot mondogat inom, inogogwi kaindek mondogat inom, inoe kain Nenupogot he, an aro,” iluk asu uan mene a'nogoba inom, agoba inom, lisu palek were'ma higi o.

WAHYU 2:8

A'nogo yaganetesik, hobuk yaganeti logolik, ”An he, eroba nen pikhit erembul oba mondok logogin mene a'nogo arat wa'lagagisigen hobuk neluk agagisik welagirek mene a'nogo nen, wene yi yagahesik: At Allah nen malaikat ayonggo fesikhesik lakfei wesu hak, at againafuri o Smirna andogotarek mene inayonggo fesikhemo werek a'nogo, wene an nen it yagaisagain mene yi, haren lisu palogo inoba lakfeinogen yagahesik:

WAHYU 21:6

A'nogo yaganetesik hobuk ekhe mel yaganete: ”Ero inom erembul inom anatma, An nebe re eroba nen pikhit, erembul oba netok mondok logogin mene nen, i nele agunem i inelugerinaferek mene i elesimo nen hinagaisogo we onggo legat wogisikhi logogin o.

HAKIM–HAKIM 17:7

A'nogo hilingitunem he andem huli ap alage mene unggulenu Lewi mene ekhe welagaikhe. Attak he at ebe o Betlehem wilayah Yehuda meneba andoma welagaikhe.

RUT 1:1

O attagat he, afuni Israel mene inoe raja ekhe menlagi'lek werek kwelek, inogogwi kaindek en ferinarek welagaukwa. A'nogo ferinarek were'ma, afuni Israel mene inaiba Kanaan yi awi ti awi andoma mondogat sumburu ouwak hokho mene lagasikhe. Andem sambul he, ap ekhe unggulenu Efrata mene enu Elimelekh o wilayah Yehuda ba kota Betlehem andoma welagaikhe. A'nogo were'ma, sumburu ouwak agaikhe andi nen, at ebe inom, agwe Naomi inom, amlogomi inebe pire, Mahlon, Kilyon inom, Moab mene inaiba lagaukwa. Lagaukwasik a'lima were'ma,

RUT 4:11

A'nogo yagaisasikhemo, inogogwi kaindek omanogo inom, it ekhe leget pa'leget kwe ambe pale'ma andoma welagaukwa mene inom, inomen he, mel yagatukwa: ”Elok. Nit nineilhanem egendi'mo re, ninendawimo eberek logogun o. Nineisena Tuhan nen, he Rakhel inom, Lea inom fanorinafikhemo ineagwi Yakub againafuri hokhorogo taginafukwa andi hak, Aren hat hagwe andi fanotfoumo, eagwi hokhorogo taginabuagaro. Hat hebe afuni Efrata mene inanggele'ma henggi werek enek logolik, o Betlehem yoma nen inelu mondok logouwak.

1 SAMUEL 10:19

An nen hit yi enggin ti enggin a'nogo hikhi logolik mondok weak were'ma telhinafi lagi meneat he, An nen hit hinoe raja yi logouwak, iluk wenagaisogo wokhisoageluk, An hineisena Allah nebe hinabiren heraknobagagep andi. Halok he, hit hinunggulenu lombok logalhigik, hineisok erokwe lombok logalhigik, An hineisena Tuhan neilhanem andogosi we'ni o, iluk yagahisikhe,” iluk yagaisasikhe.

1 SAMUEL 17:12

At Daud andi ap Efrata mene, Isai amlogo. Aiba re, o it afuni Yehuda mene inaiba andoma, o sili enu Betlehem mene. At Isai andi againafuri ap inebe 8 nen taginafikhe. A'nogo taginafikhemo re, at Saul en afuni Israel mene ferinarek welagaikhe andem sambul he, at Isai ebe mondok yaman agaikhesik welagaikhe.

1 SAMUEL 17:18

Laga logolik, ap tentara esa logalharek mene inoe komandan faget, nunggu mene enu keju 10 nenat yi inom waluk lan o. Lambik he, hogogwi inoba, Hinebe ninggi'nogo welagep? iluk heinok wogisano o. Wogisambik, an nen he, Ogogwi inoba eberogoat lagasik inebe fano were'ma eilenggen arat isaluk wagama higi, iluk anggayogen he, nendawi wenggelogo ekhe waluk we'no o.

1 SAMUEL 23:23

Lambik he at ebe hinago welaga kwe helep elekwe andoma fanorogo hera'luk he, nekhengge an noba yi'nogo hilingik iluk yaganesi we'no. A'nogo yaganesi wagep halok enek he an nebe hit ninom seberogo logoin o, lambik he o Yehuda ba andoma ilak-pulakhogo hilingfikhi logolik mene ogore, at ebe o kweang andiba werek halok he ibi-eberogo nenat an nen herasigin o!” iluk yagaisasikhe.

1 SAMUEL 8:12

It ekhe tentara inebe 1.000 mene inogogwi logouwagaluk menfisigik, it ekhe tentara 50 mene inogogwi logouwagaluk menfisigik, ikhi logogun. A'nogo hilingiti logolik, hinagainafuri ekhe at eabu wokfisikhi logouwagaluk yagaisigik, it ekhe awi yago mene ebe tatik, palhik, ikhi logouwagaluk yagaisigik, it ekhe sige sikhe wutik, kabelhik, ikhi logouwagaluk yagaisigik, it ekhe yi mene ti mene kereta weim yafarek mene faget hilingiti logouwagaluk yagaisigik, ane ning-nanghogo yagaisikhi logogin aro.