MIKHA 5:1 - Allah Wene Fano Wene Hupla Inane

¹ Tuhan nen ikhi logolik, ”Hit afuni Betlehem Efrata mene yi, o Yehuda ba yoma yi awi ti awi o kota sili werek mene yoma nen he, hit hinawi kota Betlehem yi nek he kota we endep mene werek oba nen, An nen it hinombawi inunggulenu attak welagaukwa andi mene, afuni Israel mene ferinaferek logolik yagaisikhi logouwageluk menfagain o,” iluk isikhe.

MIKHA 5:1 Iomraidhean Croise

KEJADIAN 35:19

He Rahel a'nogo wa'lagaikhemo kwe o Efrata lagaikharek oba yogondak he, enu Betlehem agarek oba kwe esanggoma andoma salfesukwa.

KEJADIAN 49:10

At kain enupogot iluk inendawi wenggelogo sige tomuk inenggimo fisogo welagaikharek mene hat eiseat logogin. Were'ma haren tagongge mene nen afuni ekhe inawe a'ma fisaluk, ferinarek mondok logogun o. A'nogo ferinarek were'ma, afuni inunggulenu lombogen inauang hat faget wokhesuogeluk waga logolik, Ineindep awi yagaisogo hawe a'ma mondok kwi waga logogun.

1RAJA-RAJA 22:24

A'nogo yagatikhemo, ap Kenaana amlogo Zedekia Allah ane yagaisikhi lagaikhe mene a'nogo ebe Mikha oba horokhogo higilha wagaikhesik yei elokhenggen lambukhogo watikhesik he, mel yagatikhe: ”Nineisena Tuhan Areagun an hera'nobagaluk, wene hat hoba yagahesi we'lep lego,” iluk wenagetikhe.

2 RAJA-RAJA 24:2

Wene a'nogo palhukwasik Tuhan nen at amingmingengge it nabi omanogo bene nen wene isikhe mene higithogo re, Aren ap inobabut weak inap inasikhe liklouksek mene it inunggulenu Babel mene inom, Siria mene inom, Amon mene inom, Moab mene inom he at raja Yoyakim inom weim yagaisogo re Yehuda inap sebelogo fisoageluk lakfisa wagaikhe.

AYUB 16:10

Afuni nen he inambe langet fuluk an li'norogo hilingnobagali'lagwi, an nebe afuni nen haningisogo kwelaknobagaluk he nelokhenggen taphogo noari'lagwi.

AMSAL 8:23

O eroma kweang oan elalhi'lek logolik, attak-attak he an tak elalogo nobagasikhe andi.

YESAYA 10:6

It afuni An nagainafuri mene An inambot wo'ne'luk lagaikharek mene inom, na'mage kwelafarek mene inom andoma inoasuageluk An nen Asyur lakfei wesigin o. Nen, afuni An nunggulenu mene andoma inangge hugul heligik, hinakhigik, nen kweang age ebekhe kwe were'ma sebelisagarek hak, sebelisigik, hilingisuageluk An nen Asyur lakfei wesigin o,” ikhe.

YESAYA 33:22

It inangge kapal andi elonggolokwe werek mene andoma mondogat he hilingisu elo' lek enek asigin, su kapal oba sogoi faget wurilogo kwe palfikhi logogun lek! Nit ninaselei mene inangge andoma re niren telamo re mondok hokho pokhorogo hilingik logogin, andiba re, ap ineisok holurek mene ogore it mene elok helikhi logogunat. Tuhan ebeat nit ninobaget Raja logogin. Aren he melalninafik, wene melalek werek mene omamet figik, nit ninebe selei meneba nen telninafik, hilingisigin.

YESAYA 8:9

At Allah ebe nit ninom hundik logolik fetninarek andi nen he, hit afuni hinunggulenu lombok o unggut-unggut welagep mene andoma hinesanggo fanorogo holini o. Hiren ninoasugun iluk esa logalugun oba nen he hinailo agik, hinoak elekwe legetik, hilingiti logolik logogun o. Ninoasugun iluk hinasikhe lithaluk logoin oba nen he hinailo nen igik hilingisugun. Yi'nogo ti'nogo hilingisugun iluk wene ayo palimbik logoin oba nen he we sugwi nek asigin. Hiren hilingisugun iluk hinane katokhogo masugun oba nen he we tulemat hilingisugun o.

YESAYA 9:5

A'nogo andi re nit ninobaget omalik misik ekhe ta'laga. Nen Omalik andi ebere abat wo'nisikhe. Nit ninobaget ninoe kain he At amuat logogin. A'nogo were'ma At enu re mel ikhi logogun, ”Endawinggen wenggelek mene logolik, afuni komorinafu mene,” igik, ”Allah elalinhogo hilingiterek mene,” igik, ”Nineisena mondok-mondok logogin mene,” igik, ”Raja liolninafu mene,” igik, ikhi logogun.

YEREMIA 25:9

”An nen he it inunggulenu mene o utara fikhit werek mene inebe mondogat inom, nen An namingmingengge Nebukadnezar raja Babel mene a'nogo inom wolinabigin o. A'nogo wolinabimbik he An nen it andi lirinarek he afuni o Yehuda ba werek mene andoma inom, inunggulenu it inera'lukwe werek mene andoma mondogat inom An nen legaphogo fisambik, mondok-mondogat wolelenggenhogo lakfisagain. Afuni ineilenggen isogoin mene nen he inailo nen inamelmel hikhi logogun. iluk An Tuhan nen nane mondogat igi o,” ikhe.

YEREMIA 4:7

Mene singga hou salek oba nen wulibi wagarek hak, it afuni inunggulenu lombok weaget inafarek inap a'nogo it Yehuda mene leget fisogoin iluk arat wulibi wagaikhasik weri'lagwi. O kota-kota it Yehuda nen mene andoma re mondogat sinukhogo lobaget fisamo afuni werek lek oba asigin.

RATAPAN 3:30

It ekhe nen hinelokhe taphogo hinoatu halok inom, inane weak hinoba fugu halok inom, mondogat andoma re hiren onggo lagalhi'lek herakfisogoin halok fano.

YEHEZKIEL 21:32

Hit hinebe re endu nen mondogat nagain. Hinamep he hinonggwarek hinanggweang oba andoma kweisalogo pigin, nen ap misigen ogo ekhe hit faget hinoba eberek logogun lek. Iluk An Tuhan en nane mondogat igi,” ikhe iluk yagaisano yaganete.

YEHEZKIEL 24:2

”Afuni wa'lagaikharek mene yi re, tanggal yogondak yiba re raja Babel mene nen o Yerusalem pin talogo kwi lagaikhe sambul a'nogo hilingi'mo re haren lisu palogo fein o.

DANIEL 9:25

Wene yagahesigin yi, helu asuageluk fanorogo futfeino o. O Yerusalem meisalek mene andi hobuk ambotkwe wusuageluk wene ero wulafikhe andi huli nen, ap enupogot misik ekhe Allah nen wenagaisogo menfagain mene andi wesigin huli, inenggi 7 kali 7 tahun logogun o. A'nogo logombik, hobuk inenggi 62 kali 7 tahun logolik, o kota andi hobuk ambotkwe wutik, o sili hilingitik, leget kat wanhik, ugun meneat he, andem oba re enggin-fenggin inoba hugu mondok logoligat wusugun.

YOEL 3:9

Wene yi, afuni inunggulenu lombok yagaisikhi logolik he, mel ino: Weim yabuogoluk fik fougetik, ap tentara inobabut mondok weak mene andogorogo fisigik, inagoromi inobabut mondok hibilik hebelek mene mondogat wesuageluk inayonggo figik, imbik he, weim sineli we'ni o.

AMOS 2:3

O Moab oba andoma inoe enggi faginarek mene inom, nen at a'ma pemerintah ba yabu hilingitarek mene inom he An nen inebe pinggi inoasigin,” iluk ikhe isikhe.

HABAKUK 1:6

It afuni o Babel mene inobabut mondok weak het-petsek welagaikharek mene andi re, inomame asuagaluk An nenat hilinginabigin o. A'nogo hilinginabumo, inailokwe nen wulibi wesimbik, esa logalogo re, afuni inunggulenu lombok o yi awi ti awi welagaikharek mene andoma iren telogo woginabuogeluk wesugun o.

HABAKUK 3:16

A'nogo hilingitunem wene andi nesanggo holhirik he, nendawinggen abolok igik, nambe lei'leik igik, ikhi logolik he, noak yeli agul hangge kuluk-kalak igik, noak elekwe helela igik, igirek meneat he, it ap ninoasuogoluk weri'lagwi mene andi, Allah nen weagerinabi wesigin o, iluk he nafe morogo nabolo'legat logogin o.

MATIUS 26:67

A'nogo yagatukwasik he, wesi oba figik, yei watik, inenggi yinggilogo tung-tanghogo watik, ikhi logolik he,

MATIUS 27:30

wesi oba suphogo lakfigik, mul palek a'nogo telogo re, ungguloak pakhogo watik, isukwa.

MATIUS 5:39

A'nogo meneat he, an nen wene ekhe yi yagahisak. Weagethinafa halok onggo fugubo. Hinelokhonggen ebekwe lambukhogo hinoatu halok he, harekwe inomat hoasuageluk, wogisano aro.

YOHANES 18:22

ap Allah awi kagalek welagaikharek mene omanogo ekhe ebe andem mendek logolik, at enggi tap lambukhogo Yesus yei wati logolik he, mel yagatikhe: ”Ap Allah eisewerek mene inoe kain yi nen yagahetunem, haren wene a'nogo yagasu hak nogo? elo'lego,” iluk yagati lagaikhemo,

YOHANES 19:3

A'nogo isukwasik he, inebe hokhorogo peterogo kwikhi logolik he mel yagatukwa, ”Afuni Yahudi mene inoe kain Enupogot a'nogo harat higi o, wi?” iluk yagati logolik yei elokhenggen inenggi tap wati lagaukwa.

KISAH PARA RASUL 23:2

ap Allah eisewerek inoe kain mene enu Ananias nen he, it ap ekhe Paulus era'lu welagaukwa mene nen ambe lambukhogo wasuageluk yagaisasikhe.

2 KORINTUS 11:20

A'nogo hilingiti lagep andiba, hit hinebe iren inawe a'ma hinobagaluk hinamburu mondok felelenghogo ninggik, hinagarek inenggi abisak heligik, ”Hit elo'lek mene re, nit enek he, esin iluk,” inonggwaregen fogerakhigik, hinelokhonggen lambukhogo hinoatik, ugu kwelek hinafe morogo welagep yoma ri!

ULANGAN 28:49

Afuni inunggulenu hiren ogo inane futfou elo'lek mene At hineisena Tuhan nen o kweang wurep fikhit andoma nen hit hinom weim yabuageluk lakfisa wesigin, waga logolik sue kuri nen hilingiterek hak sebelhinabi wesugun.

ULANGAN 33:27

Allah awe a'ma fethinarek mondok logolik, enggi omame hokho mene andiba lebethisugu mondok logouwago. Aren hit hinelokhoma nen hinaselei mene mugusogo lakfisikhi logolik, Hiren it mondok legetfisani, iluk yagahisikhi logouwago.

HAKIM–HAKIM 17:7

A'nogo hilingitunem he andem huli ap alage mene unggulenu Lewi mene ekhe welagaikhe. Attak he at ebe o Betlehem wilayah Yehuda meneba andoma welagaikhe.