MIKHA 4:5 - Allah Wene Fano Wene Hupla Inane

⁵ Afuni inunggulenu lombok o kweangma welagaikharek mene nen he, inanggembu dewa omanogoba himbirik logolik apne helikhi logouwak, oba nen nit enek he nineisena Tuhan Allah oba lomborogo logolik, ninenggi hundik-handik andomaba At enek fogeratu mondok logogun.

MIKHA 4:5 Iomraidhean Croise

KEJADIAN 17:1

At Abram ebe umur 99 tahun oba, Tuhan elokhoma menlagaikhesik he, mel yagatikhe: ”An Allah nen yi mene ti mene elok hilingisigin enek a'nogo An aro. An nane hologo hilingiti logolik, nendawimo namolo anggigirek mene andiat hilingitu mondok logoino o.

2 RAJA-RAJA 17:29

A'nogo yagaisikhi lagaikheba nen he, afuni o Samaria omanogo welagaukwa mene nen he, inetokhogo kembu wut fuluk he, attak it afuni Israel mene o kota andomaba logolik kembu awi wutukwa mene omanogo bene inebe fisilik laga lagaukwa. It inebe ineisok erokwe werek higithogo re o kota ebe lombok inanggembu tomok wurikhi lagaukwa.

2 RAJA-RAJA 17:34

A'nogo hilingiti logolik o yogondak huli nen inom it inetokhogo hilingiri'lagwi mene andoma hilingiti logoligenek werek. Iren Tuhan obaget fogerati'lek, nen Awene melalek inom wene yi'nogo hilingi'no ti'nogo hilingi'no iluk Tuhan nen at Yakub enu ekhe Israel iluk Aren salhikhe mene a'nogo ambisangmangge omanogo nen hilingiti logouwageluk wogisasikhe mene a'nogoba tiphogo hilingiti lagaukwa lek.

MAZMUR 20:6

Hat homame mondok ari'lago andiba nit ninagaiyegen ninabunuk eti logogun, nen poksu bendera linoget hagarek andi hak nit ninendawimo nen wuniba nineisena Allah fogerati logogun. We At nineisena Tuhan nen enek haren kino yagati lagen mene andoma mondogat hologo nek wokheti logouwak.

MAZMUR 48:14

Hiren tagomangge mene inoba tindelogo yagaisikhi logobagaigen he, leget pa'leget ebe waganek mene fanorogo futfigik, himbirengge hineilenggen fanorogo kogolhik, ino. Andi nen hiren yi'nogo ikhi logoino:

MAZMUR 71:16

Tuhan Allah neisena, Haren hilingiti lagen mene andoma re mondok elalin mene hilingiti lagenma re, Harenek fogethafi lagi o, nen Haren katokhogo hilingiti lagen mene andoma nek legeisogo fikhi lagi o.

YESAYA 2:5

Yago, hit afuni Yakub en tagomangge mene yi sani, nineisena Tuhan aselek oba louwogen he we'ni o!

YESAYA 26:13

Tuhan Allah nineisena, nit he nineisugwi amu mene nen sebelninarek welagaukwasigat, meneat he, we nit nineisena re Hat hamu welagen iluk fogethafi lago!

YESAYA 26:8

Tuhan nineisena, nit he Haren wene tekhogo ikhi lagen mene omanogoba higithogo hilingiti lagolik, Hat hebe nenangot hafu welago. Nit ninendawinggen ma nen fogethafik, ninagaiyegetik ugu mene re Hat hebeat welagen.

YEREMIA 32:40

An nen wene mondok-mondok wasigin mene andi re it ninom wasugun. An nen it inoba fanorogo hilingfisugu mene andi re palfagain lek. Iren An oboget nealuk lanogoluk he inendawinggen abirengge nen An noba inailorogo welagik, esinet nobagaluk legeisogo nobagagik, hilingiti logouwageluk hilinginabigin.

ZAKHARIA 10:12

An nen nagainafuri inomamet fisagain, andi nen he, iren An nane hologo hilingiti logolik An nobaget enek hilingitu logogun, iluk An Tuhan nen nane mondogat igi o.” isikhe.

KISAH PARA RASUL 14:16

Omanggum ninambulagen pikhit nineisenalak ta'larik waga lagaukwa andem sambul he, Allah nen he, yi afuni ti afuni inunggul enu lombogen inawesa lombok oba himbirik logolik fogerakhikhi logonik he, iluk herakfisikhi lagaikhe.

ULANGAN 27:10

A'nogo meneat he hiren hineisena Tuhan ane hologo nek hilingiti logolik, an nen yi'nogo ti nogo hilingiti logoino iluk yogondak yagahisigi mene andi mondogat higithogo hilingiti logoino,” iluk yagaisasikhe.

KOLOSE 2:6

Hiren he: ”Kristus Yesus ninoe Enupogot aro,” iluk ebe helasigip andi nen, hinom hundik mondok logoino o. A'nogo logolik, hinobabut he, wene yagahisasukwa higithogoat,

KOLOSE 3:17

”Nineisena Allah nen wo'nisikherek andi ebe Yesus nenat wo'nisikherego,” iluk, Allah hai wati logolik: ”Ninoe Enupogot Yesus awe a'ma logolik hilingiti lago,” iluk, yi mene ti mene mondogat hilingisuogeluk, hinane yi mene ti mene faget uogeluk, at Yesus enu hombuk palogo hilingiti logoino o.

YOSUA 24:15

Hiren nineisena Tuhan amunek amingmingengge logogun hinabit halok, o yogondagat, Nit ti mene amingmingengge hilinglasugun, iluk tekhogo ugun o. Hiren he, o attagat ninombalak o Mesopotamia logolik, hunogo mene faget, Nineisena ebe andiat, iluk oba himbirik logolik amingmingengge welagaukwa andi mene amingmingengge logogun ugun a? At he, hit yogondak afuni inunggulenu Amori mene inaiba logolik, iren, Nineisena ebe andiat, iluk oba himbirik logolik amingmingengge welagaikharek andi mene amingmingengge logogun ugun a. Hirenat senggerogo ini o. An enek he, nebe inom, nagainafuri inom, nineisena Tuhan amuat amingmingengge logogun o,” iluk yagaisasikhe.