MIKHA 4:12 - Allah Wene Fano Wene Hupla Inane

¹² A'nogo ili'lagwiba nen he nineisena Tuhan nen it inoba hilingfisagain mene faget wene mondogat ebethesik he inebe re gandum enggen lolugun iluk palogo kabogetarek a'nogo hak, wene inoba fagain iluk foukhogo fikheba nen iren futfigi'legengge logolik ili'lagwi andi.

MIKHA 4:12 Iomraidhean Croise

MAZMUR 147:19

Aren awene melalek menfikhe mene omanogore at Yakub yagatikhe, nen wene yi'nogo hilingiti logoino ti'nogo hilingiti logoino iluk werek mene omanogo re, againafuri Israel mene onggwaregen wenago mene omanogo inoba yagaisasikhe.

MAZMUR 147:20

It afuni inunggulenu amu mene andoma inoba re At awene melalek inonggotse'ma re Aren a'nogo hilingiterek lek, Tuhan fogerasuok!

YESAYA 10:7

Oba nen raja Asyur mene andi nen he it inunggulenu hokhorogo omanogo a'mageba mondogat leget fisagain iluk wenggelogo fikhesik werek.

YESAYA 21:10

Israel an nunggulenu mene andi re! Hat he, kandum enggen perelharek hak alperel hafi logolik milil-mulelhogo hobagaga. Yogondak he, hat hobaget wene ebe mene At Tuhan afuni Israel mene ineisena Allah Omame Mondok Hokho mene a'nogo nen ugunem holhi mene yagaheti lagi o.

YESAYA 29:7

Andi nen ap pok mene esa-esangge o Yerusalem kota Allah obaget mezbah wurogo werek aiba a'nogo pin kwi wagik, hugesi wagik, tok kwelabi wagik, agarek mene andoma re aben hubanggo inabi wokhugunem weak-weak lek agarek andi hak mondogat longgo ugun.

YESAYA 55:8

Tuhan nen ikhi logolik, ”An nen wenggelhi lagi mene andi re haren wenggelhi lagen mene inom higitsek lego. An lagirek kwe andi re hat laga lagen kwe inom higitsek legaro.

YEREMIA 29:11

An nen hit hinobaget hilinghinobagagin mene iluk nendawimo ebeti lek nogo a? Hilinghinobagagin mene iluk nendawimo ebeti lagi mene andi re hit longgot hinobagagin iluk he fuk, athe hit hinendawinggen fano serogo logobagaigeluk, nen hit hobuk logogun mene faget hinendawinggen eberek mondok logobagaigeluk ebetu welagi o.

YEREMIA 51:20

Tuhan nen ikhi logolik,” Babel ao, hat he, louk hangge welagen, An nasikhe weim yafu mene re hat welagen. An nen hat hebene nen he yi afuni ti afuni inunggulenu lombok welagaikharek mene inom, kerajaan omanogo inom, inoasuageluk hat hebe wokhafi lagi.

YEREMIA 51:33

It he, no gandum enggen sagalhuba nen hilingitarek hakhogo we welagi'legat ap selei mene nen inomame leget fisaluk al perelogo fisouwogeluk werek. Iluk An Tuhan Nomame Mondok Hokho mene, Israel mene ineisena Allah a'nogo nen nane mondogat igi o,” ikhe.

YOEL 3:2

A'nogo hilinginafi logolik, afuni inunggulenu lombok inebe mondogat An nen andogorogo fisambik he, o tonggo fanoma wene inoba figik kotik igin oba andoma woginarek lagain o. A'nogo woginarek lambik he, iren An nagainafuri inoba weagerogo fisasukwasik it Israel mene inanggweang omanogo sumburogo helikhi logolik, An nagainafuri o ekhema-ekhema pugulogo wulaginafukwa andi nen he, o andoma An nen woginarek lambik wene inoba fagain o.

LUKAS 3:17

Gandum enggen folugun mene faget, garpu hangge meneba fologo lakfagain mene, eisewerek he at enggimo werek andi. Tegeligin oba higit asi waga halok, fano mene tegelogo fikherek oba obali'mo fanoma figik, afulfulengge mene halok tegelogo endu nagulagarek le'ma a'nogoba lakfisigik, igin o,” iluk, yagaisasikhe.