MIKHA 3:5 - Allah Wene Fano Wene Hupla Inane

⁵ Afuni an nunggulenu mene ap nabi heaba lalinafi logolik he, it ekhe nen ambi uang wogisagarek mene inoba re, ”Hobuk fanorogo logogun,” iluk yagaisigik, nen it ekhe wogisugu lek mene omanogo inoba re inendawimo seramet fisaluk he inom weim palek hak welagik, hilingiri'lagwi andi. Nen it ap inebe nabi heaba logolik a'nogo hilingitarek inap andoma faget Tuhan nen ikhi logolik he,

MIKHA 3:5 Iomraidhean Croise

AMSAL 28:21

Afuni nen yiginik-tiginik iluk peneri'lagwi andi re mondok weak, oba nen he it ap wene higithogo tegetarek inaben he uang endebengge ekhe helagain iluk henarogo hilingiri'lagwi mene re weregat.

YESAYA 3:12

An nagainafuri andoma re it ap yi mene ti mene ekhe inom seberogo helagarek mene inom, ap inamep nenggarek mene inomen inenggi omameba perelisikhi logogun. An nagainafuri re it ap ferinarek logogun mene nen inendawinggen nonghong isugunem he kwe ki lou he inendawinggen nonghong leil wati logogun o,” iluk yagaisano.

YEREMIA 23:27

Iren anggikhi logolik he inabi wokhugu mene tindeli'lagwi andem oba re An nagainafuri nen he it inombawi nen An noba inonggot a'luk Baal apne wanhi lagaukwa hak hilingisugun anggikhi logolik hilingiri'lagwi a.

YEREMIA 23:32

An Tuhan nen he ap nabi-nabi inabi wokhaluk ineranhogo wene yagaisagarek mene andoma eil inabigin. Iren he ineranhogo wene inane nen weregabet higik An nagainafuri inendawinggen nonghonget fisili'lagwi o. It nabi-nabi nen ili'lagwi andoma re An nen yagaisugunem he lego. It andoma An nagainafuri ebe mene re legaro. Iluk An Tuhan nen nane mondogat igi,” ikhe.

YEREMIA 6:14

An nagainafuri inoba inoumo werek mene andoma faget it inendawimo nen he inoumo we magengge anggili'lagwi, iren ikhi logolik he, ’Ah legu, mondogat he fano nek welago,’ iluk ili'lagwi. Oba nen eberogo nen he lek oba nen.

YEREMIA 6:4

A'nogo logolik iren yi'nogo ikhi logogun, ”Nit he o Yerusalem pin kugun enggere fik-foukhogo hilingi'ni o! We o linggene yibaat kuogen weni!” ikhi logogun. A'nogo ikhi la'lugen nekhengge iren ikhi logolik he, ”Eige, nit he aninuto higi! Ninafumak mondogat uan agik, o arat mumumenggetik, hilingiri'lago yi o.

RATAPAN 2:14

It ap nabi nen hat yagaheti lagaukwa mene omanogo re, we ineranhogo wene inom lalogo wene inom enek yagaheti lagaukwa. Iren he hat haweak werek mene a'nogo weinamet fikhi lagaukwa lek, andiba re hat hobabut agaum eti lagagin lek andi o. Hebekhogore iren hat hoba yagaheti logolik inane nen lalek wene inom hendawinggen wanhu mene inom enek yagaheti lagaikha.

YEHEZKIEL 13:9

Yago, hit nabi hinap yi sani, hiren hobuk yi'nogo hilinglasigin iluk ikhi lagep andoma re hinane nen felal haluk yagaisigik, nen hinabikanggoba haluk ikhi lagep mene andoma hinane nen hineranhogo wene lalinafik, ikhi lagepma re, An nen hit hinoba unggum wokhisagain o. Hit he An nagainafuri wene paluogeluk andogotarek oba andoma hinom wene sikhiphogo palhi logogun lek. Hit hinenu re afuni Israel mene inenu palek were'ma anggele'ma nen terogo lakfisagain. Nen hit he hinawi hinonggwarek hinanggweang oba omanogo sugulogo wesugun legat. Andiba re hiren An Tuhan Lego Mondok welagirek mene a'nogo hinelu asugun.

HOSEA 4:5

Linggene nen hundik hubanggo weak mondok hilingiti lagep, andi hakhogo re it nabi nen ogo andi hakhogo nek hilingiri'lagwi. Andi faget he hit hinagaisa Israel andi re An nen eil oak legetfagain o.

YOEL 3:9

Wene yi, afuni inunggulenu lombok yagaisikhi logolik he, mel ino: Weim yabuogoluk fik fougetik, ap tentara inobabut mondok weak mene andogorogo fisigik, inagoromi inobabut mondok hibilik hebelek mene mondogat wesuageluk inayonggo figik, imbik he, weim sineli we'ni o.

MIKHA 2:11

Hit hinobabut he, ap nabi mene healuk ineranhogo wene lalhinafi logolik, hobuk anggur agai inom, i amusu ekhe nunggunem lugulugwirinaferek mene inom, hokho-pokhorogo ninggi logogun iluk yagahisugu mene andoma hinamolo nen ikhi lagep andi,” iluk yagaisasikhe.

MIKHA 3:11

Hit ap o kota ba hinebe kaindek logolik hinalonghogo welagep mene nen ogore, wene yaganisani iluk onggo palogo ugu halok enek he Tuhan nen awene melalek a'nogo yagaisigik, hilingiti lagep andi. Nen, hit ap nabi nen ogore, Allah nen yi'nogo hilingisugun iluk ikherek mene yagaisouwogeluk he uang wokhisugu halok enek he inawene palhik, nen hit ap imam en ogore, wene yaganisani iluk onggo palogo ugu halok enek he Tuhan nen awene melalek a'nogo yagaisigik, ikhi lagep andi. A'nogo hilingiti logolik, hit mondogaren he, ”Nit nineisena Tuhan ninom hundik welago, nen At ebe nit ninanggele'ma were'ma re, nit ninoba wene weak mene ekhe aga logogin lego,” iluk anggikhi lagep andi.

MALEAKHI 2:8

Oba nen yogondak he, hit imam Lewi hinap a'nogo re, eberogo wene a'nogoba nen taganhogo wulibi lagep. Hiren wene yagaisikhi lagep mene andiba nen he, afuni hokhorogo weak hilingitarek meneba lisogo fisa laga lagep. Hiren An ninom wene watugu mene a'nogo weaget fikhi lagep andi.

MATIUS 15:14

Ineilenggen mum logoligat he, kwe lit haluk laga halok herakfisani o. At ekhe eilenggen mum mene nen, at ekhe a'nogo eilenggen mumat mene yagati logolik he, Kwe yi kwe lou o, iluk enggi fagaisogo waluk lagain halok he, emberegat foluksek i kalok wagane'ma pile hela pugun o,” iluk yagaisasikhe.

MATIUS 7:15

A'nogo yagaisasikhesik, ekhe mel yagaisasikhe: ”It ekhe ineranen Allah ane yagaisagarek mene hak hinoba wesimbik hinendawimo kagalinogo iluk he, hinebe hebelogo logoino o. It andi inelokhonggen wam domba wam ena mene hangge hilingisogo nen wesugun meneat he, inendawinggen elonggoma re, mene olo mene aik anini weak mene hangge wesugun o.

ROMA 16:18

It andi re, ninoe Enupogot Kristus awe a'ma logolik, at faget hilingiri'lagwi fuk. We, inonggwarek inendawimo inamolo mene hilingiri'lagwi o. A'nogo hilingiti logolik, inane fano igik, liokhogo igik, ikhi logolik he, it afuni ekhe inobabut, ”I o,” nek agarek mene andi lalinabi'lagwi andi.