MIKHA 3:2 - Allah Wene Fano Wene Hupla Inane

² wene higithogo hilingisu mene hinabit logolik weak hilingisugun mene nek hinamolorogo hilingiti lagep andi. Hiren he afuni an nunggulenu mene omanogo ineluk werek kwelek inagap nonggolinapluk, inoak oba nen ineino sabelhigik fisikhi lagep.

MIKHA 3:2 Iomraidhean Croise

1RAJA-RAJA 21:20

A'nogo yagatikhemo, at Elia ebe at Ahab oba lagunem, at Ahab en eilenggen Elia yetha wagaikhesik he, mel yagatikhe: ”Hat an nemberek weak welagorek a'nogo yogondagen noba wagenma ambi aga lago ari a!” iluk yagatikhe. A'nogo yagatikhemo, at Elia nen he, ”Eberogoat egen o. Hat Allah eilhanem honggwaregen hebe weak hilingisogo fakhikhi logogiluk wenagaisogo fakhegendik hilingiti lagen yoma re!

2 TAWARIKH 19:2

ap nabi misik ekhe enu re Yehu hun Hanani amlogo a'nogo raja ambit wagaikhesik yagati logolik he, ”Haren ap ekhe obabut weak logolik Tuhan abit meneba ebikhit agendik lebethegen andi re, higithogo hilingiten a? Hun hokho haren a'nogo hilingiten andiba re Tuhan a'mage hat hoba fikhesik werek andi.

MAZMUR 15:4

afuni Allah nen abit isikherek mene, inendawimo seramet fisagarek mene inom, A'nogo meneat he, afuni Allah inailorogo hilingitarek mene inom, agaugwerinafarek mene inom, ”Ti mene wokhesigin,” iluk Allah enu hombuk palogo wene warisagarek mene inom, ”Nit mene alomat laga,” iluk anggigi'lek, ebe tiphogo nek hilingitarek mene inom.

MAZMUR 53:4

Oba nen he afuni inebe mondogat he At ebe herakfuluk wulibi laluk he taganhogo hilingitik, inobabut mondogat nonghong igik, agarek, ap misigen iluk ogo fano hilingitu mene ekhe werek mondok lek.

AMSAL 28:4

Ap sa nen wene melalek sebelogo fugu halok he aren ap weak mene inebikhit a'luk inili woginabi'lago. Nen, sa nen wene melalek higithogo hilingitu halok he aren ap weak mene inom minggirik werek.

YESAYA 3:15

Nenahalok hiren An nagainafuri enggin-fenggin inoba figik, ap inenggi lek mene hinomameba inangge telogo heligik, hilingiti lagep nogo? iluk, An Tuhan Lego mondok logolik Nomame Hokho welagirek mene a'nogo nen nane mondogat igi o,” iluk ikhe.

YESAYA 5:20

Hit afuni wene eberogo mene inom kwanirek mene inom agam fagam isigik, mum mene inom, selek mene inom agametik, arik weak mene inom, enduk mitsek mene inom agametik, hilingiti lagep mene andoma re mondok alomat lakhouwogeluk welagep!

YESAYA 57:12

Andiba re An nen yagaisikhi logolik, ”Hiren nit pugunsek welago iluk hilingiti lagep andoma re, we elalin aro, nen hit hinobabut hilingiti lagep andomaba, hit lebethinabigin mene ekhe werek lek.

YEHEZKIEL 11:7

Andi faget he An Tuhan Lego Mondok welagirek mene a'nogo nen nane hit hinoba ikhi lagi: Eberogo nen kota yi re waruk tangge mene werek oba nen he, eino elonggoma kwalek mene andi re hit he fugo, athe ap warek hiren inoatigip mene andoma aro! Hit he An nen o kota yiba nen mugusogo wulak hinobagaumo pugulasugun!

YEHEZKIEL 22:27

It inogogwi kaindek pemerintah ba yabu hilingiri'lagwi inap andoma re mene olomene serigala nen paik hangge senfuluk tilip talap isikherek andi higit werek. Iren he inangge hokhorogo helogoin iluk ap wasugun mene nek hilingiri'lagwi.

YEHEZKIEL 24:4

A'nogo hilingfuluk he einongge mondok fano mene re andi elema kwelakfeino. Enggi eino eisok eino oak amunggok hokhorogo werek mene inom kwelakfeino.

YEHEZKIEL 34:3

Domba ebe eilak amusu re hiren nunggu welagik, nen esi re hiren hinasu kwakhugu welagik, nen domba asei werek mene re hiren warogo ninggik, ikhi logoligenat he, hiren he hinanggo domba andoma fanorogo halinafi lagep lek andi.

AMOS 4:1

A'nogo isikhesik ekhe mel isikhe: ”Hit hemi Samaria hemi hinebe wam sapi o Basan mene asei hokhorogo welagarek andi hak hinasei hokho asuageluk hilingiti lagep mene yoma re hinesanggo holini o! Hiren he afuni inomame lek mene enggin-fenggin inoba figik, inangge lek inelagaik mene sebelogo fisigik, hinaguni yagaisikhi logolik, Nagai nagain mene faget anggur amusu lugu-lugwi palharek mene keralogo nobagakhi logoin o, iluk hinane ninghogo mondok yagaisugu welagep andi.

AMOS 5:15

Inobabut weak hilingitarek mene andi hinabit logolik, fano hilingitarek mene andiat hinendawirogo logoino. A'nogo hilingiti logolik, wene higithogo hilingitarek mene andiat omamerati logoino. A'nogo hilingisugun andiba re, Tuhan nen, afuni Israel mene fena ineluk logogun mene omanogo endawi hundik hilinginafi logogin logou hak.

MIKHA 2:8

A'nogo ugunem Tuhan nen ikhi logolik, ”Hirenat An nagainafuri inebe hinaselei mene hangge hilingfisaluk inoasugun iluk hilingiti lagep. An nagainafuri mene hit hinagaila'lak mene weim yabi laluk, inaiba waga logolik, inawilokwe fanorogo were'ma, logoin iluk wagunem en he, omanogo hiren telogoin iluk nenangorinafunem weri'lagwi.

MIKHA 7:2

Afuni inobabut higithogo nek hilingitarek mene re o kweangma yoma nen lek agaikha. Nen, ap Allahba tiphogo hilingitarek mene re ekhe were'ma isikhi lagi lek. Afuni inebe lombogen he it ekhe mene inoasugun iluk nenangorinafu mondok werek. A'nogo hilingiti logolik it inebe seberogo re inagaila'lak ekhe ke'nok uageluk yebet fisili'lagwi.

MIKHA 7:3

It inebe mondogaren he weak hilingitu mene faget enek inobabut mondok hibil-hebelhogo hilingitu welagaikharek. It ap ineabu legoma welaikharek mene nen inom, nen it hakim wene tegetarek mene nen inom ogore, wene tegesuogeluk he onggo tak wo'nisani iluk kinotarek. Nen, it ap inogogwi kaindegen ogore, it inendawimo anggagarek mene nek hilingisuageluk miminginafarek. A'nogo nek hilingiti logolik it inebe mondogarenat hilingirik lagaikharek andi.

ZEFANYA 3:3

It ap o andiba yi kain ti kain werek mene re mene singa ngin eterek hak hilingitarek inap werek. Nen, it ap Hakim wene higithogo tegetarek inap andoma re no serigala nen nunggu mene nele welerogo logolik hilingiterek hak, iren oak misik iluk ogo hobit nunggu mene iluk ekhe fagarek lek.

LUKAS 19:14

Lagu kwelek he, it oe agot omanogo ap andi inabiren he, wene palhukwasik, at ap andi ninoe kain enupogot logogin he, ninabit, iluk yagaisa lano, iluk, yonggo ombo'ne lakfisasukwa.

YOHANES 18:40

iren inane hokhorogo pak silak ikhi logolik he, mel yagatukwa: ”Lego. At andi hele fikhalugun lego! We, at Barabas andiat hele fikhalnisan o” iluk isukwa. At Barabas andi re, obabut weak enggi abisak wanhi lagaikhe mene fagerat isukwa.

YOHANES 7:7

It afuni kweangma mene nen hit halok he, inabit mondok hilinginabi'lagwi lek meneat he, an nen, it hilingitarek andi weak mondok, iluk igirek andi nen he, anat inabit mondok hilingnabi'lagwi o,” iluk yagaisasikhesik,

ROMA 1:32

A'nogo hilingitarek andi nen, at Allah nen he: ”Afuni inobabut a'nogo hilingitarek mene halok he, an nen wene inoba fembik inebe mondok inoasu higit obaat inoasigin o,” iluk isikhe mene inelu logoligat he, it inonggwaregen a'nogo hilingitoat welagaikharek andi. It a'nogo hilingiti logolik, it ekhe nen a'nogoat hilingitunem he: ”Elok hilingiti lagep,” iluk yagaisagaregat.

ROMA 12:9

Hit hinendawinggen oba nenat afuni ekhe hinendawirogo logoino o. Weak mene hinabit mondok logolik he, fano mene hinenggi ninghogo fisogo logoino o.

2 TIMOTIUS 3:3

afuni inebe inendawirogo welagi'lek inabirat welagik, it ekhe inom weak hilingi'luk sebelogo herakfisaluk logou re, inabirat welagik, inabok weak palhik, inobabut lagokhogo hilingitik, inobabut harorogo hilingitik, fano mene hilingisu inabit logolik,