MIKHA 2:7 - Allah Wene Fano Wene Hupla Inane

⁷ Nit afuni Israel mene re Tuhan nen homan ninoba fikhemo welago nogo a? At Tuhan nen a'nogo hilingninabu hak nogo? Lego. At obabut he, afuni inobabut fanorogo hilingitarek mene inoba ane sakhorogo yagaisikherek lek iluk a? Yagaisikherek enego,” iluk yaganeri'lagwi.

MIKHA 2:7 Iomraidhean Croise

MAZMUR 119:65

Tuhan neisena, Haren wene watnetigin mene a'nogo mondogat tibet fegen, nen Haren an hamingmingengge yinoba fano mene nek hilingnobagakhi lagen.

MAZMUR 119:68

Hat hebe fano hagun logolik, fano mene nek hilingiti lagenma re, Haren wene melalek tekhogo fesigin mene andoma an yanggulnafi logogin.

MAZMUR 15:2

It afuni andi inebe re, weak hilingiti'legengge fano nek hilingiti logolik, inendawinggenma higithogo wenggelharek meneba, inane eberogo mene nek agarek mene inom,

MAZMUR 18:26

Tuhan neisena, afuni tiphogo hilingitarek mene inoba re Haren ogo tiphogoat hilingfisikhi lagen, nen fano hilingitarek mene inoba re Haren ogo fanorogo nek hilingfisikhi lagen.

MAZMUR 84:11

Nineisena Tuhan Allah, hawe a'ma fetninarek welagendek mene, nit hagainafuri ninebe hendawi nen, fano mene wo'nisigik, agaugwet ninafik, hilingninafi lagen. It afuni weak hilingiti'lek tegelek logolik hoba we'luk, fano mene kino yagahetunem, ”Wokhisagain nabit,” ikhi lagen lek. O ekhe amumo yoma, ninenggi seribu oba logogun andi weak mene re, ninenggi misik oba Hat hawi wuri'mo andoma logogun andi nek he esin mondogo. It afuni weak hilingitarek mene, inaiba welagi'lek, neisena Allah hawi wuri'mo, kweba kagalek logogun andi mondok esin andi nen he, an nen wenakhigi andi o.

AMSAL 10:29

At Tuhan he ap higithogo hilingitarek mene re awe a'ma ferinarek werek, oba nen ap weak hilingitarek mene re leget fisikherek.

AMSAL 10:9

Ap higithogo hilingiterek mene re ebe ailo legengge werek, oba nen ap labelogo hilingiterek mene re hobuk weinam agarek.

AMSAL 14:2

Ap higithogo hilingitarek mene nen he Tuhan Allah faget inailo anggikhi logolik legeisogo fagarek, oba nen ap higithogo hilingitarek lek mene nen he At ebe sebelogo fagarek.

AMSAL 2:7

Afuni inobabut weak hilingiti'lek fanorogo welagaikharek mene inoba re, leberisigik, a'ma ferinarek welagik, ikherek.

AMSAL 28:18

Ap weak ekhe hilingiti'lek logogun mene andi re hobuk inagap telek logogun. Ap ineluk logolik weak enek hilingirik nikharek mene andoma re hobuk pule pugun.

YESAYA 50:2

An nen it inagainafuri wolinabi wagu sambul, nenahalok it An nagainafuri mene nen ap misigen iluk ogo ekhe onggo ili'lagwi lek? Iren anggikhi logolik An nen it inagap telinafik, lologo fisigik, hilingisu elo'legen iluk, inabolok lek werega? Ibi-eberogo nen he, An nen hilinglasuageluk ugunem he i laut firitok ikhi laga, nen i lagu agai mene omanogo terenghogo kweang iringik mene hilinglagunem, ikan mondogat wathigik lagunem fili a'luk amben mondok sang ikhi laga.

YESAYA 58:1

Tuhan nen ikhi logolik, ”Hinane omamerogo kwe'ni o! An nagainafuri nen weak hilingita mene faget yagaisani o.

YEREMIA 15:16

Haren an noba hane ugunem he, hane ugu mene andoma ebe lombok hol fakhikhi lagi o. Tuhan Allah neisena Homame Mondok Hokho mene, An he Hat honggwarek mene welagi o. Andiba re Hat hane ikhi lagen mene andomaba re an nendawimo seleget nafik, nagaiyek mene hilingnobagagik ugunem welagi o.

YEREMIA 2:4

Hit Yakub ambisangmangge mene hinunggulenu Israel mene yi nen he, hineisena Tuhan nen hit holuageluk ikhe mene yi holini o!

HOSEA 14:9

Hobuk afuni Israel mene nen tugwi kembu fogeratarek mene omanogo herak fisogoin. A'nogo herakfisugunem, An nen it ferinarek logolik, iren nayonggo fugunem inane nesanggo holhi logogin. E engga hokho mene a'ma kun welagarek andi hak, it inebe An nawe a'ma fano sebelinarek logogin. A'nogo were'ma, yi agayo ti agayo enggen iterek hak, yi mene ti mene fano mene andi ero Anat andi nen he, Anenat wogisikhi logogin, iluk An Tuhan nen nane arat igi o,” iluk yaganete.

MIKHA 3:9

Yago, hit ap kaindek afuni Israel mene inobaget welagep hinap yi sani, an nen nane igin mene andi re furogo holini o. Hiren he afuni inawene katokhogo palinafi'legengge hilingfisikhi logolik, agaumhogo re weak mene nek hilingfisikhi lagep.

ZAKHARIA 4:6

Malaikat a'nogo nen an miming nafi logolik, Tuhan nen yi'nogo ikhe iluk hun Zerubabel yagasi lano, iluk yaganete, ”Ap tentara inomameba inom, nen hat honggwarek homameba inom fanorogo hilingisu lek hak, we An Nareagun oba nek he elok hilingisigin o.

BILANGAN 11:23

A'nogo yagatikhemo, At nineisena Tuhan nen onggo yagati logolik: ”An nomame we endebat anggikhi lagen a? An nen yagaheti andi eberogo weak-weagat hilinglasigin a? Lega. Ebe hilinglagunemen heilenggen hagain o,” iluk yagatikhe.

MATIUS 3:8

Halok he, hinendawimo ebetfuluk, weak hilingiti lagep mene andi herakfisaluk, hinobabut hebela'luk hilingisu meneat higithogo hilingiti logoino o.

YOHANES 8:39

A'nogo yagaisikhi lagaikhemo, iren he, ”Ah! Nit nineisena Abraham aro,” iluk isukwama, aren he mel yagaisasikhe: ”Hit hinebe eberogoat Abraham en tagongge mene logoilepma re, Abraham hilingiti lagaikhe meneat hilingiti logoilebo.

ROMA 7:13

Halok he, wene andi fano mondok isikhe mene andi nen an nebe wa'lagagi nogo? Mondok lego. Weak hilingitarek andi nen aro. Weak hilingitarek andi nen, fano mene andiba warogo nobagasikhemo re, enegat agaikhe. Wene Allah nen komotninafikhe andiba athe, inobabut weak hilingitarek andi mondok weak, iluk enegat hilinglagaikhe andi.

2 KORINTUS 6:12

Niren hit faget he, ninendawimo a'nogo eberek welago meneat he, hit enek he, nit faget hinendawimo enggin welagebo.

2 TIMOTIUS 3:5

afuni ineilhanem he, Allah againafuri hangge logolik, inendawimo nen Allah omame andi mene herakfisigik, ikhi logogun o. Yogondak afuni inobabut andi hangge ekhe hilingiri'lagwi mene halok, hinom hundik logogubo.