MIKHA 2:4 - Allah Wene Fano Wene Hupla Inane

⁴ Andem sambul afuni nen li'norinafi logolik kelem wuni yagaisagarek hak, wuni fong warogo logolik agarek awuni yi'nogo ikhi logogun: Tuhan nen he, nit ninawi eroma yinogo ogo re wanhesik, Aren ap nit sebelninabi wagaikha mene inoba wogisikhe. Andiba re, nit ninebe mondogat wolelenggenhogo ninobagaikhe o,” iluk ikhi logogun, ikhe.

MIKHA 2:4 Iomraidhean Croise

2 SAMUEL 1:17

A'nogo hilingitukwasik, at Daud en, Saul inom Yonatan inom emberek inobaget le aga logolik le wuni isikhe.

2 TAWARIKH 35:25

At Yosia wa'lagaikhe mene andi faget he nabi Yeremia nen le wuni misik ekhe felalhikhe mo re, yogondak huli nen he wuni andi at Yosia wa'lagaikhe wuni a'nogo faget ebetu sambul he ap inom, hemi inom, it afuni Israel mene andoma wuni wulafarek inaben wuni andi wulafu mondok werek. Wuni andi re iren buku le wuni andogorogo palogo fesukwa mene a'nogoba kwelakfesukwama werek.

AYUB 27:1

Ayub ane isikhe mene a'nogo wurep lisogo ikhi logolik he yi'nogo isikhe, ”At Allah elu mondok werek mene a'nogo, Aren an nawene katokhogo palneri'lago lek mene a'nogo enuba hilingi'mo re,

YESAYA 14:4

Tuhan nen a'nogo hilingisumo re it Israel inaben raja Babel mene sebel fikhi logolik he, Raja anini mondok weak mene a'nogo arat pikhe o! Aren enggin-fenggin nit ninoba ekhe fikhi logogin lego iluk ikhi logogun.

YESAYA 24:3

Kweang yelandi-kwelandit hikhi logolik halik-halokhogo pot fisagain, Tuhan Amu nen ikhe hilingi'mo re, wene yi re eberogo nen tip igin o.

YESAYA 6:11

A'nogo yaganetemo an nen he, ”A'nogo nek hilingik werek kwelek huli ki huliba nen iren futfogoin nogo?” iluk heinok wokhigi.

YEREMIA 14:18

An o leimo lagunemen he ap weim oba nen wa'lagaukwa mene were'ma isikhi lagi. O kota elonggoma re ou elo'lekhogo hikhi logolik afuni sumburu nele nen wa'lasu hak hilingiri'lagwi. Nabi inom imam inom he iren hilingiti logouwageluk werek mene omanogo hilingiti logoligen he ebe hilingitu mene omanogo fut figi legengge nen hilingiri'lagwi o,” iluk ino iluk yaganete.

YEREMIA 4:13

Yethani, ninaselei mene re ohena hakhogo weinam agaikha a'li. It inangge kereta weim yabuogeluk lagunem he sogoi sielu nen hilingiterek hangge, nen inangge kuda ba lagunem he sue ikwesahop he aninurogo tarogo lagarek oba nen mondok furungwarogo lagarek. Ariginik hilingi'mo re, eigei, nit he alomat ninabugun higi! Nit leget ninabuogeluk werego!

YEREMIA 6:12

It inawi re ap amu mene inoba wogisogoin, andi nek fuk oba nen it ineabu kwe inom, inagagwi inom ogore wogisogoinat. Afuni o kweang yiba welagaikharek mene mondogat he An nen unggum wogisagain.

YEREMIA 8:10

A'nogo hilingiri'lagwi andiba re An nen it ineabu andoma re ap weagerinafarek mene inoba wogisigik, it inagagwi re ap amu mene inoba wogisigik, igin o. It inebe mondogat yenggerugwi inom inaluendek inom inonggwarek inenggi werek agu mene faget ineranhogo weneba lalhigik saburili'lagwi andi. Nen, it imam inom nabi inom oba nen ogore afuni ineranhogo wene yagaisili'lagwiat.

YEREMIA 9:10

A'nogo ikhemo an Yeremia nen ikhi logolik, ”An he engga o leikwe inom, tomkwe andoma inom mondogat pukliok ikhe, nen afuni ogo andoma kwe lagaikharek legat, andem faget an he le agik, fong watik, hilingiti lagi o. Wam tatharek mene inom, nen ekhe amu mene inom he mondogat longgo agama, inareng tiring tereng ikhe andi faget he le aga lagi o.

YEREMIA 9:16

A'nogo wogisambik, inebe it afuni inunggulenu hunogoat mene, iren inom, inombalagen inom, inebe inonggot mene inenggiba fisagain o. An nen ap tentara mene karok waluk it muginarek loagaluk lakfisambik, elugun oba An nen it inebe mondok legetfisagain o,” iluk yaganete.

YEHEZKIEL 16:44

Tuhan nen Yerusalem yagati logolik, ”Yerusalem, ap inane henarogo yi'nogo yagaheti logogun, ’Agaisa higit he eak ogo ariginigat,’ ikhi logogun.

YEHEZKIEL 2:10

Noba pisarogo lakfei wagasik, funggulhunem kwelakhigi re, abel fena-fena wene ebe re, le asugun mene inom, Eige, nabire, iluk ikhi logogun mene inom, heinet wati logolik inane kweti logogun mene inom, palek were'ma higi.

YOEL 1:13

Hit ap Allah eisewerek logolik mezbah oba omanogo yabu hilingiti lagep mene yi sani, hinasu karung mene sambuneraluk he le yakhikhi logoni o. Hit hineisena Allah obaget fugu mene anggur inom, gandum inom fuluk wogotu mene mondogat lek aga andi nen he, o hup inukhogo andoma le agu mondok logobagaigen he o Tuhan awi wuri'mo andoma kwikhi logoni o.

YOEL 1:8

Andi nen he, hele tugum mene nen agun helagain iluk endawinggen hundik logolik wenago mene wa'lagunem endawimo weak a'luk, le yagaisogo werek hak, le aga logoni o.

AMOS 5:1

Hit afuni Israel mene yi. An nen hit hinobaget le wuni misik ekhe wasigin mene yi hinesanggo fanorogo holini o:

AMOS 5:17

An nebe hinanggele'ma waga logolik wene hinoba filik wesigin andi nen he, afuni anggur yabumo mondogat logogun mene nen le hokhorogo asugun o, iluk An hineisena Tuhan nen arat igi,” iluk ikhe isikhe.

MIKHA 1:15

Yago hit afuni Maresya mene yi, Tuhan nen hit hinebe it hinaselei mene nen hinawi kota sebeli kwi wesimbik logogun mene andoma inenggiba hinobagagin o. A'nogo hinobagaumo re afuni Israel inap melalinafarek mene inomame hokho andoma re o Adulam oumo andoma hina'lasimbik logogun.

MIKHA 1:8

A'nogo hilinglasigin ikhe andi nen he, an Mikha nendawimo mondok weak agarik le aga lagi o. Afuni Samaria mene inom, Yehuda mene inom inoumo mondok weak mene inoba agasik, afuni kota kuogeluk pa'leget ambe palekwe nen kwagarek andi hak, weak mene andi afuni an werekwe mene o Yerusalem welagaikharek mene inoba asigiluk wagasik werek andi, An hobuk nendawimo weak aga andi enegat asuageluk su laberek legat nen neisok sepatu kwelabek legat, kwe nikhi logolik, mene ane kouwaterek andi hak inom, sue hugubi ane ikherek andi hak inom ilik nikhi logogin o, iluk igi.

MIKHA 2:10

O yoma re, hit hinebe fanorogo logou lek hago. Hit hinaweak mondok hokhorogo hilingiti lagep andi nen he o hit hinebe welagep oba yi enggin-fenggin mondok weak mene lakfei wesiginmo re, hinebe menla'luk heise lani o.

HABAKUK 2:6

Oba nen he, it inawe a'ma fisili'lagwi mene andi nen, it inomame werek mene omanogo inane asegen wogisigik, inenggali watik, ikhi logolik he, ”Hat hangge lek oba nen kabogerikhi lagenma re homan ugu logoin o! Ki huli nen weak-weak nenggi werek asigin iluk ap hat hoba palegengge werek mene omanogo nombalegengge wo'ne'ni iluk hane ninghogo yagaisugu logogin nogo?” iluk agarek andi.

ZEFANYA 1:2

Tuhan nen ikhi logolik he, ”An nen yi mene ti mene o kweangma werek menere mondogat legetfagain,

BILANGAN 23:18

A'nogo yagatikhemo, at Bileam en wene hobuk hilinglasigin mene yi'nogo yagatikhe: ”Balak Zipor amlogo yi, nare. Yethan! Wene an nen yagahesigin andi fanorogo holinogen hebe ya higilhame o.

BILANGAN 23:7

A'nogo wagaikhesik, at Bileam en wene hilinglagaikhe mene inom, hobuk hilinglasigin mene inom, yi'nogo yagatikhe: ”O Aram tom mo wulibi wagarek higit ali'ma were'ma, ap kain Balak afuni Moab mene inoe raja nen an wolniikhi logolik: Afuni Israel mene homan fisanogen eme o, iluk wolnafemo wagi.

BILANGAN 24:15

wene ebe hobuk hilinglasigin mene mel yagatikhe: ”An Bileam Beor amlogo nabikanggo oba yi mene ti mene enegat yethigirek mene a'nogo nen igin o.

BILANGAN 24:3

wene hobuk hilinglasigin mene mel isikhe: ”An Bileam Beor amlogo nabikanggo oba yi mene ti mene enegat yethigirek mene yi nen wene igin o.

MARKUS 12:12

A'nogo yagaisasikhemo iren he mel isukwa: ”Wene oba lirogo yaganisikhe andi nit fagerat yaganisikhe higi,” iluk futfesukwa. Futfesukwasik he Yesus ebe fakfouwogeluk isukwa meneat he, afuni hokhorogo omanogo inailo nen herakfisaluk pugulhukwa.

ULANGAN 28:29

A'nogo hilinghinobagaumo lingge enggen tulem hilingik kwelek he ap ineil humunik mene nen yafak-tafak hilingitarek hak hilingiti logogun, oba nen he kwe herasugun mondok lek. Hiren walhogoin iluk hilingisugun oba nen he nonghong enek ikhi logogin. A'nogo nek hilinglagunem afuni nen hit sebelenek hinobagakhi logolik hinangge telugunem ap amu mene ekhe nen lebethinafi logogun mondok lek.