MIKHA 1:8 - Allah Wene Fano Wene Hupla Inane

^8-9 A'nogo hilinglasigin ikhe andi nen he, an Mikha nendawimo mondok weak agarik le aga lagi o. Afuni Samaria mene inom, Yehuda mene inom inoumo mondok weak mene inoba agasik, afuni kota kuogeluk pa'leget ambe palekwe nen kwagarek andi hak, weak mene andi afuni an werekwe mene o Yerusalem welagaikharek mene inoba asigiluk wagasik werek andi, An hobuk nendawimo weak aga andi enegat asuageluk su laberek legat nen neisok sepatu kwelabek legat, kwe nikhi logolik, mene ane kouwaterek andi hak inom, sue hugubi ane ikherek andi hak inom ilik nikhi logogin o, iluk igi.

MIKHA 1:8 Iomraidhean Croise

2 RAJA-RAJA 18:13

Afuni Yehuda mene inoe raja Hizkia nen ferinarek 14 tahun oba agaikhemo were'ma, it afuni Asyur mene inoe raja Sanherib a'nogo weim kwi waga logolik, o Yehuda ba andoma kota ekhema-ekhema leget pa'leget wurik welagaikhe mene omanogo meisa'langgukhogo kwikhi logolik mabenet fisasikhe.

ESTER 4:1

A'nogo hilingitukwa mene a'nogo at Mordekhai nen holhikhesik he, aren fong warogo iluk he asu tiliphogo herak fisasikhesik su pelagi asu liagaisogo re, wul unggulmo yugul fesikhesik he at ebe o kota bene omanogo laga logolik ane hokhoba le arik laga lagaikhe.

AYUB 30:29

Naneba ikhi lagi mene re mondok nenawinggen ou asu hak, mene olomene enggama nen ane kweterek hak inom, nen sue sumu-sumu nen hururung ane ikherek hak inom, nelagaik nane ikhi lagi.

MAZMUR 102:6

Nebe noak heinet wati logolik nane kwetu werek kwelek enek he, nebe we nagap noak oba huli'lipsek mene nek werek andi.

YESAYA 13:21

O obalik andomaba re yi mene ti mene eil polok mene nek logogun. Sue sumu-sumu it inawibene andoma inawi wuti logogun, nen, sue unta re andoma logogun. Nen, o meisalek omanogo bene re wam kambing maro mene nen huk sombo lagagik pigik hilingiti logogun.

YESAYA 13:22

O Babel o silimo nen inom nen ap raja awi silimo nen inom he olomene inom olomene amu mene enu serigala inom inane kouwatunem inane anggungga nek holhi logogun. O weagerogo fagain oba andi re arat horogasi waga. Nen linggene andi re higilogo feilogoin mondok lek mene asi wesigin.” Iluk ikhe ino, isikhe.

YESAYA 16:9

Yogondak an he o Yaezer faget le agagi hakhogo re o Sibna faget le aga lagi o. Kweang oba nen enggen awi yago omanogo ap selei mene nen mondogat sebelagama re, an he o Hezybon inom Eleale inom faget neil amusu pelafi logolik welagi o.

YESAYA 21:3

A'nogo ugunem hasigisik he an neil higi mene a'nogo faget ninggi'nogo iluk nobakheindok palogo re neilenggen ha lek hak hilingnafik, nesanggo holu elo'legat hilingnafik, ikhe. An noba nailo mene nek agunem he noba ou ikhi lagi mene re hemi nen inomalik takhouwogeluk heinet watharek hak hilingiti lagi.

YESAYA 22:4

An nobaget he ebesu fugo, an he ap an nunggulenu mene wa'lagaikha andoma faget le aga logoigen he heraknobagani o, hiren an nendawimo nagaiyek asuageluk konabu fuk.

YESAYA 32:11

Huli yiba re hit hineluk fanorogo welagik, enggin mene mondogat le'ma hit we selekhogo welagik ikhi lagep. Oba nen yogondak yare hinailo nen hinoak legeti logoni! Hinasu nonggologo herakfuluk, kain karung mene pelagi su laberogo inobakheba pukhogo logoni.

YEREMIA 4:19

Eige, an nendawimo ou mondok hikhi logolik he, enggin ikhi logolik logou re elo'lek nabi'lago o. Trompet futhugunem ane ugu mene inom weim abolok ugunem inom nesanggo holhaluk he an nendawinggenma mondogat abolok ugunem, an nebe hambuget haluk logou re elo'lek agunem welagi andi.

YEREMIA 9:1

An nunggul yire i mogo ambe hoporogo yenggele'ma hak hilingik logoumo nen, neilenggen he i su'lenggeba sulhogo lagu mondok welagarek hak hilingik logoumo nen he mondok fano agwi! Ariginik logumo nen he ap an nunggulenu mene selei mene nen inoata mene andoma inobaget neil amusu pelafi logolik li le aga logoile mene ago.

YEREMIA 9:10

A'nogo ikhemo an Yeremia nen ikhi logolik, ”An he engga o leikwe inom, tomkwe andoma inom mondogat pukliok ikhe, nen afuni ogo andoma kwe lagaikharek legat, andem faget an he le agik, fong watik, hilingiti lagi o. Wam tatharek mene inom, nen ekhe amu mene inom he mondogat longgo agama, inareng tiring tereng ikhe andi faget he le aga lagi o.

YEREMIA 9:19

Afuni tom Sion oba nen inane le aga logolik mel ili'lagwi: ”Eige, nit ninawi wurik mondogat meisa'lambukhogo potfisagama, o nit were'ma yoma herakfisogoin andi nen he, nit ninenggali hokhorogoat asimbik, ninebe mondok lek asugun higi o,” iluk le agunem inane anggungga holi'lagwi o.

YEHEZKIEL 32:18

”Afuni wa'lagaikharek mene yi re, afuni Mesir mene inobaget fong wasin o. It andi re kweangma afuni wa'la'luk lagaikharek oba andoma afuni inunggulenu amukwe mene inomame mondok hokho mene andoma inom seberogo lakfisano.

MIKHA 2:4

Andem sambul afuni nen li'norinafi logolik kelem wuni yagaisagarek hak, wuni fong warogo logolik agarek awuni yi'nogo ikhi logogun: Tuhan nen he, nit ninawi eroma yinogo ogo re wanhesik, Aren ap nit sebelninabi wagaikha mene inoba wogisikhe. Andiba re, nit ninebe mondogat wolelenggenhogo ninobagaikhe o,” iluk ikhi logogun, ikhe.

1 SAMUEL 19:24

Laga lagaikhesik arat lagaikhesik he, asu nonggologo fesikhesik, Samuel eilhanem wuni lagik-wagik watik, ane ngai-wai igik, hilingiti logolik, talorogo kweangma hulambetikhesik he, alfulukwangge re linggene nen hundik hubanggo hundik welagaikhe. (O endamaren inane lagokhogo ikhi logolik he, ”Saul ogore, ebe Allah ane yagaisikherek mene nogo?” iluk agarek a'nogo re, ero a'nogo hilingitikhe andi nen agarek.)