MIKHA 1:7 - Allah Wene Fano Wene Hupla Inane

⁷ A'nogo hilingfembik, inandugwi kembu onggo hokho mene weaget fisigik, nen hemi tugwi kembu awi wuri'mo obaget hilingitunem, yi mene ti mene ebe lombok wogisagarek mene andoma mondogat endu nolfisigik, tugwi kembu afuni inalik hilingik mene andi mondogat legetfisigik, igin o. Nen inangge yi mene ti mene tugwi kembu obaget hilingitunem inenggimo mene fano agarek iluk werek mene omanogo, yogondak he mondogat it inaselei mene nen felelenghogo helaluk laluk he it mene inandugwi kembu omanogo obaget hai warogo iluk hilingiti logogun o,” iluk ikhe.

MIKHA 1:7 Iomraidhean Croise

2 TAWARIKH 31:1

Seni Paskah isasuogeluk kabogetukwa mene a'nogo mondogat hilingfuluk he, it afuni a'nogo inebe abirengge o it afuni Yehuda mene werek kwe kota omanogo lagaukwasik he aben kembu agut ilirenggerogo menogo fesukwa mene omanogo halik halokhogo figik, kembu he mene Dewi Asyera ilirengge elalek welagaikhe a'nogo tukhumhogo lakfisigik, wam kembu faget warogo nolhuba mezbah omanogo wolelenggen isigik, kembu apne wanhukwe omanogo mondok molulukhogo lakfisigik, hilingitukwa. Andi higithogo at he o alek kwe it afuni Yehuda mene werekwe inom, nen wilayah it Benyamin mene werekwe omanogo inom, Efraim, Manasye werekwe inom, a'nogo nek hilingirik lagaukwasik he, it inebe inawi lombok lagaukwa.

YESAYA 2:18

Tugwi kembu ekhe mene ekhe mene andoma re mondok felelenghogo legasigin.

YESAYA 23:17

Tujuh puluh tahun andi mondogat hilingfuluk he, Tuhan nen hobuk Tirus faget ebet hambik Aren yabu attak hilingiti laga hak hilingiti logouwak anggagain o. Aren he kweangma mondogat o kerajaan werek mene andoma inom onggo palhik, hunitik, hilingiti logogin.

YESAYA 27:9

Oba nen he afuni Israel mene inaweak legabesugun he yi'nogo hilingisugun oba, iren mezbah dewa andoma mondogat wolelenggenhogo wul al hakhogo hilingfigik, Dewi Asyera alik waganek mene inom amben fano mene iluk noletu mene omanogo inom mondogat wolelenggenhogo leget fogoin halok enek he it inaweak elok leget fisagain o.

YEHEZKIEL 6:6

O kota Israel oba andoma mondogat he legetfisagain, nen mezbah inom, tugwi kembu inom, wolelenggen tagalogo telfol isigik, amben-amben engge nolhukwe andoma nalek falek isigik, igin. Nen iren yi'nogo ti'nogo hilingitarek mene andoma re mondogat legasigin.

HOSEA 2:12

At endawimo nen he, e ara ero inom, anggur ero inom, ap An ninom nikhi lago mene nen onggo wo'netarek mene o, iluk anggikherek mene andi re, An nen mondok legetfisagain aro. An nen at eabu anggur yabu inom, e ara yabu inom, andi hunogoat enggama hakhogo hilingisogo foumo, wam maro obabut weak mene nen weaget fisikhi logogin.

HOSEA 2:14

Tuhan nen afuni Israel mene faget a'nogo ikhesik he, ekhe mel ikhe: ”Andi nen he, An nen at he andi o leimo andoma waluk lambik he, nane amusuba endawinggen paligin o.

HOSEA 2:5

Hinagaisa enggali mondok lek yanani nilik nikhi logolik, mel ikherek: An ap ninom nikhi lago mene nen namburu inom, nagai inom, yosi wol mene inom, kain linen su eil puselek weak fano mene inom, e zaitun enggen amusu inom, anggur enggen amusu inom, wo'netarek mene heraginabik inoba lagain o, iluk ikherek andi.

HOSEA 8:5

An nen afuni Samaria mene nen sapi emas meneba apne wanharek mene andi faget mondok nabit isikhi lagi o. Nen An na'mage it inoba mondok fikhi lagi aro. Iren tugwi kembu fogeratu mondok werek kwelek enek he inebe alomat fakhugu mondok logogun mene andi re ki huli nen logogun nogo?

HOSEA 8:6

Sapi emas iren fogeratarek mene andi re it Israel inap elalhu inelu mene nen elalek engge! Andi re ebe Allah re lek enggere mondok wolelenggen isogoin halok fano!

YOEL 3:3

A'nogo hilingiti logolik, iren inamingming engge asuogeluk, An nagainafuri fakfisaluk he, sa asigin iluk, oagengge walhigik, inamingmingengge hilingfisigik, nen onggo it ekhe inoba paligik, uang andi re hemi hesangge hilinginafu mene faget fikhi logogun iluk heligik, ina'logomi tugum mene ogo inamlogomi souge mene ogo onggo paligik, nen uang a'nogoba re iren anggur agai faget onggo hunisugun igik, hilingiti lagaukwa. A'nogo hilingiti lagaukwa mene andi faget he wene inoba fagain o.

IMAMAT 26:30

An nendawimo hebak naferogo, hiren punu kwe fogerasi laga-lagep kwe andoma inom, dupa amben fano mene nolhi lagep mene obuluk wurik andi inom. wolelenggen tagalogo fembik, hit hinebe warek he tugwi kembu hiren mene wolelenggen hogo fagain mene omanogo ambolebene hukhisagain.

ULANGAN 23:18

At hineisena Tuhan Allah re, it afuni nen tugwi kembu awi wurikwe andoma laluk, hesangge hilingitarek mene inom, nen hesangge hilingirik nikhi logolik saburik mene inom andoma mondogat he abit anggili'lagoma re, uang hambenan hilingitu meneba saburik mene halok he, At Tuhan Allah awi wuri'mo an nen yi'nogo wogeti logogin iluk, waluk waga logogun mondok lek.

ULANGAN 9:21

A'nogo hilingitigisik, hit hinenggi nen emas mene tugwi kembu sapi hangge hilingitigip mene andi An nen endumo kwelakfisigirik nolhigi aro. A'nogo nolhigimo nasikhemo re, sagalogo mondok kweang wul agaikhemo re, i elesi tom oba nen wulibisogo pi wagarek mene andiba kwelakfisasigi o.

WAHYU 18:9

At he andi ebe a'nogo endu ninggi logolik, esi hule lagagunem, it ap kaindek inenupogot kweangma welagaikharek mene, at he andi oba aigage lagagunem, sebelfigi'lek pailak fakfouwageluk hilingitunem, fakfikhi lagaukwa mene omanogo nen ineilenggen yethaluk obaget li le aga lagaikha.

1 SAMUEL 5:4

A'nogo menfesukwa meneat he, ohealek hubet kwelakhasukwa re, kembu a'nogo Peti Wene Warogo Allah nen wo'ninafikhe, iluk hilingik a'nogo elokhoma tukhumhogo lagaikhesik were'ma hasukwaat. Andi sambul enek he, kembu a'nogo ungguloak inom, enggi fena-fena inom, tekhogo re, kwe kwagarek oba were'ma, obakhe tulem enek he aremnogo were'ma hasukwa.