MIKHA 1:6 - Allah Wene Fano Wene Hupla Inane

⁶ Andi nenat nineisena Tuhan nen mel ikhe, ”An nen Samaria mene inaiba andoma o meisalek helep enek kabok lagagunem o leimo andoma afuni nen anggur awi yati logouwageluk hilingisogo figik, o meisalek helep andoma o tonggoma kaboget figik, o tik warek mene mondok weinamet figik, igin o.

MIKHA 1:6 Iomraidhean Croise

2 SAMUEL 17:13

A'nogo meneat he, at ebe heise o kota ekheba laga halok, ap nit mene ninebe mondogaren hele kombi heleba kota andi kelfembik lisogo tonggoma horokhogo andoma pelakfoumo, punu andiba helep we misigat halok ogo ekhe logogin mondok lego,” iluk yagatikhe.

2 RAJA-RAJA 18:10

A'nogo kwi wagaikhesik yafu werek kwelek 3 tahun welagaukwasigen, it afuni o Samaria mene omanogo inomame mondok lek agaikhemo re, arat maben agaukwa. A'nogo hilinglagaikhe andem sambul he, at Hizkia afuni Yehuda mene inoe raja logolik 6 tahun ferinarek were'ma, nen, at Hosea re afuni Israel mene inoe raja logolik 9 tahun were'ma, a'nogo hilinglagaikhe andi.

2 RAJA-RAJA 18:9

At Hizkia afuni inunggulenu Yehuda mene inoe raja 4 tahun ferinarek welagaikhesik, oba nen, Hosea it afuni Israel mene inobaget inoe raja menlagaikhemo 7 tahun ferinarek welagaikhe. Andem oba re ap Salmaneser afuni Asyur mene inoe raja a'nogo nen it Israel mene inoasigiluk wagaikhesik, o Samaria weim kwi wagaikhe.

2 RAJA-RAJA 19:25

A'nogo hilingiten meneat he, o endamat en, Aren a'nogo hilingisuak, iluk an nenat isigi mene andi hat hesanggo holhendek lek nogo? Hesanggo holhendegaro. An nen a'nogo isigi andibaat, yogondak haren afuni inawi kota leget pa'leget helep mene ninghogo wurik mene mondok wulil tagalogo helep som higit asugaeluk hilingiti lagen andi, An nomame wokhetimo mondogat hilingiti lagen o.

YESAYA 17:1

Tuhan nen ikhi logolik, ”Damsyik andi re o kota hak he hilingik logogin lek, oba nen o meisalek enek kabok lagakhi logogin.

YESAYA 25:12

Ap Moap inaben pa' leget mene helep oba omamerogo legeisogo fei lagasukwama uan awanhogo waganek mene andoma re Tuhan nen langgukhogo kweangma lobaget fisamo re wolelenggen taganogo wulhigit hilinglasigin.

YESAYA 25:2

Kota a'nogo re Haren mondok lilibukhogo fegen, nen o kota omame werek awi a'nogore Haren langguk-langgakhogo fegen. O istana raja ebe werek oba ap pok mene nen wuta mene a'nogo re mondogat lobakhogo pikhe, nen hobuk wuti'legat mondok-mondok logogin.

YEREMIA 31:5

Nen hit hineabu anggur yabu o Samaria tom ebene waganogo yakfakhaluk enggen palikhi logogun.

YEREMIA 51:25

Babel hat hebe re tom eil nagulogo waga logolik o kweangma mondogat wolelenggenhogo fikherek hak hilingik welagen. Oba nen hat he, An Tuhan nemberek walhogoin. An nen he, nenggi pisarogo lithea wesimbik he, tom helep unggul oba nen limbil habi wesumo re endu nen nambik wul asuageluk herakhobagagin.

YEREMIA 51:37

O kweang andi re, o meisalegen enek kabok lagagu mene asumo re, mene olomene andoma hina'laguba logogin. Aben he, inamel melhogo nek kwelakhikhi logogun, nen, afuni o andoma werek mene faget ekhe inendawirek logogin lek.

YEREMIA 9:11

An nen a'nogo ugunem he, Tuhan ane ikhi logolik, ”O Yerusalem meisa'lambukhogo hilingisogo figik, mene olomene enggama mene ebe hinago werek oba hangge hilingisogo figik, igin o. Nen, afuni Yehuda mene inawi kota mondogat he afuni inebe le'ma somung logouwageluk hilingisogo fagain aro,” iluk ikhe.

RATAPAN 4:1

Emas eil tibelenggeri'lago mene yi nogo re hobuk eil lombugikhe, helep o Allah Awi wuri'mo omanogo molulukhogo ebekhe kwe telfol ikhe.

YEHEZKIEL 13:14

An na'mage nen he hiren timeng tamulhep mene andi meisalogo pelabigin iluk welagi, nen mondogat erak-kwerak isamo re ubule nek logogin. Leget pa'leget andi langgukhogo waga logolik sebelhinabi wesumo hit hinebe mondogat hinoasigin. Andiba re hiren An hineisena Tuhan welagirek mene a'nogo hinelu asugun.

AMOS 5:11

Hiren afuni inangge lek inelagaik mene sebelogo fisaluk, inamburu gandum he hinenggi abisak helikhi lagep. A'nogo hilingiti lagep andi nen, hit hinebe hinawi fano mondok wurikhi lagep oba andoma logogun mondok lego. Nen, hinagayo anggur awi hineabukwe yago mene andoma enggen amusu ninggi logogun mondok legaro.

AMOS 6:8

At nineisena Tuhan Omame Mondok Hokho mene logolik, Lego Mondok welagarek mene a'nogo nen ane omamerogo ineluet fikhi logolik he mel ikhe, ”It afuni Israel mene inonggwaregen foget fakhagarek andi re An he nabit mondok welagi o. Nen, inogogwi kaindek inaiba mondok fanorogo wurogo welagaikharek mene andoma re An nen nendawimo nagaiyek anggikhi lagi mondok lego. It inawi kota hokho mene andoma inom, yi mene ti mene o kota welagarek mene andoma inom mondogat he it inaselei mene inenggiba fagain o,” iluk ikhe.

MIKHA 3:12

Nen, hiren weak mondok hilingiti lagep andiba, o Sion oba yoma re, yabu wanharek andi hak hilingitik, nen o Yerusalem oba mondok meisak langgukhogo figik, nen punu o Tuhan awi wuri'mo yoma re, e alok-alok agayo ogoi hilingisogo figik, igin o.

HABAKUK 3:13

Haren at raja wenatigin mene a'nogo ili wanhi logolik inom, Hat hagainafuri fikhalogo fisageluk waga logolik inom, ap inogogwi melalinafarek mene inobabut mondok weak mene omanogo inoati lagen. Nen it inom seberogo lagaikharek mene omanogo re, Haren mondok felelenghogo legetfisikhi lagen.

MATIUS 24:2

A'nogo yagatukwama, aren he, ”Hit o wurik andoma mondogat hegeba? Helep oba lou'louk wurik andoma ekhe herakfisigi'lek, we, mondok felelenghogo meisalogo lakfisogoin o, iluk, eberogoat yagahisigi,” iluk yagaisasikhe.