MIKHA 1:4 - Allah Wene Fano Wene Hupla Inane

⁴ A'nogo pi waga logolik tom unggul andoma At eisogen sebelik wagunem he, hendali endu amulogen nunggunem lebelek agarek andi hak hilinglagik. Nen i tom oba nen wilipluk lagarek hak kweang he mesagen waluk o tonggokwe pi lagik, ikherek.

MIKHA 1:4 Iomraidhean Croise

MAZMUR 46:6

At Allah ebe o andoma welagarek andi nen he, o kota andi, leget fisamo re mondok elo'lek. O hil mogolhu kwelek At ebe we'luk leberisugu mondok logogin.

MAZMUR 68:2

At Tuhan he feisakhogo menla'luk At aselei mene telfol isikherek, it afuni At oba inabit anggagarek mene re At elokhoma nen heise wulifarek.

MAZMUR 97:5

At Tuhan o kweangma mondogat sagarek werek mene a'nogo elokhoma andoma nen he tom-tom omanogo hendali hakhogo ubun-ubun lek ari'lago.

AMOS 9:5

Kweang leigetunem afuni inendawimo weak hikhi logogun, andi re At Tuhan Lego Mondok logolik Omame Hokho welagarek mene a'nogo nen sebethugunem hilingiti logogin. I Nil fu wagunem hetogerik lagagik, hibi agunem firitokhogo pigik, ikherek andi hak he, it inalong asimbigen hobuk maben asugun o.

NAHUM 1:5

Nen at elokhoma nen he tom-tom mondogat leigetik, nen punu-punu louk lagenggetik, ikherek. Nen At Tuhan ebe weinam asi wagunem he, kweang mondogat abolok ikherek, nen a'nogo hilingitunem kweangma werek mene inom, afuni inom ogore mondogat inoak abolok ikherek.

HABAKUK 3:10

Hebe wagunem, tom en eilenggen healuk he abolok igik, pogoroba nen i kweangma houwalanghogo pelabi wagik, i kweang elema nen eindep ane hokho mene igik, i ha'labu esinggen foinalogo hugesi lagai wagik, ikherek.

HABAKUK 3:6

Hebe menlasi wagunem he, kweang abolok igik, heilenggen nayo hayo ugunem he, afuni inunggulenu lombok inoagelekwe leigetik, agarek. Tom isa attagaren etok mondok welagarek mene omanogo re sunuk-sanakhogo lobaget figik, punukwe inom, alokwe inom, o endamaren werek mene omanogo wolelenggenhogo legetfigik ikhi lagen, Hat o attagaren heisok filik-filik nikhi lagen kwe mondogat tamuk-tamakhogo lobaget figik, hilingiti lagen andi.

ZAKHARIA 14:4

Inenggi andi sambul At ebe punu Zaitun oba o Yerusalem en mo ero fikhit andoma mendek logogin. Ma re, punu Zaitun andi tonggo elonggo mondogat wogolek mene re tulem kagalasumo mo ero fikhiren pikhit mo erembul fikhit andomaba hilingik logogin. Punu andiba nen minggilogo re abel utara fikhit higil-higil lagik, nen, minggilogo fena re abel selatan fikhit lagik ikhi logogin.

WAHYU 20:11

A'nogo higiri'mo nen, ombo'ne re, Allah kain welagarek oba obuluk hokho kut mene were'ma, at ebe andoma welaga higi. A'nogo were'ma pogot kweang mondogat at agaiserogo legasugun andi nen he, hobuk ineilenggen hogoin legat aga laga higi.

HAKIM–HAKIM 5:4

Nineisena Tuhan hat hebe tom Seir oba nen wulipluk wagunemen, hat hebe o wilayah Edom oba nen herakfisaluk wagunem, kweang abolok igik, nen pogoroba nen i anggwe halogo pelabi wagik, ohenaba nen meiso kweisalogo pelabi wagik, ikhi lagen mene o.