MIKHA 1:11 - Allah Wene Fano Wene Hupla Inane

¹¹ Hit afuni o Safir welagep mene yoma, hele warogo wokhinarek logoin oba andoma hinasu nonggologo lakfisaluk hinenggali nen niknangenggerik logoin o. Nen o Zanaan mene re inailo legengge inawi kota nen wulibi wesugun lego. Nen, afuni o Bet-Haezel mene re wene andoma faget le ari'lagwi mene andi hiren holhambik he, o andoma ogore elele woginabi'lagwiat higi, iluk anggano aro.

MIKHA 1:11 Iomraidhean Croise

YESAYA 16:2

Lak fesukwasik it ap Moab mene re i Arnon aik oba andoma inobakheindok palogo nenanggoti logolik he, sue awi wuri'mo nen silogo wulak fisugunem leil waterek hak hilingiti lagaukwa.

YESAYA 20:4

Raja Asyur mene nen he o kweang pire andem oba afuni andoma hele warogo sebelogo fisambik he inebe inalfulukwa kogouk hilingfisambik lirinarek lagain o. Yaman mene inom, souge mene inom mondogat he inasu laberek legengge ineisok agut kwelabek legengge inalele weinam-weinam o Mesir mene sebel fisikhi logolik enegenggerogo iluk a'nogo lirinarek lagain andi.

YEREMIA 13:22

Hiren ikhi logolik, mondogat andoma nena mene faget nit ninoba asi weri'logo iluk heinok ikhi lagep hea, nenahalok hit hinasu tilip-talaphogo pailak hilinghinabi'lagwi. Hinelurogo o, wene hinoba asi weri'logo andi re hiren weak mondok hokhorogo hilingiti lagep andiba o.

YEREMIA 48:6

Iren ikhi logolik, ”Hit he hinagap telobagaigen he weak-weakhogo lani! No keledai eil polok mene o leikwe nen lagarek higit lani!” ili'lagwi.

YEREMIA 48:9

At Moab awi kota-kota omanogo re mondogat legasumo ap misik iluk ogo andoma ekhe logogin lek enggere, at ebe tarogo hela loakhogore ogolabi woge'ni, iluk ikhe.

YEHEZKIEL 16:37

A'nogo hilingiti lagen andiba re, it haren hendawi hundik hilinginafi lagen mene andoma mondogat he, hat hamolo mene ogo habit mene ogo, An nen andogorogo fisa wesigin. It he hat hebe habel fena-fena haningisogo kwelakhobagambik mendek logolik, hasu nonggologo hilinghobagaumo, halfulukwa kogouk were'ma iren ineilenggen kumuthafi logogun o.

YEHEZKIEL 23:29

Andi re iren hat oba inabit hafunem a'luk he haren likhak warogo hilingiti lagen mene andoma ambisangma enggen ugu re iren telikhi logogun. Nen hat hebe re halfulukwa kogouk logouwageluk herakhobagaumo logolik hambenan hilingiterek mene iluk hobagaumo afuni nen sele'ma nenat kumuthafi logogun. Andi re haren hoba aigage lagagunem hoba amol-mol en,

MIKHA 1:8

A'nogo hilinglasigin ikhe andi nen he, an Mikha nendawimo mondok weak agarik le aga lagi o. Afuni Samaria mene inom, Yehuda mene inom inoumo mondok weak mene inoba agasik, afuni kota kuogeluk pa'leget ambe palekwe nen kwagarek andi hak, weak mene andi afuni an werekwe mene o Yerusalem welagaikharek mene inoba asigiluk wagasik werek andi, An hobuk nendawimo weak aga andi enegat asuageluk su laberek legat nen neisok sepatu kwelabek legat, kwe nikhi logolik, mene ane kouwaterek andi hak inom, sue hugubi ane ikherek andi hak inom ilik nikhi logogin o, iluk igi.

NAHUM 3:5

Tuhan Omame Mondok Hokho mene a'nogo nen ikhi logolik, ”Hat Niniwe yi re, An nen hat hoba enggin-fenggin mondogat hilinghobagagin o! An nen afuni inunggulenu ekhe mene ekhe mene inelokhoma nen hasu laberek welagen mene ari nonggol heamo re, afuni nen hat henggalimongge ineilenggen heogoin o.

ZAKHARIA 14:5

Hit he, punu andi pire pelanget lasumo re fanggong kwe andi nen heise logoin. Hit he attak hun Uzia afuni Yehuda mene faget raja mendek were'ma it inombalak o lugul inailo nen heise lagaukwa a'nogo hak, hilingisugun. A'nogo hilingisumo re, an Neisena Tuhan Allah ebe re malaikat inebe mondogat inom seberogo wesugun.

YOSUA 15:37

Kota ekhe 16 nen ambolkwe yi re o sili desa-desa esanggokwe welagaukwa mene ebere: Zenan, Hadasa, Migdal-Gad, Dilean, Mizpa, Yokteel, Lakhis, Bozkat, Eglon, Kabon, Lahmas, Kitlis, Gederot, Bet-Dagon, Naama, Makeda inom andem.