MIKHA 1:1 - Allah Wene Fano Wene Hupla Inane

¹ Afuni o Yehuda ba welagaukwa mene inogogwi raja Yotam inom, Ahas inom, Hizkia inom hobugalep mendek logolik melalinafu were'ma, Tuhan nen afuni Samaria mene inom Yerusalem mene inom wene inoba asigin mene faget yagaisoageluk, hun Mikha awi kota endepma enu Moresyet mene andiba wene fesikhe.

MIKHA 1:1 Iomraidhean Croise

2 RAJA-RAJA 15:32

Pekah hun Remalya amlogo a'nogo afuni Israel mene inobaget inoe raja menlagaikhesik melalinafu werek kwelek enek he 2 tahun hilinglagaikhemo, at Yotam hun Uzia amlogo a'nogo afuni Yehuda mene inobaget inoe raja menlagaikhe.

2 RAJA-RAJA 15:5

A'nogo hilingitunem he Tuhan nen at ebe agap oba ou mondok weak mene fesikhemo weakhogo werek kwelek enek ebe wa'lagaikhe. Andi nen at ebe eluk logolik he ou weak hikhi logolik yabu hilingiti'legengge logouwageluk o ale'ma wurogo fesukwama werek kwelek he at amlogo Yotam a'nogo at a'ma hakhogo logolik afuni melalinafu welagaikhe.

2 RAJA-RAJA 16:1

Hun Pekah at Remalya amlogo a'nogo afuni Yehuda mene inobaget raja menlagaikhe.

2 RAJA-RAJA 18:1

Hun Ela amlogo Hosea a'nogo afuni Israel mene inobaget inoe raja menlagaikhesik 3 tahun ferinarek were'ma Hizkia hun Ahas amlogo a'nogo afuni Yehuda mene inobaget inoe raja menlagaikhe.

2 TAWARIKH 28:1

Hun Ahas a'nogo re at ebe umur 20 tahun were'ma raja menlagaikhesik he, o Yerusalem oba andoma 16 tahun mendek logolik melalinafu welagaikhe. At ebere ambu hun raja Daud en fano hilingirik laga lagaikhe hakhogo hilingiti'legengge re, Tuhan endawimo weak ugu mane nek hilingiti lagaikhe.

2 TAWARIKH 29:1

At Hizkia a'nogo re ebe umur 25 tahun werek kwelek it afuni Yehuda mene inobaget raja menlagaikhesik he, o Yerusalem oba andoma 29 tahun logolik melalinafu welagaikhe. At Hizkia agaisa re Abia hun Zakharia a'logo a'nogo.

YESAYA 1:1

Wene yi re afuni Yehuda mene inogogwi raja-raja Uzia inom Yotam inom, Ahas inom, Hizkia inom, hobugalep ferinarek logolik welagaukwa andem oba, Allah nen it Yehuda mene inom Yerusalem mene inomen hilingisugun mene faget, Yesaya hun Amos amlogo a'nogo bene nen yagaisoageluk Allah nen weinamhogo yagatikhe.

YESAYA 1:2

Hit pogot inom kweang inom yi sani, Tuhan ane igin enggere furogo holini. Aren ikhi logolik, ”An nagainafuri kulinafik, yanggulinafik, isigi mene omanogo nen An nawe a'ma logou inabiren nane oaksagalhu werek.

YESAYA 7:1

Raja Ahas hun Yotam amlogo Uzia omba andi re afuni Yehuda mene faget raja logolik ferinarek were'ma nen weim kagal agaikhe. Raja Siria mene Rezin andi inom raja Israel mene hun Remalya amlogo Pekah andi inom, misi'mo sebetukwasik Yerusalem mene inoasugun iluk weim kwi wagaukwa, oba nen he iren o kota a'nogo sebeli ku elo'lek agaikhe.

YESAYA 7:9

Afuni Efraim mene inawi kota eroma re o Samaria, nen hun Pekah re Samaria mene faget inoe raja werek andi nen he, hiren An noba tiphogo logogun lek halok eberogo nen he hambukhogo logogun lego iluk ikhe, iluk yaga'no,” isikhe.

YEREMIA 26:18

”Hun Hizkia o Yehuda ba raja mendek were'ma aremnogore nabi Mikha o Moresyet mene a'nogo nen wene Tuhan Omame Mondok Hokho mene a'nogo nen isikhe mene afuni inoba yagaisikhi logolik, Sion he yabu kweang mogolherek andi hakhogo mogoligin, Yerusalem he o meisalek kabok lagaikharek hakhogo hilinglasigin, nen Tuhan andom Horek oba a'nogo re engga nek kurogo taik igin o, iluk yagaisikhi lagaikhe.

HOSEA 1:1

Wene yi re Tuhan nen hun Beeri amlogo Hosea a'nogoba o kerajaan Yehuda ba andoma re ap inogogwi raja-raja Uzia inom, Yotam inom, Ahas inom, Hizkia inomen ferinarek were'ma. Nen, afuni Israel mene inobaget he Yoas amlogo Yerobeam a'nogo nen ferinarek were'ma, wene yi'nogo yagaisoagaluk yagatikhe mene palek werek.

HOSEA 4:15

Hit afuni Israel mene nen he An noba hinendawinggen tiphogo logolik hilingiti lagep lek! Oba nen it Yehuda mene andi re hiren hilingiti lagep andem hakhogo hilingiti logoinogo. Hiren o Gilgal iluk ogo nen o Betel iluk ogo wene kabogesugun iluk ekhe hilingisu fuk. O andoma nen Tuhan Eluk Mondok welagarek agun a'nogo enuba hombuk palu fugat.

HOSEA 8:14

Afuni Israel mene nen inawi o istana sili pumbuk wurili'lagwiba nen iren ap ebe elalinafikhe agun a'nogo inonggot ari'lagwi. Afuni Yehuda mene nen inawi kota omamerogo wurilik lagali'lagwi, oba nen he An nen it inawi istana sili andoma inom, inawi kota andoma inom endu noageluk pelabi wesigin o,” iluk ikhe.

AMOS 1:1

Ap Amos andi ebere domba konhi lagaikhe mene awi o kota Tekoa agun welagaikhe. At ebere it Yehuda meneba andoma hun Uzia raja logolik melalinafu kwelek, nen it Israel mene re raja Yerobeam hun Yoas amlogo a'nogo logolik melalinafu kwelek andem oba Amos ebe nabi menlagaikhe. Menlagaikhesik tahun pire wela'luk o lugul oan langhigi'lek werek kwelek, At Allah nen he Amos oba afuni Israel mene inobaget wene yagatikhe.

AMOS 6:1

A'nogo ikhesik hobuk ekhe mel ikhe: ”Hit o Sion hinagaiyekhogo welagep mene andoma inom, nen hit o Samaria fanorogo welago iluk anggikhi lagep mene andoma inom, hit afuni hinunggulenu Israel mene hinogogwi kaindek hinebe lego welagep mene yi nen he, wene fanorogo pilingisogo yaganisoageluk it hinagoromi re hit hinoba wagaikharek andi nen he, eige hit he alomat hinabigin o.

MIKHA 1:5

Afuni Israel mene nen he, Allah inabithogo logolik, ane sagalogo weagenek hilingiri'lagwi andiba re, wene igi mene andem mondogat hilinglasigin o. Ero sa weak elekwe afuni Israel mene weak hilingiri'lagwi nogo? Ero re o kota Samaria eroma werek mene omanogo inonggwaregen aro. Nen, ero sa weagen it afuni Yehuda mene tugwi kembu fogerari'lagwi nogo? Ero re it afuni o Yerusalem mene inonggwarek weagenaro.

MIKHA 3:9

Yago, hit ap kaindek afuni Israel mene inobaget welagep hinap yi sani, an nen nane igin mene andi re furogo holini o. Hiren he afuni inawene katokhogo palinafi'legengge hilingfisikhi logolik, agaumhogo re weak mene nek hilingfisikhi lagep.

HABAKUK 1:1

Tuhan ane Habakuk en yagaiagaluk oba fugunem abikanggoba yethasikhe re, yi.