MAZMUR 13:5 - Allah Wene Fano Wene Hupla Inane

⁵ It naselei mene nen ikhi logolik, niren omame leget fogo, iluk yaganetik, nen an nalo-halo ugunem iren endo ya'nafik, uageluk herak nobagagun o, neisena.

MAZMUR 13:5 Iomraidhean Croise

YUDAS 1:21

A'nogo ikhi logolik, hinendawimo nen, ”Ninoe Enupogot Yesus Kristus ninebe endawi nen, nit hobuk nabulal-habulal hilingninabigin,” iluk, nenangorogo logolik he, at Allah nen ninebe endawi andi re, hiren at hinom hundigat logoino o.

YESAYA 12:2

Eberogo nen Allah andi re an nagap telnaferek mene werek, andi nen he an nen At oba' nendawinggen eberogo himbiret welagi. Aren an nendawinggen hambuget nobagagunem he, an nailo legengge welagi. An nagap telnaferek mene re Allah andiat, At obaget an nen wuni wati logogin.”

HABAKUK 3:18

an telnaferek mene re neisena Tuhan Allah werego, iluk, nendawimo nagaiyek hikhi logolik wuniba Allah fogerati logogin.

MAZMUR 52:8

A'nogo hilingitunem ineilenggen hisaluk he, ap Allah ane hologo hilingitarek mene omanogo inailo nen, endo yakhafi logolik, yi'nogo ikhi logogun:

MAZMUR 9:14

Tuhan neisena! it afuni an naselei mene nen noba ou pourogo nek hilingnabi'lagwi mene andoma heilenggen nean o, An hendawi nealuk wa'lagaikharek meneba andoma nen fagaisogo wulak nobagaime o.

MAZMUR 119:81

Haren an nagap telnabi we'lep iluk an nendawimo warikhi logolik welagi, an he Haren wene watnetigin mene a'nogoba eberek logolik welagi.

MAZMUR 36:7

Haren higithogo nek hilingninobagakhi lagen mene andi re tom unggul uan mene wolonghogo liabek andi higit werek, nen Haren hawene melalek werek mene andi re i laut unggut uanhogo yenggelek andi higit werek, afuni inom yi mene ti mene lebeterek mene andoma inom mondogat he Harenat halinafu mandok welagen.

MAZMUR 33:18

It afuni wene melalek fifurogo hilingiri'lagwi mene inom, nen endawit ninabuageluk oba eberek mondok werek mene inom Aren ferinarek mondok werek.

MAZMUR 32:10

Afuni weak hilingitarek mene re, yi enggin ti enggin inoba hokhorogo wagarek. A'nogo meneat he, it ekhe inendawinggen nineisena Tuhan oba himbirik welagaikharek mene re, inebe endawi nen he, ferinarek mondok werek.

LUKAS 1:47

Allah an telnafe mene a'nogo nen yi'nogo hilingnafemo nendawimo nagaiyek hokhorogo hikhi lagi o.

MAZMUR 147:11

We At Tuhan he it afuni At oba inailorogo logolik hilingitarek mene andi inom, nen afuni Aren endawi hundik hilingninabuageluk oba eberek werek mene andi inom, inoba nek he agaiyek mondok werek.

MAZMUR 51:12

Neisena Allah, Haren an nendawinggenma fano horek mene hilingisogo nobagain o. Hoba lomborogo mondok logouwageluk, hareagun nendawimo peterogo fembik, nobabut ket mene hilingisogo nobagain o.

1 SAMUEL 2:1

At Hana nen Allah fogerati logolik, samban oba mel isikhe: ”Neisena Tuhan nen fanotnafenma nendawimo nagaiyek hikhi lagi o. Haren hilingitendek mene andi re, nendawimo nagaiyek anggigirek mene nek hilingiti lagen o. Hat neisena Allah nen lebetnafenma, nendawimo nagaiyek oba it naselei mene nen inane asegen wo'nabi'lagwi mene omanogo re, an nen ogo pilibinafi logogin aro.

LUKAS 2:20

Nen, it ap wam konhu welagaikharek mene omanogo ineilenggen hasukwasik hobuk inambotkwe waga logolik he, ”Wene malaikat en yaganisaga a'nogo higithogoat hilinglagama nineilenggen higik, ninesanggo holhik, ogo o,” iluk, Allah fogeratik, hai watik, ilik wagaukwa.

MAZMUR 25:2

Neisena Allah, an he we Hat hoba nek nendawimo eberogo anggikhi lagi o! Nen it afuni an naselei mene nen pelaknobagakhi logolik, nenggali warogo hilingnobagauwageluk herak nobagagun o, neisena.

MAZMUR 38:17

An nebe nonghonghogo welagi mene andi re, it naselei mene nen ineil neambik inagaiyek asuageluk herak fisa fuk. An neisok omame lek a'luk talo-talonggetu halok iren inaneba weregabesi nogoluk heraknobagagun o.