MAZMUR 127:2 - Allah Wene Fano Wene Hupla Inane

² Allah againafuri endawi hundik welagaikharek mene it inebe nogo ugu kwelek, Aren nogoin mene waganogo fouget fikherek andi nen he, it afuni ekhe nunggu mene faget herarik, hup siakhogo wulibluk he, yabu hokhorogo hilingirik nikharek. Hilingirik laga la'luk he o hubanggo kwi wagaikharek, a'nogo hilingitarek andire we alomarogo hilingitarek.

MAZMUR 127:2 Iomraidhean Croise

AYUB 11:18

Hat hebe hambukhogo logolik hendawimo eberek enek logogin. Nen, At Allah nen he hat fetharek were'ma re hailo legengge hoba fanorogo nek logogin.

MAZMUR 3:5

An nen nane ninghogo Tuhan yagatunem he, At Andom horek meneba omanogo nen nane onggo yaganeri'lago.

MAZMUR 4:8

Afuni nen inangge enggen palikhi logolik inendawimo inagaiyegetarek mene andi re maben hak oba nen he, an he nendawimo Haren mondok nagaiyek hokho mene kwelaknobagakhi lagen.

MAZMUR 60:5

Nit Hat hagainafuri a'nogo enggin-fenggin mondok elo'lek mene hoageluk hilingninobagegen. A'nogo hilingninobagegenma re, ap i lugu lugwi palharek mene naluk talo-talogenggerik lagaikharek higit, nit a'nogoat hilingirik laga lago o.

AMSAL 10:22

Tuhan nen fanot fisugunem afuni inenggi werek mene hilinglagaikharek, yabu inomamerogo hilingisugun andiba inangge ekhe inom hilinglasumo re, elo'lek.

PENGKHOTBAH 1:14

Afuni o kweangma yoma nen hilingiri'lagwi mene andoma mondogat he an nen isigirek enek. Oba nen he yethani, mondogat a'nogo hilingiri'lagwi mene andoma re we alomarogo sogoi murok lagaikharek hak hilingiri'lagwi.

PENGKHOTBAH 4:8

Ap ekhe eisok we misik mene re at againafuri lek, nen agaila'lak ogo legat mene werek. A'nogo werek meneat he aren yabu nek omamerogo hilingirik lagarek andiba angge andoma nen oba homot fikherek lek. Andi nen he aren agaiyek hikhi logolik werek mene a'nogo herakfuluk likhak wulagaisogo hilingiri'lago mene andoma re sa faget hilingirik lagarek nogo? A'nogo hilingitarek mene andoma ogore we alomarogo aro, nen andoma re inoba enggin-fenggin hikhi logolik mondok werek.

PENGKHOTBAH 5:12

An nen neil penetunemen he o kweangma yoma inamel-mel asu hak mene misik ekhe were'ma hikhi lagi: Ap ekhe nen he anggolo asigin sambul faget iluk angge yi mene ti mene andogorogo fakhikherek.

PENGKHOTBAH 6:7

Afuni nen yabu hilingitarek andi re nunggu mene faget helagarek, oba nen he inoba homot fisikherek mene ekhe werek lek.

YEREMIA 31:26

Andem sambul afuni nen ikhi logolik, ”An nogo homokhogo igirik he noba mondok fisok ikhe o,” iluk ikhi logogun.

YEHEZKIEL 34:25

An nen it ninom wene wati logolik, it inebe inendawinggen hambukhogo logouwageluk abok wene warisagain. An nen he mene olomene nen senggeli'logo mene andoma mondogat he o kweangma mondogat mugusogo wulak fisagainmo re An mene nanggo domba andoma re inendawinggen hambukhogo leikwe welagik, o engga ogoikwe nogogik, ikhi logogun.