MAZMUR 127:1 - Allah Wene Fano Wene Hupla Inane

¹ Wuni Salomo nen watikhe awuni. O Tuhan nen wute lek mene halok he, it ap o wutarek mene andoma re yabu we alomarogo hilingitarek. Nen At Tuhan nen o kota kagalek werek lek halok he, it ap o andoma faget kagalek werek mene andoma re we alomarogo kagalek welagaikharek.

MAZMUR 127:1 Iomraidhean Croise

1RAJA-RAJA 5:12

Tuhan nen Salomo ba wene wareti logolik he, ”Hendawinggen wenggelek logogin mene wokhesigin,” iluk abok yagatikhe mene a'nogo tiphogo wogetikhe. Wogetikhemo re, Salomo nen he raja Hiram inom hundik logolik he, ninom fano a'nogo hundik logogun, iluk wene wat-wat agaukwa.

1 TAWARIKH 28:10

Tuhan nen hat wenak hafi logolik, Haren o At aiba enogo amu wusuageluk wenak hafe mene andi furogo wenggel hano. Enggere yogondak hat hendawimo nen o andi wusigin iluk ninghogo wu'no,” iluk yagatikhe.

1 TAWARIKH 28:20

Andi nen at Daud en amlogo Salomo ba ekhe inom yagati logolik he, ”Hat he hendawinggen hambuk haluk hailo lekhogo hilingi'no. Amu meneba ekhe hailo asu fuk, yabu andi re erorano at. Tuhan Allah an nen fogerati lagi mene andi nen hat lebethiikhi logogin. Nen, Aren he hat herakhobagaluk lagain mondok lek, we hat hera'lu werek kwelek enek yabu andi mondogat eil homokhogo wusigin.

1 TAWARIKH 29:19

An namlogo Salomo ba re, Haren wene melalek a'nogo endawimo nen fi-furogo tibet fuluk hilingiti logouwageluk wogetik, o wene kabogetuba wusuageluk an nen ongge tik-tukhogo hilingiti mene andi wusigin endawimo anggikhi logouwageluk wogetik, hilingiti logoin o, neisena,” iluk sambanisikhe.

MAZMUR 120:1

Samban oba kabogesuogeluk laga logolik ikhi lagaukwa awuni. An noba enggin-fenggin logolik neisena Tuhan yagatunem, Aren onggo yaganeterek.

MAZMUR 121:1

Allah awi wuri'mo lagakhi logolik wuni watukwa awuni. An koma nen lebe'nea wesugun? iluk neilenggen tom oba liago-liago welagirek.

MAZMUR 122:1

Wuni Daud en watikhe mene Allah awi wuri'mo lagakhi logolik fogerati lagaukwa awuni. It afuni ekhe nen he, nineisena Tuhan aiba lagauwogen eme! iluk yaganetunem nesanggo holhiresik he, an nendawimo hokhorogo nagaiyegeti lagi.

MAZMUR 123:1

Allah awi wuri'mo lagakhi logolik wuni watukwa awuni. Tuhan neisena Hat hebe o pogoroba melalinafi lagen mene a'nogo, an neilenggen Hat hoba liakharek logolik welagi.

MAZMUR 124:1

Wuni Daud en watikhe mene Allah awi wuri'mo lagakhi logolik watukwa awuni. Tuhan ebe nit werekwe a'lep lek logoumo nen he, ninggin la'lep anggegep? Hit Israel mene nen, nane wurep waganogo mel ikhi logoino:

MAZMUR 125:1

Samban ugunem lagakhi logolik ikhi lagaukwa awuni. Afuni Tuhan oba inendawinggen eberogo anggagarek mene andi re, Punu Sion hambuk lele warek were'ma abolo'lek mondok-mondok welagarek andi higit werek.

MAZMUR 126:1

Allah awi wuri'mo lagakhi logolik wuni watukwa mene. At Tuhan nen o Yerusalem a'nogo ambotkwe fanot fesikhemo, niren kwelakhasugu re inabi wokhugu mene hak hilingi'mo hasugu.

MAZMUR 72:1

”Allah neisena, Hat hawene melalek andi at raja ba yagati logoin o, Haren wene katokhogo hilingiti lagen mene andi at raja amlogo andiba wogoti logoin o.

MAZMUR 78:69

Aren he awi ebe werek oba pogoroba omanogo hakhogo wurasikhe, nen kweang mondok wurik meneba hakho mondok-mondok logogin mene wurasikhe.

AMSAL 16:9

Afuni nen he hilingisugun mene faget ebet-ebet hilingitarek, oba nen, it hilingirik logoin kwere At Tuhan nen enek sikhiphogo ikherek.

PENGKHOTBAH 9:11

O kweangma yoma ekhe yi'nogo hilingitunem isigiregat. Afuni inebe lombok inoba hilinglasigin ilugat hilinglagarek andi nen he, it afuni sa awewerek-sa awewerek walhugunem at ekhe awe werek agarek mene andi nek onggo helikherek fuk. Nen, weim yafi logolik inomame agaikharek mene andi, hobuk yafi logolik inomame agunem isigirek legat. Nen, it inendawinggen kagalek mene andi, inebe mondogat inamburu yi mene ti mene oba heilarogo nek nunggunem isigirek legat. Nen, inobabut hebelek mene andi, inebe mondogat inangge yi mene ti mene hokhorogo nek hilinglagunem isigirek legat. Nen, it yi wene ti wene inelu mene andi, inebe mondogat inenuwerek agunem isigirek legaro.

KIDUNG AGUNG 3:3

A'nogo hilingiti logolik, ap o hubanggo kota kagalek werek mene ninom ambi a'luk he an nen it inoba heinok wogisikhi logolik, ”Hit he an nendawinggen hundik mene andi ekhe hegeba?”

KIDUNG AGUNG 5:7

A'nogo hilingitemo an he ap o hubanggo o kota kagalek werek mene ninom ambi agosik, iren an nebe yei warogo nagap palfagasik he nasu laberek welagi mene ina'mageba nonggologo helaga.

YESAYA 27:3

An Tuhan nebere halhu mene logolik, hundik-handik i kweisalhu mondok welagirek, It ekhe nen menggelinogoluk lingge hundik hup hundik An nen kagalek mondok welagirek.

YESAYA 56:10

Tuhan nen ikhi logolik, ”An nunggulenu mene inogogwi kaindek ferinarek mene andoma re, ap ineilenggen humunik mene werek! It he, yi'nogo ti'nogo mondogat inonggot. Iren he mene ane hobul warek mene nen helaik eti'legengge nogoba nek hilingiti logolik abi wokhugu welagarek a'nogo hangge werek. It he nogo nek ikhi logolik werek mene andi nek inagaiyek mondok werek.

YESAYA 62:6

leget pa'leget o Yerusalem oba andoma An nen ap kagalek mene menfisilik lagain. A'nogo logolik linggene nen pikhit hubanggo re alokhogo welagi'lek hundik-handik Allah nen wene watnisasikhe mene a'nogo faget ebetu mondok logogun.

YEREMIA 51:12

Babel en pa'laget leget waganek mene andomaba hou sali laluk kwi logoin nen he enegengge feni o. Nen, ap salek mene re omamet feino. Ap inera'lu mendek mene re fouget feino. Ap kwe palinafu mene re fik foukhogo hilingi'no!” iluk ili'lagwi. Tuhan nen he afuni Babel mene inoba hilingfisagain iluk wenggelogo fikhe mene a'nogore mondogat hilingite.

YEREMIA 51:31

O kota a'nogo unggut fena-fena pin kwi wagaikha o, iluk inoe raja Babel mene a'nogo yagasuogeluk he, ap yonggo hobugalep lagik wagik hilingiri'lagwi.

1 KORINTUS 15:14

At Kristus wa'lagaikhemo Allah nen eluget feilep le'ma re, niren wene we tulemat yagaisikhi logoilo. Nen, hiren ogo re, wene eberogoat iluk wanhigip andi re, we tulemat wanilebo.

1 KORINTUS 3:7

Ebe esin enu werek he, awi yaterek mene andi fuk. I kweisalik lagarek mene andi legaro. We, esin enu werek he, Allah nen ebe hokhotfikherek andiat enu werego.

GALATIA 4:11

An hit faget ninghogo set kwil kwalhogo hilingirik nikhi lagi a'nogo we tulemat asigin he a, iluk, nendawinggen enggin nabi'logo nen igi.

ULANGAN 8:18

We, nineisena Tuhan Allah nen yi mene ti mene yoma wo'nisili'lago higi, iluk hinendawimo eberek logogun o. Aren ninombalak yagaisikhi logolik, an nen hit yi'nogo hilinghinafi logogin, iluk wene warisasikhe andi nen, a'nogo hilinghinafu mondok huli yogondak hinoba eberek mondok werek andi.

YOSUA 2:2

A'nogo were'ma afuni nen he, ”O yogondak hubanggo yi afuni Israel mene o Yerikho yoma ineil penesi wagaikhasik werek,” iluk ugunem at kain enupogot o Yerikho mene esanggo holhikhe.