LUKAS 9:51 - Allah Wene Fano Wene Hupla Inane

⁵¹ A'nogo yagaisasikhesik he, at Yesus ebe Allah nen pogoroba liakfagain arat higit asi wagaikhemo re, at endawimo nen, o Yerusalem pigin, iluk ninghogo menenei ebetikhesik he, kwe wanhikhe.

LUKAS 9:51 Iomraidhean Croise

2 RAJA-RAJA 2:11

Emberek seberogo laga logolik weneane marik wonghogoat lagunemen he, ferekhogo aremnogo kereta endu kulunghogo wam kuda nen li'luk waga logolik it emberek aremnogo minggilinabik wagaikhesik he at Elia a'nogo sogoi sielu nen hambokhogo kini-wani waluk pogoroba lagasikhe.

MARKUS 16:19

Wene a'nogo arat yagaisasikhemo re, at Allah nen Yesus ebe pogoroba waluk lagasikhe. A'nogo waluk lagasikhemo era'lu enggi ebekwe hutfesikhemo kainat welagarek.

LUKAS 12:50

Afuni yoma ima pelaginafarek andi hangge, an yi enggin ti enggin hilingnabugun mene re, oan werek kwelek, nendawinggen mondok heiselnafunem welagi.

LUKAS 13:22

A'nogo yagaisaluk he, hobuk at Yesus o Yerusalem pikhi logolik, o sili hokhoma kwigik, endepma kwigik, wene yagaisilik pisikhe.

LUKAS 17:11

Hobuk inenggi ekhe sambul he, at Yesus o Yerusalem pikhi logolik, o Samaria pelakhigik, o Galilea liakhigik, tulemkwe pisikhe.

LUKAS 18:31

At Yesus a'nogo yagaisasikhesik he, agoromi inebe 12 nen omanogo woginarek he, inale'ma tegelogo lagaukwasik mel yagaisasikhe: ”Nagoromi. Nit yogondak o Yerusalem pikhi lago. Arat pumo nen he, it ap attak Allah ane yagaisikhi lagaukwa mene omanogo nen, an abat ta'lasi wagagi a'nogo hobuk hilingnabugun mene lisu palogo fesukwa mene higithogoat hilingnabugun o.

LUKAS 19:11

At Yesus nen a'nogo yagaisasikhesik, inesanggo holek werek kwelegat, o Yerusalem arat horokhogo asi lagaukwasigen he, it afuni omanogo inendawimo nen mel anggasukwa: ”Allah nen awe a'ma inobagagin andi yogondak yaat ninobagagunem nineilenggen hogoin o,” iluk inendawimo anggasukwa andi nen he, at Yesus nen wene ekhe oba lirogo mel yagaisasikhe:

LUKAS 19:28

Wene a'nogo arat yagaisasikhesik he, afuni omanogo oan werek kwelek, at Yesus ebe attagat, o Yerusalem lagasikhe.

LUKAS 24:51

A'nogo hai warinafu kwelek aremnogoat he, it andem werek kwelek, Allah nen, at ebe hambokhogo waluk pogoroba lagasikhe.

LUKAS 9:57

At Yesus agoromi inom kwe lagunem, at ap ekhe nen Yesus yagati logolik, mel yagatikhe: ”Noe. Hat koma kwe lagen halok he, an hombo'ne mondok nikhi logogin o,” iluk yagatikhe.

YOHANES 13:1

Nen, ohealekwe seni enu Paskah a'nogo mene nouwogeluk, at Yesus nen ”An afuni o kweangma yoma fisaluk neisena oba nambotkwe lagagin a'nogo, arat horogasi waga,” iluk, at elu welagaikhe, nen at onggwarek agoromi kweangma mene endawinggen hundik welagaikhesik, hobuk inebe abit agi'lek endawinggen hundik mondogat welagaikhe.

YOHANES 16:28

An nebe Allah were'ma nen afuni kweangma mene inoba pi wagagi meneat he. Yogondak it kweangma yoma fisaluk neisena oba nambotkwe lagagin o,” iluk yagaisasikhemo,

YOHANES 16:5

hobuk, at an nebe laknobagai wagaikhe mene a'nogo oba lagain meneat he, hit ekhe nen, noe, hat o koma lagain, iluk noba heinok wo'niikhi lagep mondok lego.

YOHANES 17:11

Yogondak an he, kweangma yoma inukhogo logogin lego. We, hat hoba wesigin meneat he, it enek he, kweangma yoma logogun o. Hat weak hilingiti'lek tegelek mondok welagendek mene, Neisena. Nit nemberek ninebe misigat welagorek a'nogo hak, it a'nogoat inebe misigat logouwagen he, hat henu esin mene an salnafigin andiba, it ferinarek logoino, neisena.

YOHANES 6:62

An abat ta'lasi wagagi a'nogo attak welagagiba hobuk nambotkwe lagagunem hineilenggen nealuk, hinendawimo ninggi'nogo anggogoin?

KISAH PARA RASUL 1:2

at eisena nen ebe pogoroba liakfesikhe andi huli, lisu palogo lakfei wagagi andi. At ebe pogoroba oan liakfigi'lek werek kwelek, at agoromi inebe wenagaisogo inayonggo fesikhesik lakfisageluk isikhe mene omanogo Allah Areagun omameba komorinafikhe.

KISAH PARA RASUL 1:9

Wene a'nogo arat yagaisasikhemo, Allah nen at ebe pogoroba liakfugunem, ineilenggen werek kwelegat ohena nen salhikhemo re, ineilenggen hobuk higi'lek.

FILIPI 3:14

Andi hela lageluk wene misigat mene yi at hilingiti lagi. Andi ebe re, nobabut attak hilingiti lagagi mene herakfisaluk, hobuk ket mene nelokhoma werek mene andi hela lageluk nomamerogo murok laga lagi. Kristus Yesus ninom hundik were'ma, at Allah nen nayonggo fikhi logolik he: ”Fano mene pogoroba mene wokhesigin,” iluk abok yaganetikhemo, ebe hela lageluk, sa eisok werek sa eisok werek fungusek lagaikharek andi hak, nomamerogo murok laga lagi.

1 TIMOTIUS 3:16

Wene andi, nit Allah awe a'ma logolik eberogoat iluk anggogorek wene hinago welagaikhe mene Allah nenat fakhogo weinamet fesikhemo, ”Wene andi esin,” iluk fakhogo ikhi lago. Andi re: At Kristus ebe afuniat weinam agaikhe o. At Allah Areagun nen, ”At Kristus andi eberogoat,” iluk sele'mat fesikhe o. It malaikat Allah nen yonggo pelakfisa wagarek mene ineilenggen hasukwa o. Agoromi nen at hilingiti lagaikhe wene a'nogo yi afuni ti afuni endakwe mene yagaisilik lagaukwa o. Afuni o yi awi ti awi mene ekhe hokhorogo aren, ”At ebe eberogoat,” iluk, inendawinggen at oba himbiret fesukwa o. At Allah nen pogoroba fogeratu mondok welagaikhare'ma liakfesikhemo welagarego. Wene andi re, at Allah nenat weinamet fesikhemo fakhogo ikhi lago o.

IBRANI 12:2

A'nogo laga logolik, omanggum ninendawinggen Yesus oba himbiret fouwageluk, arenat ninendawimo kagalhik, huli wurep oba fano katokhogo mondok asi loageluk, arenat kwelakninarek welagik, ikherek andi nen he, arat nit nineilenggen en waluk murok laga logouwogo. At endawimo nen he, ”Inenggali warogo inebe eba menfisaluk inoatarek andi hak, an a'nogo noasugun nenggali,” iluk anggigi'lek, we, ”An hobuk nendawimo nagaiyek anggagain,” iluk at ebe watu kwelek afe morogo wa'lagaikhesigen, hobuk eluk agaikhesik yogondak Allah kain welagarek oba andoma era'lu kainat werek.

IBRANI 6:20

At Yesus nit faget kwe ebekwe yatikhesik o andoma kwisikhesik, ap Melkisedek Allah eisewerek logolik hilingiti lagaikhe andi hak, mondok-mondok hilingiti logogin mene Allah eisewerek kain agaikhesik welagarek andi.

1 PETRUS 3:22

At ebe eluk agaikhesik he, pogoroba lagasikhesik, Allah era'lu kain logolik, malaikat Allah nen yonggo pelakfisa wagarek mene omanogo inom, inogogwi kaindek mene inom, inomame hokho mene inom, ferinarek welagarego.