LUKAS 9:44 - Allah Wene Fano Wene Hupla Inane

⁴⁴ ”An wene yagahisagain yi fanorogo futfikhi logoni o. An abat ta'lasi wagagi a'nogo aben yonggo lambik it ekhe nen noasuageluk inenggiba nobagagun o,” iluk yagaisasikhe meneat he,

LUKAS 9:44 Iomraidhean Croise

2 SAMUEL 24:14

A'nogo yagatikhemo at Daud en onggo ikhi logolik he, ”Eige! An a'nogo re alomat lagi o! Oba nen he At Tuhan andi re endawi hundik hilinginafu aple andi re mondok hokho hilingi'mo afuni nen unggum noba fogoin andi re elo'lek hilingi'mo we nit ninebe mondogat At Tuhan nen unggum ninoba fagain andiat fano o,” iluk yagatikhe.

MATIUS 16:21

Huli andi huli nen he, at Yesus nen agoromi ane wanhi lagaukwa mene omanogo at hobuk hilingisigin mene fakhogo mel yagaisasikhe: ”An o Yerusalem a'lima lagain welagi o. Lamo re, it ap inaluendek omanogo inom, Allah eisewerek mene inogogwi kaindek inom, Allah ane lisu palek inelu mene inomen, yi enggin ti enggin hokhorogoat hilingnabimbik nebe noasugun o. Noasumo, nebe warek nenggi pire logombik he, nenggi ekhe henaganek meneba re Allah nen neluget nabigin o,” iluk fakhogo yagaisasikhe.

MATIUS 26:2

”Ninenggi pire logombigen seni Paskah hilingisugun andi hit hineluaro. A'nogo hilingitu kwelek, an abat ta'lasi wagagi a'nogo, aben yonggo lambik, it ekhe nen eba mennobagambik noasuageluk inenggiba nobagagun o,” iluk yagaisasikhe.

MARKUS 8:31

At Yesus nen a'nogo komorinafikhesik he, wene hobuk ekhe mel yagaisasikhe: ”An abat ta'lasi wagagi a'nogo re, it ap inaluendek inom, Allah eisewerek mene inogogwi kaindek inom, Allah ane lisu palek eisewerek mene inom, inomen an nebe inabit asimbik yi enggin ti enggin hokhorogoat hilingnabimbik, nebe noasugun o. Noasumo nebe nenggi pire warek logombik he, ekheba neluk asigin o,” iluk

LUKAS 1:66

A'nogo ikhi lagaukwama inesanggo holhukwasik he, ”Allah nen omamerogo fanot fikhemo higi,” iluk ineilenggen hasukwasik, inendawimo ebeti logolik he, ”Yenggerek yi alue asimbik he, ninggi'nogo hilingiti logogin,” iluk ikhi lagaukwa.

LUKAS 18:31

At Yesus a'nogo yagaisasikhesik he, agoromi inebe 12 nen omanogo woginarek he, inale'ma tegelogo lagaukwasik mel yagaisasikhe: ”Nagoromi. Nit yogondak o Yerusalem pikhi lago. Arat pumo nen he, it ap attak Allah ane yagaisikhi lagaukwa mene omanogo nen, an abat ta'lasi wagagi a'nogo hobuk hilingnabugun mene lisu palogo fesukwa mene higithogoat hilingnabugun o.

LUKAS 2:19

Meneat he, at he Maria a'nogo nek he, wene isukwa mene omanogo endawinggenma wanhikhesik he, menenei ebeti lagaikhe.

LUKAS 2:51

A'nogo iluk he, at Yesus agaisa eisena inom o Nasaret lagai wagaukwa. Lagai wagaukwasik logolik, at agaisa eisena inane fanorogo hologo hilingiti lagaikhe. Nen, agaisa re, wene omanogo mondogat endawinggenma wanhikhesik eberek mondok welagaikhe.

LUKAS 24:44

Nasikhesik he, it omanogo mel yagaisasikhe: ”An hit ninom logolik yagahisikhi logolik he: An hilingnabugun mene lisu Musa nen palhik, ap Allah ane yagaisikhi lagaukwa mene omanogo nen palhik, it ekhe nen buku Mazmur oba palhik, palogo fesukwa andi higithogo, an arat hilingnabugun, iluk yagahisikhi lagi a'nogo ebe arat hilinglaga yi o,” iluk,

LUKAS 9:22

A'nogo komorinafikhesik he: ”An abat ta'lasi wagagi a'nogo, it ap inaluendek inom, it ap Allah eisewerek mene inogogwi kaindek inom, Allah ane lisu palek inelu mene inom. Inomen, an nebe inabit asimbik, yi enggin ti enggin hokhorogo hilingnabimbik, nebe noasugun o. Noasumo re, nebe nenggi pire warek logombik, henaganek oba re, Allah nen neluget nabigin o,” iluk, yagaisasikhe.

YOHANES 16:31

A'nogo yagatukwama, at Yesus nen he, ”Yogondagen arat futnobagageba?” iluk yagaisasikhe.

YOHANES 16:4

A'nogo hilinghinafa halok he, hinendawimo nen he, wene yi, aren attagat yaganisikhe a'nogo arat hilingninabi'lagwi yi, iluk hinendawimo ebesubagaigen iluk, wene andi mondogat yagahisigi o,” iluk yagaisasikhe. At Yesus nen wene a'nogo yagaisasikhesik he, hobuk ekhe mel yagaisasikhe: ”An hit ninom yoma welago andi nen he, wene yi mondogat hit hinayonggo fikhi logolik yagahisigi'lek welagagi meneat he,

YOHANES 19:11

at Yesus nen he mel yagatikhe: ”At Allah nen he, Haren wene afuni inoba figik, kotik, ikhi logoino, iluk hat eisewerek fagailep le'ma re, haren wene noba fagain elole'k aro. Andi nen he, Haren weak hilingiten, iluk wene hoba endebat hak werek meneat he, at ekhe nen an nebe waganogo hat henggiba nobagai waga mene andi nek he, weak hilingite iluk wene hokho mene hak oba werego,” iluk yagatikhemo,

KISAH PARA RASUL 2:23

Mene re, at Allah elu logolik, endawimo nen, a'nogo hilingisuago, iluk anggasikhebaat, Yesus ebe hinenggiba fesikhemo, hiren ap inobabut weak mene inenggi waganogo, at ebe eba menfuluk watep andi.

IBRANI 2:1

Andi nenat, afuni i soba lagunem i nen woginarek lagarek andi hak, nit ebe wene andi herakfisamo ekhema wo'ninarek lanogo iluk, wene ninesanggo holhugu mene andi ninghogo fisogo logouwogo.