LUKAS 9:42 - Allah Wene Fano Wene Hupla Inane

⁴² Yagatikhemo, yenggerek a'nogo Yesus oba horokhogo waluk wagu kwelek aremnogoat, munggwarengge obabut weak mene a'nogo nen yenggerek a'nogo kweangma talorogo weing lagaikhe. Weing lagunem he, enggi eisok senap koluk isikhe. A'nogo hilingitikhemo, at Yesus nen munggwarengge obabut weak mene a'nogo wenagetikhesik he, yenggerek a'nogo fano higirogo eisena wogetikhe.

LUKAS 9:42 Iomraidhean Croise

1RAJA-RAJA 17:23

A'nogo eluk agaikhemo, at Elia nogo ikherek oba nen yenggerek a'nogo agaisa oba waluk pi wagaikhesik he, mel yagatikhe: ”He yi. Heak a'nogo arat eluk agama yi o,” iluk wogotikhe.

2 RAJA-RAJA 4:36

Eilenggen a'nogo fenggen lagaikhemo, at Elisa nen Gehasi oba yenggerek a'nogo agaisa wesuagaluk yagatikhemo, woletikhemo, ebe wagaikhesik kwisikhemo, at Elisa nen he, ”He yi, heak a'nogo yi o,” iluk wogotikhe.

MARKUS 9:20

Waluk wagaukwama re, munggwarengge obabut weak mene a'nogo eilenggen Yesus hasikhesik he, aremnogoat yenggerek a'nogo enggi eisok mondok ning pururumhogo hilingisogo tamakhogo kweangma pelafikhemo re, wesilagap ambelekwe wulibi wagu kwelek, ebe limbik-lambagengge hilingiti lagaikhe.

LUKAS 7:15

yenggerek wa'lagaikhe mene a'nogo eluk agaikhesik hurek logolik ane isikhe. Ane isikhemo re, Yesus nen yenggerek a'nogo agaisa wogetikhe.

LUKAS 9:39

At andi munggwarengge obabut weak mene endawimo kwi wagaresik he, enggi eisok senap kolukhogo hilingiti logolik wesilagap ambelekwe sararuphogo hilingitik, ngai ilik-ilik kweangma talorogo pelafik, ikhi logolik he, yenggerek andi endawimo nen munggwarengge obabut weak mene andi hela wulifi'legat logolik ebe weaget fili'logo.

LUKAS 9:41

A'nogo yagatikhemo, at Yesus nen it afuni hokhorogo omanogo mel yagaisasikhe: ”Yi sani! Hit afuni o yogondak welagep mene yi re, hinendawinggen eberogoat noba himbiret figi'lek logolik nong akhikhi lagep yoma ri! An nafe morogo nenggi miren oba ninom logogun nogo!” iluk yagaisasikhesik he, ap a'nogo mel yagatikhe: ”Hamlogo ari waluk eme o,” iluk yagatikhe.

LUKAS 9:43

A'nogo wogetikhemo afuni omanogo mondogat ineilenggen hasukwasik he, ”Allah omame mondok hokho andi ninailo e,” iluk fogeratukwa. It afuni omanogo mondogat, at Yesus nen yi hilingitik, ti hilingitik, hilingiti lagaikhe mene omanogo faget he: ”Egi!” iluk, fogeratu kwelek, aren agoromi ane wanhi lagaukwa mene omanogo mel yagaisasikhe:

YOHANES 6:19

I ha'labu hokhorogo hilingitu kwelek it a'nogo e so warik tulem heire'ma ilirengge fuaben he a, falfaligen he a, yatmaat asi wagaukwa hak he, at Yesus a'nogo eisok i agum ebene filik inoba higit horogat wagunem ineilenggen yet hasukwasik inailo hokhorogo agaukwa.

KISAH PARA RASUL 9:41

Hu'lagaikhemo, at Petrus nen enggi fagaisogo menfesikhesik he, it Allah againafuri ekhe inom, hemi sogwe mene omanogo inom, wolisasikhemo kwisukwama re, ”At ebe eluk aga yi,” iluk wogisasikhe.

WAHYU 12:12

Andi nen he, hit pogoroba welagep mene mondogat yi sani! Hinendawimo hinagaiyek hikhi logoino. Hinendawimo hinagaiyek agu kwelek, hit kweangma mene inom, i laut yenggele'ma mene inom, enek he, Iblis a'nogo hinoba pelakfisa wagama, at enggi endebat logogin mene futfikhesik, aren he, nenggi endebat enek logogin andi nenahalok, iluk a'mage lagaikhesik weagethinabigin andi nen he, eigo! Nendawilage,” iluk ugunem holhi o.