LUKAS 8:8 - Allah Wene Fano Wene Hupla Inane

⁸ Nen, fena re, kweang fanoma pisikhe mene re, fulelhikhesik he, hokho agaikhesik, ero lombok enggen 100 nen higik irik lagaikhe,” iluk yagaisasikhe. A'nogo yagaisasikhesik ane hokhorogoat ikhi logolik he, ”Hinesanggo holugun halok he, furogo holini o,” iluk yagaisasikhe.

LUKAS 8:8 Iomraidhean Croise

KEJADIAN 26:12

At Ishak en o andoma yabu wanhikhesik enggen awi feik lakfesikhemo At Tuhan nen enggen awi a'nogo fanot fugunem tahun andiba enggen itikhe re yatikhe mene a'nogo we endebat oba nen, we ekhe inom sik-pik arik laga logolik altap 100 nen mangorogo ekhe inom itikhe.

AMSAL 20:12

Inesanggo re holhu mene faget werek, nen ineilenggen he yethugu mene faget werek, andem ebe pirenet he Tuhan nenat elalhikhe.

AMSAL 8:1

Hebelek mene nen ane hokhorogo humerik lagunem he, endawinggen kagalek mene nen ane legeri'lago andi holini!

YEREMIA 13:15

Afuni Israel mene yire, Tuhan ane mondogat ikhe o! Hiren legetfakhagup At ane hinesanggo holini!

YEREMIA 25:4

Tuhan nen ogore hundik-handik At amingmingengge nabi omanogo inayonggo fuluk hit hinambit lakfisa waga laga, oba nen he hiren it inane hologo hilingitik, fut figik, hilingiti lagep legat.

MATIUS 11:15

Hinesanggo holugun halok he, fanorogo holini o.

MATIUS 13:23

Nen, awi ekhe kweang fanoma feik lakfesikhe andi ebe re, it afuni ekhe Allah ane andi inesanggo holharesik he, ebe furogo futfugunem, wene andi enggen iterego. Ero ekhe nen enggen 100 itik, ero ekhe nen enggen 60 itik, ero ekhe nen enggen 30 itik, iterek andi aro,” iluk yagaisasikhe.

MARKUS 4:20

Nen, awi feik ekhe kweang muli fanoma lakfesikhe andi ebe re, it afuni ekhe Allah ane andi inesanggo holiluk wanharesik he, wene andi inendawimo enggen iterego. Ero ekhe nen enggen 30 itik, ero ekhe nen enggen 60 itik, ero ekhe nen enggen 100 itik, iterek andi aro,” iluk yagaisasikhe.

MARKUS 4:23

Andi nenat, sa nen esanggo holigin halok he, fanorogo holuago,” iluk yagaisasikhesik,

MARKUS 4:8

Nen, enggen ekhe re, kweang muli fanoma pilik lagaikhe mene re, fulelhikhesik ebe hokho agaikhesik he, enggen itikhe. Ero ekhe enggen 30 nen itikhe. Ero ekhe enggen 60 nen itikhe. Ero ekhe enggen 100 nen itikhe,” iluk yagaisasikhesik he,

MARKUS 7:16

Hinesanggo holugun halok he, fanorogo holhi logoni o,” iluk yagaisasikhesik,

LUKAS 14:35

Lego. Mayu aik lek mene andi re, awi yagoma figik, kweang muli asuageluk yabu esap watik, ugun mondok legen he, hugisagarego, iluk yagahisigi mene andi hinesanggo holugun halok, fanorogo holini o,” iluk yagaisasikhe.

LUKAS 8:15

Nen, kweang fanoma pisikhe andi ebe re, it afuni ekhe fano wene andi inesanggo holharesik he, inendawinggenma mondok furogo helagaresik herakfigi'lek fisogo logolik, enggen hokho iterek andi aro,” iluk yagaisasikhe.

LUKAS 8:7

Nen, enggen ekhe re, panggi anggele'ma pisikhe mene re, panggi andi inom misikwe fulelhikhesik, awi fano mene a'nogo panggi andi nen sebelhikhemo kenken agaikhe.

EFESUS 2:10

Arenat fano hilingisogo ninobagasikhemo welago. Andi re, nit Kristus ninom hundik logolik, yi mene ti mene fano men nek hilingiti logouwageluk, ninobabut ket hunogoat elalninafikhe andi re, ebe Kristus Yesus nenat elalninafikhemo welago.

KOLOSE 1:10

A'nogo hinelu asimbik he, ninoe Enupogot endawimo fanorogo, at amolo anggikherek mene higithogo hilingiti logogunat. Yi mene ti mene awi yatunem ero hokho a'luk enggen iterek hak, hit Allah obabut ekhe inomat hinelu aga logolik, yi mene ti mene fano mene hilingiti logogun andi.

WAHYU 13:9

Andi nen he, wene yagahisagain yi, hit hinesanggo holugun halok he, fanorogo holini o. At ekhe ebe hele warogo fogoin obaat, hele warogo fogoin o. Nen, at ekhe karok oba wasigin obaat, karok oba wasigin aro. A'nogo hilingisugun andi nen, ebe esin he, Allah againafuri mene halok, inendawinggen at oba eberogoat himbiret fuluk inafe morogo logogun andi aro.

WAHYU 2:11

Wene yagaisigi andi Allah Areagun en, Allah againafuri o yi awi ti awi andogotarek mene yagaisili'logoat andi, hinesanggo holugun halok he, fanorogo holino o. Sa nen omame asigin halok he, it ekhe wa'la'luk hobuk mondok-mondok wa'lasugun mene andi, inom weagerinabigin lego, iluk wene mondogat yagaisigi mene andi lisu palogo inoba lakfeino o,” iluk yaganete.

WAHYU 2:7

Wene igi mene andi, at Allah Areagun en Allah againafuri o yi awi ti awi andogotarek mene yagaisili'logoat andi, hinesanggo holugun halok he, fanorogo holino o. At sa nen omame asigin halok he, Allah eabumo enggen inelugerinaferek mene noageluk wogosigin o, iluk wene mondogat yagaisigi mene andi, lisu palogo inoba lakfeino o,” iluk yaganete.

WAHYU 3:13

iluk igi mene andi, Allah Areagun en it Allah againafuri o yi awi ti awi andogotarek mene yagaisili'logoat andi, hit hinesanggo holugun halok he, fanorogo holino o, iluk yagaisigi mene andi, lisu palogo inoba lakfeino o,” iluk yaganete.

WAHYU 3:6

iluk, igi mene andi, Allah Areagun en it Allah againafuri o yi awi ti awi andogotarek mene inoba yagaisili'logoat andi, hinesanggo holugun halok he, fanorogo holino o, iluk yagaisigi mene andi, lisu palogo inoba lakfeino o,” iluk yaganete.