LUKAS 8:43 - Allah Wene Fano Wene Hupla Inane

⁴³ Lagunem he, he ekhe amep lagu mondok werek kwelek 12 tahun hilinglagaikhe mene, it ekhe nen fano hilingisuageluk inayonggo filik onggo hokhorogo wogisikhi logolik he, at agarek mene leget fesikhe meneat he, iren fano higiti'lek werek kwelek, amep a'nogo palagi'lek lagu mondok welagaikhesik,

LUKAS 8:43 Iomraidhean Croise

2 TAWARIKH 16:12

At Asa a'nogo raja logolik melalinafi lagaikhe mene a'nogo 39 tahun asi lagaikhemo re at Asa ebe eisok pirenet ou hokho mene oba agaikhemo ou wanhu welagaikhe. A'nogo logolik he, Tuhan nen lebetnabuageluk At herasu mene re, aren he dokter ap ou hilinginaferek meneba fano hilingnabuageluk kinosi lagaikhe.

AYUB 13:4

Hit he hinebe kemburek welagep mene a'nogo re hineranen weneba ikhi logolik hinati lagepma re, ap heinogengge ineranen wene agarek mene a'nogo inom he agamsek welagep lek.

MAZMUR 108:12

Nineisena Allah, Hat he nit ninom lagain lega? Hat he nit ninagoromi tentara lagunem hinom lagain legara?

YESAYA 2:22

Enggere, afuni inebe lek asugun mene andoma re iren yi'nogo ti'nogo ekhe hilingisu elo'lek hilingi'mo re it inoba hinendawinggen tibetfuluk logou fuk.

MARKUS 9:18

Munggwarengge obabut weak mene andi endawimo kuluk he, ebe kweangma tamakhogo pelafunem ambelekwe wesilagap peterogo aik himbirogo, enggi eisok ning pururumhogo wa'lari'logo. Andi nen he, hat hagoromi hane wanharek mene yoma nen henegeisogo wulabuageluk inayonggo figi mene re, iren ninggi'nogo henegeisogo wulabu heat hilinglaga,” iluk yagatikhe.

LUKAS 13:11

he ekhe munggwarengge obabut weak mene endawimo kwisikhesik logolik amboroak sumbuk isikhesik, higithogo menlasu mondok elo'lek werek kwelek, 18 tahun hilinglagaikhe mene andoma welagaikhe.

LUKAS 13:16

Andi hangge, he Abraham en tagongge mene yi Iblis nen hele homagaisogo fisogo werek kwelek, 18 tahun hilinglaga mene yi, ninenggi Allah faget weat logolik hele fikhalogo fogoin lek nogo? Fikhalogo fogoin aro,” iluk wene a'nogo isikhemo,

LUKAS 8:27

Wulifukwasik, i aik oba wulibi lagaukwa hak, ap ekhe awi sili kota andi mene munggwarengge obabut weak mene endawimo kwisikhemo welagaikhe mene, at Yesus oba wagaikhe. Ap andi fagearen munggwarengge obabut weak mene hundik-handik endawimo kugunem, it afuni ekhe nen enggi eisok posiemanggen oba homati lagaukwa meneat he, hele libik-lebekhogo lakfisaluk, munggwarengge a'nogo nen waluk o leimo afuni le'ma andoma laga lagaikhesik he, hobuk su laberek lek alfulukwaat, at aiba lomborogo welagi'lek oumo warek mene fisagarekwe andoma nogolik nikhi logolik were'ma, Yesus ebe wagunem eilenggen yethasikhesik awe a'ma hu'lasi kwisikhesik ane hokhorogoat mel yagatikhe: ”Yesus. Hat Allah Enupogot amlogo yi, an ninggi'nogo hilingnabigeluk wagen,” iluk yagatunem, at Yesus nen munggwarengge a'nogo wulibuageluk yagatikhemo, at a'nogo nen: ”Noe. Weagetnafun o,” iluk ane liokhogo yagatikhe.

LUKAS 8:44

afuni hokhorogo omanogo lagunem, Yesus ambotma lagaikhesik he, asu wurep enggi fakhasikhe. A'nogo fakhugu kwelek aremnogoat amep a'nogo palagaikhe.

YOHANES 9:1

At Yesus ebe o andoma herakfisaluk kwe laga logolik, eilenggen yethasikhe hak he, ap ekhe agaisa alabutmo nen mondok eilenggen mumat ta'lagaikhe mene hasikhe.

YOHANES 9:21

ninggi'nogo nen fano aga he, nit ninonggoro. Nen, sa nen fano higite he, nit ninonggoraro. Halok he, at ebe ap yenggerek fugo. Ebe alue atma re, at onggwarek faget yagahisoagen oba heinok wokhani,” iluk yagaisasukwa.

KISAH PARA RASUL 3:2

Lagasukwa hak he, ap ekhe agaisa alabutmo nen eisok wut warek mondok ta'lagaikhesik welagaikhe mene, kwe ambe pale'ma enu Eil Amulit Fano iluk ikhi lagaukwaba andoma fei wagaukwama were'ma hasukwa. Afuni nen ap andi inenggi ekhe kamo igi'lek hundik-handigat afuni ekhe Allah awi wuri'mo kugunem he, yi mene ti mene ambe kino weak yagaisikhi logouwageluk, kwe ambe pale'ma andoma yerogo fei waga lagaukwa.

KISAH PARA RASUL 4:22

Ap eisok wut warek mene elalinat higitukwa andi re, ebe 40 tahun welagaikhesi'mo nen, fano hgitukwa andi.