LUKAS 8:18 - Allah Wene Fano Wene Hupla Inane

¹⁸ wene hinesanggo holhi lagep mene andi fanorogo futfikhi logoino o. It afuni inagarek werek mene andi re, ekhe inom mangorogo wogisagain. Meneat he, it ekhe lek mene andi re, inendawimo nen he, endebat ya elok werek, anggili'lagwi mene andi telogo helagain o,” iluk yagaisasikhe.

LUKAS 8:18 Iomraidhean Croise

AMSAL 14:12

Kwe ekhe higithogo lagaikharek mene hangge werek, oba nen he, kwe andi laga la'luk ambisangma wa'lagaikharek meneba asi lagaikharek.

MATIUS 13:12

Sa nen agarek werek mene andi, Allah nen hobuk oba loukhogo wogosumo re, at enggimo hokho asigin o. Nen, sa nen agarek lek halok he, endebat enek logogin mene andi, Allah nen ambotkwe telogo helamo re, elagaik asigin o.

MARKUS 13:14

Wene a'nogo yagaisasikhesik he, ekhe mel yagaisasikhe: ”Hiren lisu palek yi re, enu salhi logolik fanorogo futfikhi logoino o. Afuni yi enggin ti enggi inoba fagain mene andi o wesa logogin oba kwi wesimbik mendek werek halok he, afuni o Yudea tongge werek mene andoma heise pugulogo tom ebene lagauwago.

LUKAS 19:26

at kain a'nogo nen he, mel yagaisasikhe: It afuni ekhe inenggi werek mene andi, inebe lombok hobuk ekhe inom oba loukhogo wogisogoin o. Nen, it ekhe inenggi lek mene andi, endebat fisogo werek mene andi, inenggimo nen telogo helogoin andi nen he, at ap andiat wogosubagaigeluk yagahisigi o.

LUKAS 9:44

”An wene yagahisagain yi fanorogo futfikhi logoni o. An abat ta'lasi wagagi a'nogo aben yonggo lambik it ekhe nen noasuageluk inenggiba nobagagun o,” iluk yagaisasikhe meneat he,

YOHANES 15:2

Hele enggisok ebe lombok, an noba hundik logolik enggen iti'lek halok, tekhogo lakfisagain o. Meneat he, enggisok ebe lombok enggen ite halok he, ekhe inomat iti logouwageluk wulfuk palogo wusa yogoligin o.

KISAH PARA RASUL 10:33

Andi nenat, an nenggi ekhe welagi'legat he, ap ekhe hayonggo hoba lakfisigimo, hat hobabut fano nen kamo igi'lek fano wagen, noe. Nit mondogat yogondak Allah eilhanem welago yoma re, Aren wene yagaisano, iluk yagahete mene, wene andi mondogat ninesanggo holuogeluk welago, noe,” iluk yagatikhe.

KISAH PARA RASUL 17:11

It afuni Yahudi o Berea mene inobabut he, afuni o Tesalonika mene inendawimo puk welagaukwa andi hak he, lek. We, it he, wene anggilukhogo wanhi logolik, ”Wene ikhe andi eberogoara? Lega,” iluk, Allah ane lisu palogo fesukwa mene a'nogo hundik-handigat enu salogo furogo kumuthikhi lagaukwa.

ROMA 12:3

At Allah obabut fano nen, yi'nogo hilingiti logouwageluk nayonggo fesikhe andi nen, wene ekhe yi hinebe lombok komothinabik. Hit he, it ekhe inawe a'ma logogun werek kwelegat he, hinendawimo nen, ”An nebe kain,” iluk hinendawinggen legeisogo fakhikhi logogun lek. Athe, Allah nen hinebe lombok hinendawinggen at oba himbiret fikhi logouwageluk hinobabut lombok wokhisasikhe higithogo, hinendawinggen sebelek logolik hinonggwaregen hinobabut palikhi logoino.

1 KORINTUS 14:37

At ekhe nen he: ”An nen Allah ane yagahisoageluk, Allah Areagun en nobabut andi wo'netemo,” igik, i a, athe, ”Hunogo mene hilingisuageluk wo'netemo,” igik, ikhe halok aren he, ”Wene Paulus nen ikhe andi re, ninoe Enupogoren komotninafikhe mene, lisu palogo ninoba lakfei waga andi,” iluk at futfuluk wanuago.

1 KORINTUS 3:18

Hinonggwaregen hinebe lalagubo. Hat ekhe nen he: ”Afuni yoma inanggele'ma nen an enek he nendawinggen kagalek mene welagi,” iluk anggikhi lagen halok he, hendawimo ebe wene andi wenggelasuagen he, afuni inanggele'ma yoma nen kemburogo logogin halok fano.

1 KORINTUS 8:2

At ekhe endawimo nen anggikhi logolik he: ”An wene arat nelu,” iluk anggili'logo meneat he, at furogo elu asigin meneat he, oan onggot logolik ili'logo o.

FILIPI 3:4

Ninagap endakwe yi faget hilingitorek andiba fanotninabigin iluk angga higit logoilepma re, it afuni ekhe nen elo'lek hak, anggugu kwelek, an enek he, esin hak anggikhi logoile.

IBRANI 2:1

Andi nenat, afuni i soba lagunem i nen woginarek lagarek andi hak, nit ebe wene andi herakfisamo ekhema wo'ninarek lanogo iluk, wene ninesanggo holhugu mene andi ninghogo fisogo logouwogo.