LUKAS 8:15 - Allah Wene Fano Wene Hupla Inane

¹⁵ Nen, kweang fanoma pisikhe andi ebe re, it afuni ekhe fano wene andi inesanggo holharesik he, inendawinggenma mondok furogo helagaresik herakfigi'lek fisogo logolik, enggen hokho iterek andi aro,” iluk yagaisasikhe.

LUKAS 8:15 Iomraidhean Croise

MAZMUR 119:11

An nen Hat helokhoma weak hilingiti hanogoluk, Hat Hawene melalek yaganeti lagen mene a'nogo nendawimo fakhigirik welagi.

MAZMUR 51:10

Haren nendawimo weak hilingisogo fegen mene andi, hobuk fanotnafunem nendawimo nagaiyek asimbik, fano wene andi nesanggo holigen he Harenat yagane'no o.

AMSAL 3:1

Wene an nen yagaheti lagi mene andoma re honggorasu fugo, namlogo. An nen wene melalek yagaheti lagi mene andoma eberek mondok logogin halok he,

YEREMIA 15:16

Haren an noba hane ugunem he, hane ugu mene andoma ebe lombok hol fakhikhi lagi o. Tuhan Allah neisena Homame Mondok Hokho mene, An he Hat honggwarek mene welagi o. Andiba re Hat hane ikhi lagen mene andomaba re an nendawimo seleget nafik, nagaiyek mene hilingnobagagik ugunem welagi o.

YEREMIA 31:33

An nen nagainafuri Israel mene ninom wene ket mene wasugun mene andi ebere yi: An Nawene melalek a'nogo it inendawinggenma figik, inendawimo lisu palfisigik, igin o. An nebe re it ineisena Allah asigin, nen it he An nagainafuri asugun.

YEREMIA 32:29

endu fasugun. Andi re afuni nen An na'mage kwelafi logolik o andoma tum oba nen he iren Baal faget amben fano mene dupa nolhik, nen tugwi kembu obaget anggur agai hilingitik, hilingiri'lagwi aiba andoma mondogat alkan kurogo leget fagain o.

MATIUS 24:13

Meneat he, sa nen afe morogo mondok logogin halok he, o wurep oba Allah nen teligin o.

LUKAS 11:28

at Yesus nen he, mel isikhe: ”At andi nek lego. It ekhe Allah ane andi inesanggo holiluk higithogo hilingiti logogun halok he, inendawimo agaiyek hokhorogo hikhi logouwagaro,” iluk yagatikhe.

LUKAS 6:45

Afuni nen yi wene ti wene inambeba nen agarek andi re, inendawimo peterek logolik, kagalogo lagai wagunem agarego. Inobabut fano mene inendawimo fano mene peterek logolik, wene fano meneat wulabi wagaikharego. Meneat he, afuni inobabut weak mene inendawimo weagat logolik wene weak meneat wulabi wagaikharego,” iluk yagaisasikhe.

LUKAS 8:14

Nen, panggi hokhorogo anggele'ma pisikhe andi ebe re, it afuni ekhe Allah ane andi inesanggo holharesigenat inendawimo nen he, eige. Ninggi'nogo hilingisigin he, iluk, menenei ebetik, nagarek hokhorogo logoilebe, iluk inendawimo ebetik, kweangma mene inendawimo inagaiyek hogoin mene oba ebetik, agarek andi nen he, inendawimo Allah ane andi enggen wurik agi'lek lologo lek agarek andi aro.

LUKAS 8:16

A'nogo yagaisasikhesik he, ekhe yagaisikhi logolik, mel yagaisasikhe, ”Afuni nen he, esage ibilogo re, iwak elema sebelogo figik, nogo agarek oba a'ma figik, agarek lek. Afuni oloba kwikhi logolik selek were'ma enegat hoageluk he, esage eisok telik oba legeisogo fagarek.

YOHANES 14:15

At Yesus nen wene a'nogo warisasikhesik he, wene ekhe mel yagaisasikhe: ”Hit an hinendawinggen hundik halok he, an nen hit yi'nogo hilingiti logoino, ti'nogo hilingiti logoino, iluk yagahisikhi lagi mene andi hilingiti logogun o.

YOHANES 15:10

Nen, an neisena nen, yi'nogo hilingi'no ti'nogo hilingi'no iluk yaganetikhe mene andi, an nen at ane hologo hilingitunem, aren an endawinggen hundik welagarek hak, hit a'nogoat an nen yi'nogo hilingi'no ti'nogo hilingi'no iluk yagahisikhi lagi mene andi, hiren an nane hologo hilingiti logogun halok he, an nen hit nendawinggen hundik logogin o.

ROMA 2:7

At Allah nen he, it afuni fena nen inebe fogerinafarek mene inom, agaugwerinafarek mene inom, fili agarek lek mene inom, eise asuogeluk inafe morogo logolik inobabut higit hilingitarek mene halok, inebe ineluk mondok logouwageluk hilinginabigin.

ROMA 6:22

Mene re, hit weak hilingitu kwelek, weak mene nen fethinarek were'ma, Allah nen hele fikhalogo wulakhinobagasikhemo re, yogondak he at awe a'ma kuluk welagep andi. Logolik he, hinebe at faget fisaluk welagep andi mene helegebo. A'nogo logombik, wurep oba hineluk mondok logogun aro.

ROMA 7:18

Higithogo hilingisigeluk namolo anggigirek meneat he, ebe an nen hilingisigin he, elo'lego. Andi re, an nobabut he, fano mene ekhe hilingitirek fuk. We, nobabut afuni inobabut mene netogat logolik hilingiti lagi, iluk nelu o.

ROMA 7:4

Andi hak he, nerugwi nagaila'lak. Hit attak he, hemi inaguni inom hele homago hangge welagaikharek ogo andi hak, wene Allah nen komotninafikhe wene a'nogoba homago were'ma, at Kristus ebe watukwama wa'lagaikhe andi, hinomat wa'laga logolik, hele hangge homago welagagip mene andi arat fikhalagaikhe andi. Andi nen he, hemi inaguni wa'lagunem ekhe elok woginabugun andi hak, hit Allah faget fano hilingiti logouwageluk, at Yesus wa'lagaikhemo Allah nen eluget fesikhe mene a'nogo nen wokhinafikhemo welagebo.

ROMA 8:25

Mene re, Ninendawimo nen, ”Hobuk eberogoat yi'nogo hilinglasigin o,” iluk anggikhi lago mene nineilenggen higi'lek logolik ninafe morogo nenangorogo welago.

1 KORINTUS 7:19

Inagap inenggalimo mene a'nogo palek logogun inom, pale'lek logogun inom, andi esin fuk. Lego. Ebe esin he, Allah ane hologo hilingiti logogun andi aro.

EFESUS 2:8

Hit hinendawinggen at oba eberogoat himbiret fugunem he, at obabut fano enago a'nogo nen telhinafikhemo welagep andi, ero hinonggwaregen telegep fuk, we, yi mene ti mene onggo legat wogisagarek hak, at Allah obabut fano nenat telhinafikhemo welagep andi.

ULANGAN 30:6

A'nogo hilinghinabimbik, hit hinebe inom, hiren tagongge mene inom, hinagap hinenggalimo mene palhinabu hak, hinendawinggen tegelogo hinobagaumo, hinendawinggen inom, inobabut inom misik asimbik, nineisena Tuhan Allah hinendawinggen hundik logolik, hinebe hineluk hinaiba andoma logogun o.

FILIPI 1:11

Yi mene ti mene awi yatunem ero hokho a'luk enggen iterek hak, at Yesus Kristus nen hilinghinafi logogin oba, hinobabut higithogo hilingitu mondok ekhe inomat hilingiti logogun halok, at ebe wagunem he, afuni ekhe nen Allah hai watik fogeratik, uguno.

KOLOSE 1:10

A'nogo hinelu asimbik he, ninoe Enupogot endawimo fanorogo, at amolo anggikherek mene higithogo hilingiti logogunat. Yi mene ti mene awi yatunem ero hokho a'luk enggen iterek hak, hit Allah obabut ekhe inomat hinelu aga logolik, yi mene ti mene fano mene hilingiti logogun andi.

IBRANI 10:36

Hiren Allah endawimo amolo anggikherek mene hilingitunem, aren, ”Hit wokhisagain,” iluk abok yagahisasikhe mene andi wanubagaigen he, hinafe morogo hilingiti logoino.

IBRANI 2:1

Andi nenat, afuni i soba lagunem i nen woginarek lagarek andi hak, nit ebe wene andi herakfisamo ekhema wo'ninarek lanogo iluk, wene ninesanggo holhugu mene andi ninghogo fisogo logouwogo.

YAKOBUS 1:4

Hinendawinggen lebelekhogo ekhe welagi'lek mondogat higithogo wurik asuageluk he, hinendawimo pugagi'lek hinendawinggen hambukhogo logoni o.

1 YOHANES 2:3

Wene Allah nen komotninaferek wene andi, hologo higithogo hilingiti lago halok he, at ebe nineluo, iluk andiba nen ninendawinggen wenggelogo futfikhi lago.