LUKAS 8:13 - Allah Wene Fano Wene Hupla Inane

¹³ Nen, helep oba pisikhe mene andi ebe re, it afuni ekhe Allah ane andi inesanggo holharesik he, inendawimo agaiyek hikhi logolik wanharesigat he, inendawinggenma omanggen yati'legen eberogoat iluk endebat enek anggaluk were'ma, weak hilingisuageluk inendawimo kagali wagunem he, arat kobokhogo herakfisaluk wulifarek andi aro.

LUKAS 8:13 Iomraidhean Croise

AYUB 19:28

Hiren he, Niren ninggi'nogo wene halogo oba fogoin he, iluk egep andi nen an nendawinggen mondok weak aga o. Hiren wene pilingisugun iluk wene ero herati lagep andi.

AMSAL 12:12

It ap weak mene andi re it ekhe weak hilingitu mene inoba nen saburogoin iluk hilingitarek, oba nen he ap fano mene halok he e enggen iterek agayo higit werek.

AMSAL 12:3

Ap misik ekhe aweak hilingiterek mene a'nogoba femhogo welagarek mene ekhe werek lek, oba nen he ap ekhe eberogo anggikherek mene re taloti'lek abolo'lek logogin.

YESAYA 58:2

Iren linggene An fogetnafik, An nendawimo anggigirek mene inelu asuageluk hilingitik, ugunem iren hilingitu mene omanogo re fanorogo nek hilingiri'lagwi mene hakhogo welagik, An nawene melalek oba tiphogo hilingiri'lagwi mene hakhogo hilingitik,” agarek. Iren ikhi logolik, ”Nit he Tuhan fogerasuogeluk inom, At awene melelek higithogo hilingisuogeluk inom he ninagaiyek welago o,” iluk agarek.

YEHEZKIEL 33:32

Hat faget he, iren at yi re wuni sileng felalni igik, nen, ane mondok pugun-pagansek mene igik, nen no kecapi kongetu aple hebelek mene igik agarek. Andi re eberogo iren hat hane inesanggo holi'lagwi, oba nen he hologo hilingiri'lagwi lek.

HOSEA 6:4

Oba nen he Tuhan nen ikhi logolik, ”Hit afuni Israel mene inom, Yehuda mene inom, hinobaget he An nen ninggi'nogo mene hilinghinabigin nogo? Hiren An hinendawitnafi lagep andi re, o hubet werek kwelegat ohena inom, lilengge inom, weak-weagat lek agarek andi hak legari'lago.

LUKAS 8:12

Kwe ebekhalem pisikhe andi ebe re, it afuni ekhe Allah ane inesanggo holharesik, eberogoat iluk wanhunem, Allah nen inebe telinabinogo iluk, Iblis wagaresik he, wene inendawimo nen henogo waluk lagarek andi aro.

LUKAS 8:14

Nen, panggi hokhorogo anggele'ma pisikhe andi ebe re, it afuni ekhe Allah ane andi inesanggo holharesigenat inendawimo nen he, eige. Ninggi'nogo hilingisigin he, iluk, menenei ebetik, nagarek hokhorogo logoilebe, iluk inendawimo ebetik, kweangma mene inendawimo inagaiyek hogoin mene oba ebetik, agarek andi nen he, inendawimo Allah ane andi enggen wurik agi'lek lologo lek agarek andi aro.

YOHANES 15:2

Hele enggisok ebe lombok, an noba hundik logolik enggen iti'lek halok, tekhogo lakfisagain o. Meneat he, enggisok ebe lombok enggen ite halok he, ekhe inomat iti logouwageluk wulfuk palogo wusa yogoligin o.

YOHANES 15:6

Nen, hele enggisok palogo lakfisagarek mene puk agunem he, afuni nen andogorogo fuluk endumo lakfisugunem endu ninggerek andi hak, at sa nen an nemberek hundik lek, kobolek logolik, a'nogoat palogo lakfoumo ebe endu nagain o.

YOHANES 5:35

At Yohanes andi ebe re, esage ibilogo fugunem yararet hikherek hak were'ma, hiren he, esage omba'-bak ninoba fikhi logouwak, iluk, elama fagerat hinendawimo hinagaiyek anggikhi lagagip andi,

1 KORINTUS 13:2

Nen, Allah ane fano mondok yagaisigik, wene afuni inendawimo hinago welagarek mene andi mondogat nelu agik, yi wene ti wene ekhe mondogat neluat welagik, nendawinggen Allahba mondok himbiret fuluk he, tom ekhe obali'mo nen sanokhogo ekhema loageluk yagasigin elok welagik, ikhi logolik meneat he, afuni ekhe inebe nendawirogo logogin lek halok he, we tulemat ikhi logogin o.

1 KORINTUS 15:2

Fano wene yagahisa wagagi wene andiat hinenggi ninghogo fisogo logogun halok he, andiba at telhinabi'logo. A'nogo meneat he, hit we tulemat alemarogo hinendawinggen Allah oba himbiret fegepsik welagep halok he, elo'lego.

GALATIA 3:1

Hit afuni o Galatia mene hinendawinggen lek hilingiti lagep andi ri! Yesus Kristus ebe eba menfuluk watukwa wene a'nogo hineilhanemat furogo yagahisasugu meneat he, wene hobuk sa nen hinendawimo kagalhemo a'nogo hilingiti lagep.

GALATIA 3:4

Allah nen mondogat a'nogo hilinghinafunem hasigip mene andi, we tulemat alomat lasigin nogo? Elo'lego.

EFESUS 3:17

Hinendawinggen at Kristus oba himbiret foumo, at ebe hinendawimo awi wurogo were'ma re, yi mene ti mene awi yatunem omanggen yatik, o tik ninghogo watik, agarek hak, hinobabut he, afuni ekhe inebe inendawirogo welagaikharek andi meneba hinomanggen yakfuluk ninghogo logobagaigen iluk, Allah ayonggo fikhi lagi aro.

KOLOSE 1:23

Halok he, fano wene hinesanggo holhigipsik he, hinendawimo nen: ”Hobuk fano asigin,” iluk, anggasigip mene andi, hinendawinggen abolok iluk kobokhogo herakfisigi'lek ninghogoat fisogo logoino. Fano wene andi, aren o yi awi ti awi afuni inebe mondogat yagaisasikhe wene andi yagaisilik nikhi logouwageluk, an Paulus nayonggo fesikhe andi.

KOLOSE 2:7

e omanggen kweangma ninghogo yaterek andi hak, hinomanggen Yesus oba ninghogo yakfuluk logolik he, o anduli ninghogo pelakfuluk o ebe amboloba wutarek hak, hinendawinggen Kristus oba himbiret fesigip mene a'nogo, hinenggi pukhogo fisogo logolik, Allah hai wato mondok logoino o.

1 TESALONIKA 3:5

Andi nenat he, at Iblis ninendawimo kagalherek mene a'nogo nen hinendawimo kagali wesumo, niren hit faget set kwalogo hilingiti lagagu a'nogo tulemat alomat lasigin andi nabire, iluk nendawinggen firogo logolik, nendawimo sebeligin elo'lek agama re: ”Inendawinggen Kristus oba himbirigat werega? Lega,” iluk at Timotius nen hinobabut palimbik he yaganesi wesuageluk, hinoba lakfei wagi andi.

1 TIMOTIUS 1:19

It ekhe nen, ”Wene andi eberogoat,” iluk wanharesik, inendawimo selekhogo logou meneat he, hobuk weak hilingiri'lagwi andi nen, e so ima wula'lakhogo pikherek hak, hela paga andi. Hat andi hangge hilingiti'lek, hendawimo nen, ”An weak ekhe hilingiti'lek, nendawinggen selek welagi,” iluk hendawinggen Allah oba himbiret fuluk homamerogo hilingiti logoino.

IBRANI 10:39

A'nogo meneat he, nit he, it afuni ekhe alomat lasuogeluk inambotkwe wulibugun mene andi hangge welago fuk. Lego. Nit he, ninebe telninabuageluk ninendawinggen at oba himbirik welago mene welago o.

YAKOBUS 2:26

Ninebe ninareagun wulifunem wa'lagorek andi hak, ninendawimo nen he, Allah eberogoat iluk anggikhi logoligat he, ninenggiba nen ekhe hilingiti'lek halok, warek hangge logolik, we tulemat anggikhi lago andi o.

2 PETRUS 2:20

Afuni re, kweangma weak hilingitarek mene yoma herakfisaluk, heise wulibi we'luk, ninoe Enupogot Yesus Kristus telninafikhe mene ebe inelu a'lugat he, hobuk inambotkwe weak hilingitarek mene andi oba kugunem he, kimalin awiba elugengge kugunem yinggilogo fakfikherek andi hak, fakfisamo re, lebelegat asugun andi. Lebelek asimbik omanggum weak welagaukwa andi re, endebat fano hak. Mene re, hobuk weak asugun andi re, mondok hokhorogoat weak asimbik logogun o.

2 PETRUS 2:22

It andi afuni nen inane lagakhogo mel iluk agarek andi hak hilingiti logogun: ”Mene nen he hebak wurogo fuluk, hobuk ambotkwe na lagarek. Nen, wam he agap fano sobalek mene hobuk fesimo hulele wasi kwikherek,” iluk agarek andi hak he, it a'nogoat eberogo nen hilingiti logogun andi.

1 YOHANES 2:19

It afuni andi inebe re, nit mene palek meneat he, it inebe eberogoat nit werekwe mene lego. It inebe eberogoat nit werekwe mene logoilepma re, inebe nit ninom mondogat logoilo o. Mene re, Allah endawimo nen, ”It andi, inebe mondogat hit mene lek, hunogoat mene werek, iluk, enegat asuak,” iluk anggasikheba it a'nogo wulifukwa andi.

YUDAS 1:12

Hit hinerugwi hinagaila'lak inebe hinendawi nen seni isago hinom misi'mo andogorogo nunggunem, it ap andi inenggali legat hinoba kwi wesimbik he, afuni ekhe kwelaginarek welagi'lek inonggwarek faget enek oba ebeti logolik hinom ninggi lagep andi re, weago. Su fano mola were'ma muli mene oba labulagarek andi hak, hinom weak ninggi lagep andi o. Inebe re, ohena meiso nagain lek meneat sogoien aburungweak waluk nikherek andi hak nikho o. Nen, ekhe re, e enggen iti'lek, engga mondok lek agunem, omanggen inom feisalhunem mondok puk agarek andi hak werego.